想取消 SoFi Hong Kong 一定要親身上去 office 交表？
其實係唔洗嘅。雖然有一句: 請將正本指示親身交回或郵寄至本公司。不過港究專員幫大家問過係 唔洗 嘅，可以透過 Live Chat 或者電郵交表，不過安全啲可以打去 hotline 或者用 Live Chat 同 CS 確認有收到。
如果戶口入面無現金結餘同埋股票，仲洗唔洗交平台費？
港究專員已經幫大家問過 SoFi 係 唔會 收大家任何平台費嘅。
Table of Contents
港究專員已經幫大家問過 SoFi
可以幫大家確認兩件事
- 如果大家戶口入面無現金結餘同埋股票，SoFi 係 唔會 收大家任何平台費
- 第一次計平台費嘅界線係2021年10月31日，跟住會喺2021年11月1日收第一次嘅平台費
如果你有啲唔明想港究專員幫吓手睇吓，歡迎你加入我哋嘅 Telegram 群組 或者喺下面留言問吓港究專員㗎！
想取消可以點做？
你喺填依張取消戶口嘅form嘅時候，你需要填寫一個叫賬戶號碼嘅嘢。如果你唔知依個位填咩嘅話，可以睇吓跟住落嚟港究專員一步一步咁教你睇嘅步驟。
真係要親身交表？
其實係唔洗嘅。
雖然有一句: 請將正本指示親身交回或郵寄至本公司。不過港究專員幫大家問過係唔洗嘅，可以透過 Live Chat 或者電郵交表，不過安全啲可以打去hotline 或者用 Live Chat 同真人確認有收到。
賬戶號碼喺邊度搵？
SoFi 出金
出金注意事項
提款嘅截數時間
港幣同美金提款嘅截數時間係每個工作日 (星期一至五) 嘅 1100 HKT。即係如果你喺每天嘅朝早1100 HKT 之前，透過應用程式發出提款指示，款項根據官方話一般都會喺傍晚約2000 HKT (只限工作日) 存入指定嘅匯豐或者中銀戶口。港究專員都試過，大概1900 HKT就喺匯豐戶口見到。
銀行戶口嘅貨幣
要注意 : 有入過美金嘅戶口先可以直接用嚟出美金，如果你只係試過用你嘅港幣銀行戶口嚟入錢去你嘅 SoFi 戶口嘅話，你係 唔可以 直接出美金，除非你嘅戶口號碼係一樣 (即係綜合戶口)。
你遇到依種情況嘅話就只有兩種方法。
第一，轉做港幣再轉去你已登記嘅港幣戶口
依個方法有需要匯率同埋需要多一至兩個工作天先可以出金。根據官方，貨幣兌換指示會喺工作日 (星期一至星期五，香港公眾假期除外) 處理。喺1100 HKT之前下達的兌換指示將喺當天下午完成。咁即係話你係需要比唔洗兌返港幣嘅用戶用最少多一個工作天先可以順利出金。
另一個方法就係登記返你嘅美金戶口
不過如果你選擇依個方法嘅話，你係需要根據證監會嘅要求，需要轉賬HKD10,000或者USD1,300 去你 SoFi 嘅戶口做一個 AML 嘅程序。依度又需要一啲時間，仲要係無一個準確時間話到畀大家知需要幾耐。港究專員曾經做過兩次登記多一個戶口，一次用咗兩個工作天，另一次就好好彩用咗一個工作天，所以就交畀大家決定。
去管理銀行賬戶嗰度，入返所需資料同相應嘅貨幣就可以！
提款銀行
如果係用香港匯豐或中銀戶口，係唔會收取額外費用。如果係其他本地銀行或者以支票提款 SoFi 會收 HKD15 或 USD2。
美股同港股結算日係T+2
如果你喺股市放咗股票之後係要計多一個工作天先可以收到現金，依個唔係淨係SoFi 先係咁，不過喺今次要每日計住嘅時候就大家記得計埋依啲因素落去喇！
千奇唔好射倉！千奇唔好射倉！千奇唔好射倉！
SoFi HK轉走美股：每隻股票收費USD48，所以千奇唔好射倉！你可以直接用一個最原始嘅方法，用兩個證券戶口一賣一買，不過你首先要開另一個證券戶口。可能你會話佣金會唔會好多，其實依家嘅佣已經好低，以已經取消咗月費受最低結餘嘅 IB 嚟講係每股USD0.035，應該好難會超過平台費同每隻股票收費USD48嘅總數。
SoFi HK同SoFi US通唔通用？
SoFi HK係同SoFi US 係兩間唔同嘅公司，SoFi HK前身係 8 Securities 之後有啲市場操作，依家兩邊嘅系統係有好大分別，同埋係唔通。如果兩邊嘅差距可以細啲嘅話，相信有唔少人都唔會因為平台費而出走。
出金教學
離開咗一個券商，仲有無其他出路？想知多啲可以參考吓以下文章：
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
如果想分享 / 更快收到各種優惠著數，歡迎加入我哋港究Telegram討論區。最新消息，我哋最近仲新增咗多個Kong’s Cult 最新文章Telegram Channel，只要Join Channel，每逢有新文章出爐就會同步收到，勁方便！！唔好漏咗Follow Kong’s Cult嘅 Facebook同Instagram專頁啊！你哋嘅支持同意見絕對係我哋港究專員繼續發掘著數嘅動力，下次見！
Risk Disclaimer：
本文件載列的所有資訊於編製時被視為準確，但概不保證其準確性，亦不會就任何錯誤或遺漏承擔任何責任。投資者應自行核證。所述觀點與策略不一定適合所有投資者。
投資涉及風險，投資者應做好個人風險管理配置。投資者在進行投資前應索取及閱讀有關產品的細節(包括風險因素)。投資者不應僅依賴本頁面作出投資決定。在使用本頁面以前，投資者應該細閱有關產品的銷售文件，包括風險因素。根據個人財務狀況，確定任何投資，證券或策略是否合適閣下，如有需要，投資者應諮詢專業意見。
本頁面所有資訊旨在提供投資知識相關教育，本頁面並不構成買賣任何投資產品的招攬或承諾。
本頁面並未經證監會審閱，如投資者繼續閱讀本頁面，將視作投資者同意以上條款。
