呢排港究專員都為大家介紹咗幾間加密貨幣嘅交易所，都有唔錯迴響。咁就有讀者問港究專員，有無邊間海外交易所收費都平又好用呢？咁今日港究專員就為大家介紹吓呢排十分熱門嘅交易所FTX，畀大家喺加密貨幣世界多一個選擇。
仲未睇過我哋之前介紹嘅幾間交易所，嗱嗱聲睇下啦！
【Bitcoin都可以收息？】最大交易所幣安Binance註冊教學及旗下收息平台幣安寶介紹
正所謂「別將雞蛋全放在同一個籃子」，想試吓其他加密貨幣收息平台？ 歡迎試用
Celsius Network—每個禮拜派息嘅加密貨幣收息平台
【無需任何鎖倉！】穩定幣收息高達12.7%年化率，加密貨幣收息平台YouHodler教學
想靠加密貨幣搵額外收入可以去睇吓港究專員嘅其他推介：
【一路上網一路賺錢系列】CryptoTab – 專掘加密貨幣嘅Browser
【網絡安全必備】想唔洗VPN都可以有加密鏈接仲可以搵下錢? Brave Browser啱曬你心意
文章目錄
FTX背景
FTX嘅CEO Sam Bankman-Fried喺2014年喺麻省理工，讀神科嘅佢即刻入咗Wall Street量化交易公司Jane Street工作，工作三年後睇到加密貨幣市場嘅機遇同輝煌嘅前景，就毅然離開Wall Street，並設立了FTX和造市商Alameda Research。靠喺Jane Street嘅任職經驗，將傳統金融嘅投資精神注入新興嘅加密貨幣市場，目前儼然成為市場上不可或缺嘅存在之一。
FTX嘅產品十分緊貼市場，比Binance嘅反應都要快，譬如佢地前排Sushiswap風潮中，搶先一步比Binance提前上幣。喺平台上，甚至仲有代幣賭邊一位候選人能勝出2020年嘅美國總統大選 (Update：已經出埋2024 Trump..) Super Bowl冠軍預測，應有盡有。稱得上一個十分多玩法同十分追熱點嘅平台。當然啦呢樣嘢都係有好有壞，短期熱點的確會帶動幣價，高收益嘅同時都伴隨高風險，投資最緊要要知自己投緊啲乜。
FTX優勢
FTX嘅手續費十分優惠，現貨期貨Maker (掛單) 只需要0.02%，Taker (吃單) 只需要0.07%，如果交易量遞增仲會越嚟越平，平台幣FTT嘅鎖倉者都會有額外優惠，鎖倉25FTT已經可以享受Maker免費！鎖倉更多個手續費仲會變負數，配合網格交易，真係悶市都賺盡錢~ 想知FTT更多福利可以去FTX官網了解吓。
當然最重要都係佢嘅提幣費用係零，兼無提幣上限。FTX會幫你支付一切提幣費用（2021/4/7 update，即日起ERC20相關代幣提幣費用需要質押25FTT先可每日豁免一次，質押越多次數越多！），即使呢排BTC gas費水漲船高仍然都係零手續費！想知詳情可以去FTX官網了解吓。
FTX仲有一個優點，可以喺進行二級KYC後使用佢哋嘅OTC服務，配合Citi Priority或者Citi Plus直接將美金匯到佢哋嘅銀行戶口嚟買幣，匯率十分良心。手頭換晒美元嘅讀者出入金唔再係問題！不過留意返個驗證時間就比較耐，可能長達一個月。
Citi Priority以及Citi Plus我哋之前都有介紹，有興趣嘅讀者可以睇睇。
【Citi Priority/Gold】匯款至美國免收手續費教學
除咗OTC之外，FTX目前亦接受Credit Card(經第三方Simplex，暫時只可以購買比特幣）以及Paypal（喺存入穩定幣時可以選擇，Paypal賬戶需要同FTX賬戶完全同名）方式入金，但手續費相對較高，唔建議無特別要求嘅讀者使用。
呢度港究專員再分享個小技巧畀大家，可以喺Binance透過轉數快買USDT，再透過TRC20鏈(低收費射USDT) 射到FTX，咁就可以做到用轉數快喺FTX交易啦！如果唔識點射幣嘅，留心睇下Binance篇文啦！
FTX開戶
下面港究專員為大家簡單介紹吓註冊步驟。
1.即刻通過Kongscult專屬link註冊FTX，可享永久額外5%手續費優惠。
2.輸入郵箱同密碼，並驗證郵箱。
3. 去返錢包，驗證2FA同驗證一級KYC，已經可以交易啦，只不過一日提幣最多USD2,000。呢度港究專員推薦大家一個十分好用嘅2FA認證工具，記得睇下呀~
【好用過Google】賬號安全神器，2FA雙重認證工具Authy為您保駕護航
FTX進階玩法
FTX借貸
近日FTX又推出咗借貸，如果想做大耳窿放貸，記得要開現貨槓桿交易 (Spot Margin)，就會幫你開通借貸功能，呢個功能其實都係幫FTX提供資金，借畀啲開孖展嘅客人，FTX同你再分成，所以基本上唔會有風險。間中BTC衝上新高嘅幾個鐘，USD嘅息口有成1000%架！當然啦，剎那光輝唔代表永恆，個市冷時，個利息都可能跌到0.88%，甚至借唔出，所以唔係一個穩定嘅收息渠道。不過要留意下，開咗放貸同時都會開通埋借貸，交易時要留意吓係咪超出咗自己本身嘅財產啦！呢度港究專員介紹畀大家一個小技巧，可以開設一個子賬戶，分返開借貸同交易嘅賬戶，以免不必要嘅損失。下面畀大家睇吓簡單教學。
