石油被稱為「黑金」，係人類社會其中一樣重要嘅資源。石油同工業生產、交通運輸，以至製造塑膠產品、衣服纖維甚至化妝品都息息相關，作為一樣咁重要嘅資源，普通投資者可以點投資？港究專員即刻同你睇吓喺香港可以點投資石油！
基本概念
原油會按生產國家市場而採用不同定價標準。國際上最常用嘅原油價格標準主要有兩種，分別係紐約期油 (WTI) 同布蘭特期油 (Brent Crude)。
- 紐約期油：紐約期油即西德克薩斯中質原油，輕質低硫混合原油，主要喺西半球出產，係美國、墨西哥等地交易定價標準，於紐約商品期貨交易所 (NYMEX) 進行買賣。
- 倫敦布蘭特期油：倫敦布蘭特期油係低硫原油，亦係歐洲、中東、俄羅斯及亞洲常用嘅交易定價標準，於倫敦洲際交易所 (ICE) 進行交易。
石油雖然係實物，但有別於黃金，無人會買返屋企慢慢儲。投資者想買石油就要透過買石油期貨合約或石油期貨ETF。期貨意指合約買賣雙方同意按特定時間及價格交收特定數量嘅現貨。而期貨合約即指合約買賣雙方持有於特定日期買賣協定原油數量嘅權利，但唔需要真正交收現貨。以下即刻睇吓每種方法嘅詳細介紹及利弊！
石油期貨ETF
石油期貨ETF 即基金公司透過買入原油期貨合約再提供模擬相關原油期貨指數表現嘅ETF畀投資者參與。以香港早段時間上市嘅 「F三星原油期」(3175.HK) 為例，該ETF追蹤嘅係「標普高盛原油多月份期貨合約55 / 30 / 15 1M / 2M / 3M (美元) ER指數」，其餘類似產品包括「FGX原油」(3097.HK) 或美股嘅 United States Oil Fund (USO) 等。
美股石油期貨ETF 提供投資者更多選擇：如ProShares Ultra Bloomberg Crude Oil (UCO) 及ProShares UltraShort Bloomberg Crude Oil (SCO) 就分別係正反向兩倍嘅 ETF，其所追蹤指數每升或跌1%，兩者價格就會升約2%。適合對油價有睇法又覺得波動太細嘅資深投資者。
優點：
投資者亦可透過原油期貨交易所買賣基金 (即期油ETF) 投資石油市場，買賣可透過普通證券戶口完成。
缺點：
除咗油價波動風險外，投資期油ETF亦需留意產品嘅轉倉成本 (Rolling Cost) 問題：期貨ETF嘅基金經理喺期貨合約即將到期時，需要賣出快將到期嘅合約再買入較後到期嘅合約 「轉倉」。喺期油價格走單邊趨勢時，基金經理手上嘅現有合約價值比起較後到期嘅合約會出現折現，如6月到期嘅期貨價值可能只剩$45，但12月到期嘅期貨則價值$60，基金依然需要蝕住賣出6月期貨再高價購入12月期貨，呢個行為可以導致ETF資產價值折損。
石油期貨
另一種投資石油嘅工具係石油期權，期權交易嘅係「可以喺特定日期交易嘅石油數量嘅權利」，而非一定要進行交易。
優點：
投資者對投資標的有更大操作權。如操作得宜，期權回報可以非常可觀。如非長期投資，亦無需考慮轉倉成本。
缺點：
原油期貨可於短時間內出現極大價格波幅，期貨合約價格可跌至零甚至負數，投資者可能會徹底損失保證金 (爆倉)。合約設有到期日，遇上價格低沉時，投資者不可能像買股票般採取「Strong hold」策略等待回升。
石油企業股
由於ETF 及期貨都各有好壞，唔少投資者可能會將目光投向石油企業股。石油企業股價未必直接反映油價，但對於唔太熟悉石油市場又想參與嘅投資者嚟講係一個較容易操作既方向。但作為一間企業，股價升跌除咗受油價影響，其勘探、煉油、輸送、化工、產品銷售等業務範疇同樣重要。如果投資者選擇投資石油企業，除咗留意油價走勢，亦都需要對以上幾點多加留意。
相關標的：
港股：中石化 (0386)、中石油 (0857) 及中海油 (0883) 等
美股：埃克森美孚Exxon Mobil Corp (XOM)、雪佛龍Chevron Corp (CVX) 及能源股ETF XLE等
油價受供求、宏觀經濟走勢及地緣政治等多項因素影響，資產價格經常大起大跌。你對石油又有咩睇法？歡迎加入討論區一齊討論！
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！ 如果想分享 / 更快收到各種優惠著數，歡迎加入我哋港究Telegram討論區。
最新消息，我哋最近仲新增咗多個Kong’s Cult 最新文章Telegram Channel，只要Join Channel，每逢有新文章出爐就會同步收到，勁方便！！唔好漏咗Follow Kong’s Cult嘅 Facebook同Instagram專頁啊！你哋嘅支持同意見絕對係我哋港究專員繼續發掘著數嘅動力，下次見！
