香港劵商越嚟越多，依家各大平台為咗爭客仔，紛紛推出各種優惠吸客，例如開戶滿足指定條件就有現金券、手續費回贈、股票等等。當然平台優惠力度越大，我哋散戶就越著數啦！我哋之前都介紹過唔少平台，包括：「致富」、「Webull 微牛證券」、「Interactive Brokers」等等，有興趣嘅話可以睇返相關介紹。
最近，曾經以「5蚊」低佣金著名嘅「一通」就突然宣佈因為疫情、人力資源短缺等因素，即將會喺2022年3月底結束營業。「一通」雖然最近幾年市佔率比其他平台略遜一籌，但係聽到佢結業，都令人好感慨，真係時代嘅眼淚！
如果你仲有股票喺「一通」平台，就要儘快賣出或者轉倉去其他平台啦！喺「一通」以經紀交收指示 (SI) 或投資者戶口交收指示 (ISI) 轉倉，會豁免一通同埋港交所嘅提貨收費，但就唔包括收貨經紀同埋港交所收費。今次同大家睇吓幾間熱門券商嘅轉倉優惠邊間最吸引！
一通轉倉步驟
致富 Chief - 轉倉優惠
成功將股票由「一通」轉到「致富」即可享3重優惠，包括港股免佣6個月、轉倉按貨值送高達HKD1,000超市禮券，同埋股票期權長短倉低至每張HKD8等。
「致富」全新開戶仲有HKD300 Donki現金券、同埋額外獎賞，包括免費港美股串流報價、免佣月供港美股及基金等。
耀才證券 - 轉倉優惠
由即日起，由「一通」轉倉到「耀才」，可獲買賣港股零佣金及不收任何平台費優惠，更可獲20股盈富(02800) 加10股滙控 (00005)；若將股票由其他證券行或銀行轉到耀才，更可獲高達10股騰訊(00700)，當中所涉嘅轉倉費，耀才將會全數回贈給客戶，最高金額可達HKD200,000；如果開立期貨賬戶，可獲買賣美期零佣及買賣港期及期權7個月免佣優惠等。
富途牛牛 Futu - 轉倉優惠
由即日起至2022年3月31日期間，成功轉入股票指令，而且存入股票價值達到指定金額即可獲轉倉現金補貼回贈，最高獲獎勵HKD2,000，另外，保留達標金額至2022年至6月30日，仲有額外股票現金券，最高獲獎勵HKD8,000，甚至最新iPhone 13 (256GB)！
以存入股票價值達到最低要求HKD50,000，兼保留至6月底做例子，就可以得到HKD500轉倉現金補貼 + HKD1,000股票現金券。
以存入股票價值達到最低要求HKD5,000,000，兼保留至6月底做例子，就可以得到HKD2,000轉倉現金補貼 + HKD8,000股票現金券 / iPhone 13 (256GB)，加埋成HKD10,000等值。
另外，優惠期內新開戶，亦可額外獲價值HKD1,500獎勵同埋港股證券買賣一世免佣。
長橋證券 Long Bridge - 轉倉優惠
2022年3月31日或之前成功開戶、發起轉入股票指令，並成功轉入任意價值股票到長橋賬戶，即可獲得 HKD500惠康超市禮券。
大家要記得睇清楚劵商轉倉優惠嘅條款，例如喺指定期內要滿足戶口嘅資產要求，亦都要預留buffer，避免因為股票價格波動影響現金價值而滿足唔到要求。
另外，亦要留意證券平台本身嘅服務收費，同埋以免因小失大。
如果本身無其他劵商戶口，亦可考慮埋新客優惠同埋相關條款，從而選擇最適合自己嘅劵商。
優惠受條款及細則約束。借定唔借？還得到先好借！
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
如果想分享 / 更快收到各種優惠著數，歡迎加入我哋港究Telegram討論區。最新消息，我哋最近仲新增咗多個Kong’s Cult 最新文章Telegram Channel，只要Join Channel，每逢有新文章出爐就會同步收到，勁方便！！唔好漏左Follow Kong’s Cult嘅Facebook同埋Instagram專頁啊！你哋嘅支持同意見絕對係我哋港究專員繼續發掘著數嘅動力，下次見！