(撳吓上面嘅圖可以放大睇詳FTX借貸教學~ 呢度港究專員有個小Tips，直接Set借出利率為1%，因為佢借得出就已經係最高息，你Set太高，反而市場利率低會令到你借唔出。)
FTX美股權證
FTX日前同德國合規投資公司 CM-Equity 以及證券代幣化公司 Digital Assets AG 達成合作發佈美股權證業務，除咗傳統股票可以24小時無收市咁交易，仲早過NASDAQ上市咗Airbnb同Coinbase，甚至唔會好似傳統股票咁會熔斷，真係好創新。不過如果想要參與美股權證，一定要通過2級KYC，想試玩嘅自己考慮吓啦~
FTX量化空間
對於高階嘅Trader，如果想使用算法交易 (Algorithmic trading)，FTX有一個叫量化空間嘅服務。可以喺上面寫屬於自己嘅交易策略，未來可以買高手嘅交易策略Bot，又或者賣你自己嘅交易策略Bot，可能以後會成為Crypto界嘅Etoro都唔定~ 港究專員就唔係高階Trader啦，有興趣嘅讀者可以可以去FTX官網了解吓。
想用量化機器人躺著賺錢？可以參考下我哋下面文章
躺着賺錢系列：Pionex期現套利工具輕鬆賺年化15-50%穩定收入
FTX預言產品
由於香港屬於FTX嘅受限地區，呢類預言產品可能唔可以直接購買，呢個時候就要出動VPN出國啦！想知點樣以最優惠價錢購買VPN，歡迎收睇
FTX抽新幣
FTX不定時都會有抽新幣嘅活動，類似港股抽新股咁，每次抽中嘅新Coin都會有2~20不等嘅增幅，十分值得參與。而參與一般都有小小門檻，一般都係抵押(佢地叫「質押」) 足夠FTT，以及足夠嘅交易量，呢度可以去FTX官網睇下以往嘅ICO門檻。唔好俾佢嘅交易量嚇到，呢度港究專員再醒你一個Tips，使用網格交易，可以低風險咁不斷刷交易量，如果你睇得準個市，仲可以邊刷交易量邊賺錢（記得要同你借貸賬戶分開呀！），一舉兩得！
未識網格交易嘅讀者留意吓我地呢篇文章啦~
如有任何疑問關於FTX，或者想交流其他玩法。歡迎留言或者加入我哋港究Telegram討論區參與討論！
FAQs
FTX點解提幣免費咁筍？
FTX算係一間比較新嘅交易所，利用免費提幣招攬客人好正常，同埋老細真係好有錢，唔在乎呢啲。。
FTX嘅最大優勢係乜？
除咗可以免費提幣之外，FTX可以有借貸，美股權證，量化空間，預測重大事件等等非常新潮嘅產品，可以話一個場可以玩晒唔同嘢~
FTX抽新幣幾時一次
同Binance嘅Launchpad一樣，FTX抽新幣都係不定時放送，想參與注意留心官方公告啦！
正所謂「別將雞蛋全放在同一個籃子」，想試吓其他加密貨幣收息平台？ 歡迎試用
Celsius Network—每個禮拜派息嘅加密貨幣收息平台
【無需任何鎖倉！】穩定幣收息高達12.7%年化率，加密貨幣收息平台YouHodler教學
由於FTX提幣費用全免，可以話係佢地嘅黃金拍檔！
仲未睇過我哋之前介紹嘅幾間交易所，嗱嗱聲睇吓啦！
【Bitcoin都可以收息？】最大交易所幣安Binance註冊教學及旗下收息平台幣安寶介紹
【轉數快都得？】三間最適合新手使用加密貨幣交易所
喺交易所買咗加密貨幣，為安全起見，諗住長揸嘅幣建議提返自己錢包。我哋都有文章介紹加密貨幣錢包，歡迎睇睇：
【開Chrome就用到】以太坊錢包MetaMask小狐狸教學
保障加密貨幣資產，Ledger冷錢包為你保駕護航
之前我哋港究專員都介紹咗加密貨幣簽賬卡Wirex卡以及CRO卡，歡迎睇睇。嚟緊幣安都會出加密貨幣簽賬卡，港究專員會第一時間為大家update！
注意：加密貨幣價格有時會大幅波動，價格可升可跌，投資涉及風險，更可變得毫無價值。投資前應先閱讀有關產品的發售文件、財務及相關的風險聲明， 並應就本身嘅財政同需要詳細考慮投資是否切合本身特定嘅投資需要。
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
如果想分享 / 更快收到各種優惠著數，歡迎加入我哋港究Telegram討論區。最新消息，我哋最近仲新增咗多個Kong’s Cult 最新文章 Telegram Channel，只要Join Channel，每逢有新文章出爐就會同步收到，勁方便！！依家我哋仲登陸埋MeWe平台，唔好漏咗Follow Kong’s Cult嘅MeWe、Facebook同Instagram專頁啊！你哋嘅支持同意見絕對係我哋港究專員繼續發掘著數嘅動力，下次見！
