香港人嘅投資主要以港股、A股、美股為主，可以投資其他國家嘅股票平台相對比較少選擇，除非股票本身喺美國有發行ADR，否則都比較難買到。
ADR全名係American Depositary Receipts (美國預托證券)，指一啲唔係喺美國上市嘅公司，喺美國發行票據，畀美國投資者交易。一般而言，美國機構 (通常都係大型銀行) 會先買入大量海外上市公司嘅股份，再發行代表該股嘅ADR，然後賣畀美國投資者，同普通股票一樣喺交易所買賣。
投資者持有嘅只係ADR，而唔係股票。雖然可以獲分派股息，但係就無公司投票權。
當然，就算發行咗ADR，亦唔代表一定可以喺香港嘅股票平台買賣到，例如唔少ADR喺比較多人用嘅富途牛牛未必搵到，另一平台Interactive Brokers就會相對比較多選擇。
而另一種間接嘅方式，就係投資相關國家嘅ETF。
ETF又分為「被動型」和「主動型」，可能追蹤特定指數、特定行業板塊、特定資產，主動型ETF就會由經理人定期做rebalancing。
唔同投資股票，投資ETF係投資一籃子產品，可以減低單一企業風險，風險相對較低。而入場費亦相對較低，適合本金不多、或者希望分散風險嘅朋友。
今次同大家分享吓，如果睇好某個國家或是地區未來經濟發展，應該搵咩投資好。
實用網站：ETF Database
之前介紹過呢個ETF Database網站除咗有相當齊全嘅ETF資訊、新聞之外，當中嘅ETF Screener同埋Head-To-Head ETF Comparison Tool都非常好用，可以幫我哋揾到合適嘅ETF去投資。
Country ETF
直至2022年4月17日為止，喺ETF Database 嘅分類入面，目前有包括69個國家或者地區嘅Country ETF可以選擇。當中美國嘅ETF有最多選擇，一共有1,643隻相關ETF。
當然，選擇Country ETF時，除咗考慮國家 / 地區嘅政治、經濟因素，你亦可以喺網站上面睇埋發行商、AUM (Assets Under Management)、Return、過往表現等資訊去作出決定。
新加坡：iShares MSCI Singapore ETF【EWS】
最近有新聞指出，香港防疫政策令不少金融機構、企業考慮遷移亞太區總部至新加坡，導致不少金融人才亦流至新加坡。再加上，新加坡對加密貨幣嘅態度亦相對香港更友善，憧憬未來亦有更多資金湧入新加坡市場。所以有唔少人開始更加留意新加坡市場。
目前主要標的新加坡市場嘅Country ETF只有一隻：iShares MSCI Singapore ETF (EWS)。
EWS由iShares (Black Rock) 發行，追蹤新加坡MSCI Singapore 25-50，當中頭五大持股分別有星展(DBS)、SEA Ltd、華僑銀行 (OCBC)、新加坡電信 (Singtel)、吉寶企業 (Keppel Corporation)，佔接近50%資產，相對比較集中。而總共22隻持股入面，涵蓋咗金融、電訊、物流、房地產等。當中比較多人可能聽過嘅M44U豐樹物流信託亦佔3%。
南韓：iShares MSCI South Korea ETF 【EWY】
近十年南韓K-pop興起，韓流帶動唔少韓國企業面向國際，所以韓國呢幾年經濟發展非常高速。
目前主要標的南韓市場嘅Country ETF一共有3隻，當中嘅iShares MSCI South Korea ETF (EWY)嘅AUM亦遠超其他2隻ETF。
EWY同樣由iShares (Black Rock)發行，追蹤南韓MSCI Korea 25-50，當中最大持股係三星電子(Samsung)，佔超過20%資產。另外，組合亦有Naver、Kakao呢類通訊業、汽車、電子零件、銀行等等。
越南 ：VanEck Vectors Vietnam ETF【VNM】
