訂閱
0 Comments
你對奢侈品有幾多認識?有無諗過點樣喺奢侈品做投資?近兩年可以話係投資者嘅天堂,唔少朋友喺股市或幣市獲得豐厚回報。當本金變大,點樣做好分散風險投資就變得越嚟越重要。港究專員會同大家深入淺出探討奢侈品投資嘅價值,以及可能值得你投放資金嘅方向。
你手上嘅股票過去一年升幅有幾多?投資勝負乃兵家常事,但原來名牌手袋可以穿越牛熊。唔少媒體同網民都有提到,2021年各大名牌手袋都瘋狂加價。港究根據官方加價前後嘅價錢做咗少少統計,詳情可以睇下表。根據Knight Frank嘅調查,上年手袋價格上漲咗20%,跑贏酒類(6%)、汽車(4%) 、藝術品(4%)及珠寶(-5%)。如果將時間軸拉闊睇過去10年數據,名牌手袋更加錄得超過100%升幅,超越手錶、鑽石及珠寶嘅升幅。
Brand | 個別產品加幅 |
Hermès | Lindy 30 5.9% |
CHANEL | Wallect on Chain 22% |
Mini Classic Flap (Square) 11% | |
Chanel 19 + Boy Chanel 6% | |
Louis Vuitton | Pochette Accessoires Monogram Canvas bag 25% |
Multi Pochette Accessoires Monogram 10% | |
Onthego MM monogram 4% | |
Dior | Lady Dior mini 13% |
Dior Bobby Bag 5.7% | |
Dior saddle 21% | |
Celine | Belt Bag 8% |
Triomphe 11% |
講起手袋保值,Hermès、CHANEL兩大牌子絕對唔講唔得 — 兩大牌子從不減價,亦無OUTLET,大熱款更加年年加價,因此唔止可以保值,分分鐘升值都得。
除左品牌,款式都好影響升值條件。Hermès嘅二手轉售市場最具有保值空間。品牌嘅三大金剛 Birkin、Kelly、Constance 基本上二手價錢都高過原價。
款式離唔開幾個主類別:當季款、長青款及限量款。
當季款,雖然早買早放嘅話基本上新淨既都容易轉手,不過折讓 (即蝕錢) 嘅機會就大好多,折讓價低原價大概20%左右都有市場。
而長青款式喺二手市場嘅價值基本上無太大變化,同當季款比較嘅話保值能力更高。
至於限量款,當然係最有升值空間嘅類別。限量款唔少款式都用人手製作。製作時間同craftsmanship 都係限量款嘅賣點。無流水線生產嘅Hermès可以話係升值之王。Hermès嘅Birkin係最為人熟悉嘅保值名牌手袋之一。原因係Birkin bags每年只會出產約12,000個,而且要買仲有好多附加條件。
物料係買袋時另一重要考慮因素:如麂皮用得耐會變色,淺色易變色難保養;金屬配件以金扣最保值,因為產量較少。除咗物料,手袋嘅Handle亦都係需要留意嘅地方:Handle 係同手接觸最多嘅部份, 手汗、Hand Cream 都有機會令Handle變色。
細袋近年比較流行﹐易手相對容易。不過潮流嘅嘢隨時變。投資細袋 / 流行款式時量力而為,就算真係賣唔出自己用都開心。
1. 靠斷估。名牌袋並無特定或備受認可嘅專業交易平台,市場需求極度主觀,更加唔洗講咩走勢分析。
2. 門檻高。比起幾錢都入得嘅股票市場,部分品牌嘅入門門檻由萬幾蚊至上百萬不等,加埋某啲品牌仲需要「配貨」,一般投資者要入場唔係咁容易。
3. 難保管。有形資產最麻煩係點樣保管。香港寸土尺金,唔係個個人屋企都有個storage room放手袋。手袋只要有輕微損耗,就會直接影響其價值。
如果想分散投資,放少少資金喺名牌手袋當另類投資係值得考慮。 不過,投資實體奢侈品比起投資股票更講眼光及時機,投資相關股票,都係另一種投資選擇。
如果想投資奢侈品,Emles Luxury Goods ETF (美股代號LUXE) 係一個唔錯嘅選擇。LUXE追蹤50隻市值超過USD1億及每日成交逾高於USD2,500萬嘅名牌股,包括 LV、 Hermès,以及大眾品牌Nike及Apple等。基金表現由年初起計算至今升約13.5%。對比唔少黑馬股,呢種升幅當然十分溫和,不過如果以投資奢侈品為目的長揸,相信長遠表現足以「靜靜地贏」。
鐘意呢篇分享嘅話希望大家畀Like支持下我哋,Subscribe或者Bookmark我哋就可以即時收到更多優惠資訊 / 介紹,有咩問題歡迎留Comments! 如果想分享 / 更快收到各種優惠著數,歡迎加入我哋港究Telegram討論區。
最新消息,我哋最近仲新增咗多個Kong’s Cult 最新文章Telegram Channel,只要Join Channel,每逢有新文章出爐就會同步收到,勁方便!!唔好漏咗Follow Kong’s Cult嘅 Facebook同Instagram專頁啊!你哋嘅支持同意見絕對係我哋港究專員繼續發掘著數嘅動力,下次見!
本網站使用Cookies以使您獲得最佳的體驗。繼續瀏覽本網站即代表您同意我們對Cookies的使用。 同意
⇒ 了解最新慳錢賺錢模式
⇒ 資訊多元化
⇒ 帶你走進講究生活