嚟咗英國一段時間，相信大家對呢到嘅銀行都有一定嘅認識，或者打算移民英國嘅讀者，想參考吓落地用邊間好？除咗落地申請實體大銀行，包括HSBC UK, Barclays 同Lloyds 呢啲之外，有無諗過申請返一兩間虛擬銀行，等自己唔洗大頭蝦跌咗張主銀行卡或者怕畀人偷咗嚟碌大額消費呢？今日港究專員會介紹一吓，一間喺英國都幾出名嘅Monzo虛擬銀行。
Monzo 成立於2015年，當初都係經營預付扣賬卡，到2017年拎到英國嘅銀行牌照，主打方便客戶喺旅遊、兌換外幣同埋同人分拆賬單需要。
Monzo 主打容易申請，同埋唔洗住址證明，方便初初嚟到英國嘅讀者。嚟到英國一大堆嘢要搞，開銀行戶口仲以為好似十幾年之前仲要落分行？時代唔同咗，依家直接網上開戶口，十分鐘就搞掂晒，安坐家中都已經可以完成。
除咗免費開戶同免運費寄張扣賬卡呢啲基本嘢之外，免費喺歐洲經濟區國家 (EEA) 提款，喺歐洲經濟區國家海外提款每個月有200GBP嘅限額 (之後收返3%手續費)、自動記賬功能、外幣付款、跳過使用MasterCard 收嘅匯率同埋用手機APPS可以拆分賬單，方便食飯嗰陣埋單計數。
經港究申請Monzo，只要申請日起計30日內，成功開立戶口同埋用卡進行一次交易，即可獲取5 GBP 迎新優惠。
開戶口方面，Monzo要求申請人係英國居民，但留意返係居民，唔需要英國公民或者拎住英國護照，拎住BNO或者特區護照一樣開到。
同埋開戶口嗰陣，係需要用到英國IP 嚟申請。同埋申請完喺銀行App度同CS講，申請返實體版statement，一樣可以當英國住址證明。
英國虛擬銀行同香港一樣，都係無實體分行。但係都會有存款同提款轉數服務，除咗可以喺ATM機度提款之外 (用mastercard系統)，仲可以喺全英國有Paypoint嘅地方提款 (不過會收返1GBP服務費)，而且會有免費提款上限。(唔同等級會有唔同免費上限，下列會詳細講)
基本上喺英國都係用Contactless消費，理論上唔大問題。(不過要留意返英國有部份ATM機會收返服務費，用之前記得睇清楚部ATM機係唔係免費使用。)
都係嗰句，唔好以為虛擬銀行無分行無保障，Monzo都係受英國法律規管，佢哋有份參與英國嘅FSCS存款保障 (你可以當係類似香港存款保障咁)，萬一銀行倒閉，英國政府會每個人賠償最多85,000GBP。
客戶服務方面，港究專員認為仲容易過落分行排隊搵班銀行職員搞，Monzo正常online live chat 時間都係每日英國時間朝早7點至夜晚8點，而且都覆得算快。Touchwood講句，萬一有咩事都有24小時緊急熱線同埋官網會有個緊急服務網址，等你喺萬一唔好彩唔見電話又唔見埋張卡嗰陣，都仲可以控制到個戶口。
經港究申請Monzo，只要申請日起計30日內，成功開立戶口同埋用卡進行一次交易，即可獲取5 GBP 迎新優惠。
Monzo 銀行有分三個等級，分別係Monzo Current、Monzo Plus同Monzo Premium。
Monzo Current 級別 | Monzo Plus | Monzo Premium | |
利息 (up to 2,000GB) | 沒有 | 1.00% AER/Gross | 1.5% /1.49% AER/Gross |
免費存款次數 *指到英國Paypoint 地方存款, 超過次數每次收取1 GBP | 沒有 | 每個月1次 | 每個月5次 |
每30日免手續費提取金額 | 200 GBP | 400 GBP | 600 GBP |
機場貴賓室優惠 | 沒有 | 沒有 | 有 (每次每人需付24 GBP) |
手提電話保險 *由Assurant 受保 | 沒有 | 沒有 | 有, 每年最多2,000 GBP保障 |
國際旅遊保險 *由AXA受保 | 沒有 | 沒有 | 有 |
國際轉賬 | 沒有 | 有 0.3% | 有 0.3% |
英國信貸記錄查詢 (TU UK) | 沒有 | 有 | 有 |
虛擬卡服務 | 沒有 | 有 | 有 |
最少使用期 | 沒有 | 3個月 | 6個月 |
月費 | 免費 | 5 GBP 每個月 | 15 GBP 每個月 |
經港究申請Monzo，只要申請日起計30日內，成功開立戶口同埋用卡進行一次交易，即可獲取5 GBP 迎新優惠。
你可能仲有興趣了解更多英國生活嘅文章：
英國移民生活資訊－初到貴境，點樣先可以增加英國信貸評分？LOQBOX 儲錢服務幫到你
英國移民潮資訊－資產如何安全轉移到外國？港究專員教教你之Part 1
英國移民潮資訊－生活篇：英國購物點搵優惠？慳到最盡又可以食到好嘢？平嘢又係唔係真係無好嘢？港究專員教教你之Part 3
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
如果想分享 / 更快收到各種優惠著數，歡迎加入我哋港究Telegram討論區。最新消息，我哋最近仲新增咗多個Kong’s Cult 最新文章Telegram Channel，只要Join Channel，每逢有新文章出爐就會同步收到，勁方便！！唔好漏左Follow Kong’s Cult嘅Facebook同埋Instagram專頁啊！你哋嘅支持同意見絕對係我哋港究專員繼續發掘著數嘅動力，下次見！
