人就準備走，咁寵物帶唔帶得走？最近唔少動物救援組織都開聲指遺棄寵物嘅數字有明顯上升趨勢，年紀大嘅寵物棄養率更加激增。作為一個負責任嘅主人，由養寵物嘅第一日起就應該做好心理準備要照顧寵物一世，尤其年紀大嘅寵物被棄養後要搵新主人好難。咁加拿大搞寵物移民有咩要留意？即刻一齊睇吓！
五步帶寵物走：
1. 準備疫苗證書
加國要求嘅疲苗證書主要要求寵物已接種狂犬病疫苗。針卡要用英文或法文紀錄，如針卡並無注明抗體有效期一律視作一年效期 (由接種日起計)。另外，如果寵物係第一次打狂犬病疫苗，必須要喺離開香港前21日打。主人可以自行按需要為主子接種其他寵物病相關疫苗，呢度亦有講多少少加國養寵物嘅大約費用。主人亦可為寵物做定其他檢查，例如高壓艙測試，觀察吓寵物喺高壓環境嘅反應。
2. 預訂航班
目前寵物搭飛機去加拿大主要有三種方式：
一、客機，寵物隨主人以托運行李方式登機，搭同一班機抵達目的地；
二、客機，寵物跟主人一齊搭乘客艙*
三、貨機，寵物與主人搭不同航班，寵物以貨物形式坐貨機前往目的地。
揀啱寵物籠嘅話三種方式其實都分別不大，不過去加拿大最少搭十幾個鐘長途機，相信大部份人都會揀同機走安心啲。
*Air Canada加拿大航空係暫時唯一提供寵物客艙運輸服務嘅航空公司 ，寵物機位有限，寵物籠及寵物size都有限制，一般允許嘅寵物箱籠尺寸按此查看。買機票記得要買埋寵物位以及盡早致電航空公司再三確認。
3. 辦理健康證明書
離境前七日要為寵物去獸醫診所做檢查並取得健康證明書。健康證明書需要由註冊獸醫簽發，並列明寵物無任何傳染病、細菌病以及狂犬病。
4. 前往漁農自然護理署進行加簽
5. 離境前最後準備
5b. 寵物喺香港機場出境嗰陣地勤可以要求核對寵物針卡、狗牌 (如適用) 及已加簽嘅健康證明書。地勤亦會再量度寵物籠及寵物確保兩者符合登機要求。同人一樣，如果可以就盡量減少不必要嘅飲食，減低如廁需要。
做齊五步就可以帶寵物一齊走，千祈唔好漏低佢地啦！
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！ 如果想分享 / 更快收到各種優惠著數，歡迎加入我哋港究Telegram討論區。
最新消息，我哋最近仲新增咗多個Kong’s Cult 最新文章Telegram Channel，只要Join Channel，每逢有新文章出爐就會同步收到，勁方便！！唔好漏咗Follow Kong’s Cult嘅 Facebook同Instagram專頁啊！你哋嘅支持同意見絕對係我哋港究專員繼續發掘著數嘅動力，下次見！
