香港嘅虛擬銀行就聽得多，外國其實都有唔同嘅虛擬銀行，港究專員今次就同大家介紹虛擬銀行Revolut，佢喺英國成立，喺美國，歐盟同日本等等嘅國家都有業務，將來亦都會將服務拓展至香港。喺2018年佢就成功獲得歐洲央行發出嘅歐盟銀行牌照，依家佢都正在申請英國銀行業牌照。佢主打創新，令到佢同其他銀行與別不同，亦都好成功咁將佢哋嘅服務拓展到世界唔同地方，可以話係金融界嘅獨角獸。
不過暫時想申請嘅讀者就只可以申請外國版，佢都係需要當地嘅郵寄地址 (唔接受Post Box)，電話同埋護照。以Revolut英國版為例，你係需要持有英國護照包括英國國民海外護照 (BNO) 先可以申請。
Revolut 開戶教學 (以下會以英國版作介紹)
開戶時記得要開VPN，同埋準備英國嘅郵寄地址，你係可以用香港嘅電話號碼進行登記。如果需要申請VPN或者英國電話號碼嘅讀者可以睇吓以下呢兩篇文。
Revolut Debit Card
用戶可以免費自訂一張免費嘅虛擬Visa debit卡，可以擺落Apple Pay或者Google pay，有唔同顏色選擇，方便你做日常嘅消費。如果你需要提款嘅話你就要申請一張實體卡，但係要畀錢，運費亦都係按服務計劃而定，以免費版為例寄去香港就要GBP16.99。
用佢張Debit卡買嘢其實好方便，最吸引嘅功能就係你可以用超過30種貨幣免手續費簽賬，可以喺全球140個國家同地區提款，就好似平時喺香港碌卡咁，雖然佢無消費限制，但係要記得用佢張卡喺ATM提款會有限額。
Revolut Plan
Revolut同一般銀行服務差唔多， 服務亦都有分等級，包括有Standard，Plus， Premium同Metal。收費係按月計算，大家可以視乎自己嘅需要選擇唔同嘅計劃。
收費
Standard：免費
Plus：GBP2.99 / 一個月
Premium：GBP6.99 / 一個月
Metal：GBP12.99 / 一個月
功能
專員就幫大家就住一啲比較熱門用到嘅功能做咗一個比較，詳情可以睇吓下面個表。Metal嘅功能係最齊全，用家可以擁有一張金屬卡，免費送去全球150幾個國家，用家亦都可以享有保險，國際旅行保障或者私家車嘅使費。
Standard | Plus | Premium | Metal | |
ATM 每月提款限額 | GBP200 | GBP200 | GBP400 | GBP800 |
Crypto交易費 | 2.5% | 2.5% | 1.5% | 1.5% |
股票佣金豁免 | 1次 | 3次 | 5次 | 無限 |
外匯交易費豁免 | GBP1,000 等值外幣 | GBP1,000 等值外幣 | 無限 | 無限 |
月費 | 免費 | GBP2.99 | GBP6.99 | GBP12.99 |
等我哋一齊了解吓Plus、Premium同Metal嘅分別啦！即刻去片👇🏻
股票及加密貨幣交易
佢都有提供加密貨幣同埋股票交易服務，以加密貨幣為例，你可以trade到BTC，ETH等等嘅熱門貨幣，相關嘅交易費用就視乎你嘅等級而定。
入錢
入錢有4個途徑，包括有銀行轉賬，用扣賬卡，信用卡，或者用Apple Pay同Google pay，亦都可以用Wise做國際匯款。
Revolut 回贈
用Revolut卡消費係可以有回贈嘅，以英國版為例，喺Myprotein，Adidas 都有唔同優惠同折扣。相關優惠係會成日變嘅，所以大家呢係可以去佢個app度查閱返最新嘅優惠詳情。
鍾意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
如果想分享 / 更快收到各種優惠著數，歡迎加入我哋港究Telegram討論區。最新消息，我哋最近仲新增咗多個Kong’s Cult 最新文章Telegram Channel，只要Join Channel，每逢有新文章出爐就會同步收到，勁方便！！唔好漏咗Follow Kong’s Cult嘅Facebook同Instagram專頁啊！你哋嘅支持同意見絕對係我哋港究專員繼續發掘著數嘅動力，下次見！