越南係其中一個「一帶一路」受惠最多國家之一，近年越南政府逐漸開放境外投資者投資嘅上限要求，刺激市場競爭、良性發展。加上勞動人口佔總人口嘅比例按年上升，「人口紅利」刺激當地經濟增長。所以越南未來經濟發展相當值得期待。
VNM由VanEck發行，追蹤MVIS Vietnam，當中有60隻持股。當中越南股票佔接近82.15%，亦有少量台灣、南韓、日本等國家嘅股票。當中金融業相關股票約佔47%。
除咗iShares、VanEck，仲有好多實力發行商，例如：Invesco、Vanguard、WisdomTree等等。大家可以上ETF Database或者其他同類網站，慢慢了解唔同追蹤特定指數嘅Country ETF嘅表現，亦可以留意其他追蹤特定行業板塊、資產嘅ETF，甚至有基金經理定期做rebalancing嘅主動型ETF。
如果ETF入面Holdings比例唔啱心水，你亦可以當佢係一個screening list，喺追蹤某指數、行業板塊、資產嘅ETF Holdings入面逐隻睇，揾到當中有靚setup嘅，再直接買賣股票。
至於平台方面，港究專員個人建議可以考慮Interactive Brokers，比其他平台投資選擇多，不過收費就可能比其他平台略貴。
價格走勢方面，港究專員建議大家可以用Tradingview平台，上面嘅劃圖工具簡單易用，無論你鐘意用型態分析定指標作為出入市都非常方便，某幾間Broker仲可以連去Tradingview直接trade。我哋曾經簡單介紹過用法同埋比較免費版同付費版嘅分別。
想一個平台免費睇晒股金債匯Crypto圖表！？TradingView幫到你！
至於交易平台方面，港究專員同時用緊幾個平台，主要考慮你有無離岸、孖展需求。Interactive Brokers孖展利息比較低、本地轉賬容易；Firstrade就係資金離岸、收費低。Webull同樣交易美股0佣金、0平台費、0會員費！用港究專屬連結申請Webull微牛證券，迎新優惠仲有額外美股送！
IB 新手有咩一定要知 ? 過來人好想提 IB 新手嘅幾件事
【離岸股票戶口】Firstrade：0佣金 0平台費！3分鐘簡易開戶教學！
【Webull微牛證券】4月至5月12日開戶即送1股總值$750 星巴克美股！美股真0佣任你trade!轉倉再送你Apple股票！
優惠受條款及細則約束。借定唔借？還得到先好借！
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
如果想分享 / 更快收到各種優惠著數，歡迎加入我哋港究Telegram討論區。最新消息，我哋最近仲新增咗多個 Kong’s Cult 最新文章Telegram Channel，只要Join Channel，每逢有新文章出爐就會同步收到，勁方便！！唔好漏咗Follow Kong’s Cult嘅 Facebook 同 Instagram 專頁啊！你哋嘅支持同意見絕對係我哋港究專員繼續發掘著數嘅動力，下次見！
Risk Disclaimer:
本文件載列的所有資訊於編製時被視為準確，但概不保證其準確性，亦不會就任何錯誤或遺漏承擔任何責任。投資者應自行核證。所述觀點與策略不一定適合所有投資者。
投資涉及風險，投資者應做好個人風險管理配置。投資者在進行投資前應索取及閱讀有關產品的細節（包括風險因素）。投資者不應僅依賴本頁面作出投資決定。在使用本頁面以前，投資者應該細閱有關產品的銷售文件，包括風險因素。根據個人財務狀況，確定任何投資，證券或策略是否合適閣下，如有需要，投資者應諮詢專業意見。
本頁面所有資訊旨在提供投資知識相關教育，本頁面並不構成買賣任何投資產品的招攬或承諾。
本頁面並未經證監會審閱，如投資者繼續閱讀本頁面，將視作投資者同意以上條款。
