又到每年嘅稅季啦，相信有交開稅嘅讀者唔多唔少都應該聽過Tax Loan呢個terms嘅。但係加息週期下，做定期個rate都咁靚仔之下，借完tax loan做個定期都已經純賺息差，喺現時咁動盪嘅市場嚟講，穩陣中贏錢可以話係超吸引，而為咗將咁so嘅嘢普及化，專員特登為大家普及多少少佢係咩嚟嘅~
Tax loan當然只會喺稅季 (每年10-4月) 由各大銀行、vb、財仔推出，專係for有需要交稅嘅人而launch嘅，佢門檻極低，還錢同借錢手續比起其他personal loan簡單，有時只係喺ebanking apply就差唔多即批、息口又多數低過2%到、還錢期夠彈性 (一般半年去到兩年都可以揀到嘅)。
重要嘅係Tax Loan無限借錢用途，換句話講，即係你借嚟做投資，銀行都吹你唔漲啦xd。下文將會以恆生嘅Tax loan為例子講解吓，點解要借爆Tax Loan
Tax Loan魔鬼細節須知
以恆生Tax Loan為例實際年利率 (APR) 可以反映到，佢嘅借貨成本係幾咁低但要小心留意，個APR寫住係低至1.62%。因為APR嘅計法都幾複雜，會包埋銀行畀返你嘅回贈同埋手續費等各樣成本，當然就咁以APR嚟計一定係最準。而月平息多數係用嚟for自已計吓個還款額約數等於幾多左右。
為咗令大家以最快速度明白大概每個月要還幾多係咩概念，專員直接用月平息作example嚟計：
專員借HKD500k，當月平息0.16%分12個月還，而無任何手續費同cash rebate
每期利息為500,000*0.16% = 800
全期利息為800*12 = 9600
每個月要還嘅錢為(500,000+9600)/12 = 42,467左右
咁APR大概等於，月平息*還錢期*1.9不變常用系數 0.16%*12*1.9= 3.65%到
呢個大概畀到大家一個概念係要問清楚APR
Tax Loan實際應用法
咁用返上邊個APR嚟計，呢家做定期都起碼3.7%啦，咁如果用Tax Loan筆錢大概可以賺到幾多? 咁就要睇你果筆錢幾大同埋做幾耐定期啦~
再用個example嚟計畀大家做參考，專員用500k去做定期，當個rate盡做到4.7%，再做夠半年
500,000*4.7%/12*6 = 11,750 咁就穩穩陣陣袋入袋
呢個就叫做係好入門版嘅Tax Loan玩法，對比起上邊借錢個APR，做定期個rate呢排咁高，借盡Tax Loan嚟做定期就基本無咩risk咁濟，除非銀行執笠啦，可以講話係坐定定食息差。
優惠受條款及細則約束。借定唔借？還得到先好借！
關於Tax Loan嘅分享暫時到呢度，Kong’s Cult會繼續搜羅更多優惠。如果想了解更多信用卡資訊歡迎睇睇Kong’s cult信用卡專頁。
如果有興趣睇多啲關於Personal Loan嘅資訊都可以撳下邊啲links睇睇
【旅遊】想要旅行玩得開心又放心，FWD富衛旅遊保險做得到 (2021-04-04更新)
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！如果想分享 / 更快收到各種優惠著數，歡迎加入我哋港究Telegram討論區。
最新消息，我哋最近仲新增咗多個Kong’s Cult 最新文章 Telegram Channel，只要Join Channel，每逢有新文章出爐就會同步收到，勁方便！！唔好漏咗Follow Kong’s Cult嘅Facebook同Instagram專頁啊！你哋嘅支持同意見絕對係我哋港究專員繼續發掘著數嘅動力，下次見
