加拿大暫定九月七號正式通關，唔少人已經做好準備隨時出發。港究專員亦都已經準備好「點心紙」，方便大家執拾行李嗰陣參考。
證件類
無衫無車無樓無乜都得，證件唔齊就一定唔得。近排港人過加拿大嘅方法絕大多數都係用OWP/SP入境。OWP申請步驟尚算簡單，確認自己符合資格後再跟住官方指引申請就可以。如果係有心準備喺加拿大永居嘅朋友，準備埋出生證明、學歷證明等進一步資料就可以令申請PR嗰陣更加順暢。唔少消息指喺加拿大影證件相可以好絕望，對自己啲相有要求嘅你記得喺香港影到滿意先好出發啦。
車牌方面，加拿大同香港係無車牌互換嘅協定嘅。有車牌嘅你記得換咗國際牌頂住先。
啱啱到埗未有銀行戶口同加拿大信用卡，香港信用卡同加幣現金都可以應付住生活需要先。要留意嘅係，香港信貸報告嘅資料係唔可以直接轉換成加拿大信貸報告嘅。無加拿大信貸報告嘅話，無論買樓、租屋甚至開銀行戶口都有難度！不過亦都唔係無方法build up 自己嘅credit report。American Express 就有信用卡轉國家嘅服務，付帶信用卡credit report 轉區服務，未有AE卡嘅你，仲唔拿拿聲申請張？！注意，AE卡 credit report需要時間build up，官方有提及申請時必須申請年份>開卡年份，所以大家申請記得預早。
衣服類
唔少人都講過，喺香港著嘅冬天衫基本上唔會夠保暖，無乜必要帶去加拿大。如果閣下衣櫃入面都係香港潮牌，呢啲衫嘅保暖性能的確未必夠用。但太保暖其實都可能無乜需要，因為加拿大冬天其實室內地方都會有暖氣，太保暖反而可能喺溫差大嘅情況更辛苦。不過，頸巾、冷帽、防風外套就去到邊都應該啱用。另外，加拿大都係紫外線強度高嘅國家，夏天有太陽嘅時候都唔可以大意。雖然加拿大人普遍對潮流無感覺，不過仲喺香港嘅你，記得好好珍惜免稅時光，買定自己鐘意嘅衫帶過去！
家電類
風筒、吸麈機、Printer…… 好多人都想將香港嘅電器搬晒過去，但其實香港同加拿大嘅電壓係唔同嘅。加拿大用嘅電壓為120V (香港係220V)，供電網路頻率為50赫茲。同台灣、墨西哥、日本、韓國、哥倫比亞、委內瑞拉、厄瓜多等國家嘅電壓係一樣。而加拿大嘅電器插座 / 插頭一般為兩腳扁型， 仲有一種係兩腳扁型+圓型接地腳插座，即下圖A及B型。用唔啱電壓，再靚嘅電器都無用武之地。帶電器過去之前，記得check清楚電壓啱唔啱用。如果隨行帶過去，用容易拎起收埋嘅袋過機場安檢嘅時候會方便好多。
日用類
日用類物品比較個人，有人容易水土不服；亦都有人無pocket size 嘅紙巾袋住就周身唔聚財。加拿大嘅醫療制度係醫藥分家，普通頭暈身慶多數自己去藥房向藥劑師諮詢跟住啪藥搞掂。有需要用到處方藥物嘅朋友記得自己要準備多少少，去到加拿大可以等自己Health Insurance Plan ready之後搵當地醫生出藥單。
關於移民清單List就暫時講到嚟呢度，雖然其他清單好似文具同埋食物都無提到。不過人在異鄉，始終都係慢慢適應當地生活先係首要。港究專員希望每一位準加拿大人到埗後都順順利利，過到自己想要嘅生活。
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
如果想分享 / 更快收到各種優惠著數，歡迎加入我哋港究Telegram討論區。歡迎加入我哋港究Telegram討論區。最新消息，我哋最近仲新增咗多個Kong’s Cult 最新文章Telegram Channel，只要Join Channel，每逢有新文章出爐就會同步收到，勁方便！！仲有唔好漏咗Follow Kong’s Cult嘅Facebook同Instagram專頁啊，你哋嘅支持同意見絕對係我哋港究專員繼續發掘著數嘅動力，下次見！
