0+3終於實施，世界各地都開始陸續開放通關畀旅客入境，加上最近美元強勢，的確係一個好好嘅買外幣時機！今次港究專員就要介紹一個比銀行匯率更抵嘅平台畀大家去唱錢，就係IB (盈透證券，Interactive Brokers)啦。
IB係一間券商，但除咗買股票之外，仲可以喺全世界80多個國家嘅交易所進行交易，支援23種貨幣，比起其他純美股、港股券商容易兌換貨幣。而且IB外匯匯率一般都比銀行、找換店平，因此對於外幣及多國市場投資者、或是想開離岸戶口兌換外幣嘅人十分吸引。今次文章會介紹如何喺IB買賣外幣同埋外幣嘅提款方法！
延伸文章：
點解要用IB？
想趁日圓走勢低位買賣日元，或投資其他外幣時，想節省手續費，可以利用IB盈透證券進行買賣，IB整合全球17家最大嘅外匯交易所，並提供緊湊價差以1/10個PIP為單位提供實時報價。因此兌換美元、日元、加幣、澳幣等外匯保證金買賣差價低於一般銀行，令你可以降低外匯投資成本。
手機端APP教學
兌換
1. 登入交易畫面
登入手機APP→ 點左上角選單
2.【交易】→ 點選【兌換貨幣】
3. 選擇貨幣對，例如HKD兌換JPY
提款
1. 設定匯出多種貨幣
取款前先確定自己IB戶口可否匯出港幣、美金或人民幣以外嘅貨幣。因為一般而言，如果開戶嗰陣時無選擇去IB香港辦公室進行簽名驗證，提款只能選擇匯出港幣、美金或人民幣。不過只要到IB香港辦公室補辦進行簽名驗證，一個工作天後就可以匯出不同貨幣。
以下有兩種情況都可以去IB香港辦公室進行簽名驗證，：
| 情況 | 方法 |
| 未有IB戶口 | 可以按此IB開戶，並於開戶填寫個人資料時，喺「請選擇一種簽名驗證方式」嗰度揀「選擇1:預約前往我們的香港辦公室辦理」 |
| 已有IB戶口 | 登入IB戶口，喺「取款方式」中點選「更改簽名方式」，揀「選擇1:預約前往我們的香港辦公室辦理」 |
喺IB 嘅香港辦公室辦理簽名後，大約一個工作天就生效。就可以匯出不同貨幣。
IB香港辦公室地址：
- IB金鐘辦公室：金鐘皇后道88號太古廣場1512室
- IB觀塘辦公室：觀塘巧明街100號友邦九龍大樓3204-05室
2. IB 取款方法： 本地銀行電匯設定
- 登入手機APP→ 點左上角選單
- 【轉賬與支付】→ 點選【取出資金】
- 選擇【Use a new withdrawal method】新增取款方式
- 選擇取款幣種，然後選擇「銀行電匯」，IB每個月都有一次免費提取機會，如果一個月內多過一次都要收取手續費。
- 然後輸入「銀行電匯」資料：
-「資金將被存入何處」選擇銀行，所在地填寫「香港」(如果是海外銀行可以選擇所屬地方)
-「銀行賬戶號碼」(如果是換外幣，必須是銀行外幣戶口號碼)
– 接收銀行處按「搜索」並輸入SWIFT / BIC代碼 (例如香港Citibank的SWIFT代碼為CITIHKAX，因每間銀行都唔同，建議讀者向銀行查詢) - 輸入IB用戶名及密碼，再進行手機認證
- 當設定完成後，可以再次回到「取款方式」頁面，選擇剛剛嘅取款指令名稱，再輸入金額，就完成。IB用戶亦可以喺轉賬狀態及曆史中，查閱進度。
交易時間：
IB大多數貨幣對，平常日嘅交易時間幾乎為24小時，但實際會休息15分鐘，亦即美國東岸時間嘅17:15到第二天嘅17:00。週末兩日(即週五嘅17:00到週日嘅17:15分之間)不開放交易。呢方面真係比銀行好！
手續費
一般人(月交易額在10億美金以下)喺IB交易貨幣，會收取0.00002*交易金額嘅佣金，但每筆交易佣金最低為2美金。因此，如果一次交易額係喺10萬美元以下，手續費都係固定喺2美元或等值其他貨幣。
因為呢個最低手續費機制，因此需要注意，儘量減少外幣嘅交易次數。
鍾意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！ 如果想分享 / 更快收到各種優惠著數，歡迎加入我哋港究Telegram討論區。
最新消息，我哋最近仲新增咗多個Kong’s Cult 最新文章Telegram Channel，只要Join Channel，每逢有新文章出爐就會同步收到，勁方便！！唔好漏咗Follow Kong’s Cult嘅 Facebook同Instagram專頁啊！你哋嘅支持同意見絕對係我哋港究專員繼續發掘著數嘅動力，下次見！
