MPF 推出20年回報賺定蝕？股票基金曾經歷恒指高低潮 累計仍有賺
香港強制性公積金 (強積金，MPF) 制度由2000年12月1日開始實施，迄今剛好20年。強積金總資產喺上季突破一萬億元，以現時僱員及自僱人士共約283.5萬人計，即每名打工仔平均已有超過35萬元強積金資產，實在不容輕視。此外，我哋如何揀選強積金，絕對會影響未來生活，記得要慎選強積金基金同留意各大基金公司嘅收費。港究專員搵咗啲數據，分析後發現，呢20年嚟強積金基金嘅表現差天共地，唔少股票基金累升幅度以倍計，最耀眼嘅個別基金更累升逾8倍；但屬保守類別的貨幣基金卻只錄單位數升幅，連本地通脹都跑唔贏。
2021年買咩強積金基金好 ? 港究專員心儀康健題材類型基金及遵守平均成本法則 繼續持有股票基金
2020年可以話係十分特別的一年，COVID-19大肆流行，人口老化問題等都令大家的健康安全意識增強，隨著醫療科技急速發展，未來應該對康健護理需求大大提升。為此，港究專員傾向會把供款指示買入康健題材類型基金，主要基金標的資產 (Fund Underlying Assets) 為全球藥劑、醫療設備及生物科技股份。希望可以從底買上，透過長線投資，獲取豐厚回報。
接近2020年年終，坊間亦出現唔少股評人、基金分析師等等皆發表對來年股票市場走勢嘅睇法。當中唔少大行都睇好恒指，又話牛市快將降臨云云。如果大家一直都有買入追蹤恒指嘅股票基金，建議大家應繼續持有或買入，透過平均成本法密密收集基金單位，耐心等候疫情結束、市場復甦嘅大牛市盡快來臨 (恒指最高約33,000點)。
MPF可以收取長期回報利潤 另一優點係可以幫你減稅
每年填寫稅單，個個都會想盡辦法睇吓有咩慳稅攻略，希望減得幾多得幾多。近年政府通過法例*，由2019年4月1日起，作出強積金可扣稅自願性供款 (TVC) 的計劃成員可獲稅務優惠，以約每位打工仔月薪HKD30,000為例，參與TVC計劃透過每月定額或非定額儲蓄或一筆過繳交滿金額HKD36,000，最多可扣減稅款HKD5,340。相比起拎住HKD30,000購入大型藍籌股，一年回報都未必有HKD5,000。所以，港究專員亦建議唔愛投機嘅你可以考慮參加TVC。
資料來源: 積金局
*根據《2019年稅務及強積金計劃法例（關於年金保費及強積金自願性供款的稅務扣除）（修訂）條例》，由2019 / 20課稅年度起，強積金計劃成員作出的TVC及合資格延期年金保單繳付的年金保費，可享稅務扣減優惠。
- 上圖以不同收入的單身人士為例子，假設只有基本免稅額及強制性供款稅務扣減的情況下，若以該年收入10%作可扣稅自願性供款，計算該年可節省稅款。可節省稅款以2018/19課稅年度的稅率計算。
- 例子只作參考。雖然有關扣減稅額最多可以為納稅人每年節省HKD10,200稅款，但並不代表所有納稅人用盡此HKD60,000扣減稅額，便可以節省HKD10,200稅款。個人可節省的稅款額需視乎其收入、所享有的扣減額及免稅額、以及合資格延期年金保費或可扣稅自願性供款金額等多個因素而定。
以上係港究專員小小心得及建議，不構成任何投資及基金產品推薦。如果想睇其他低風險投資及賺利息嘅文章，可以睇吓呢啲文章:
【最抵優惠】【邀請碼：AYS562】 ZA Bank三個月定存3.3%年利率 活期1%年利率 開戶教學 (2020-11-30更新)
【虛擬銀行】 WeLab Debit Card 首HKD50,000消費可享1%現金回贈；迎新優惠──餐飲消費高達8%現金回贈! GoSave定期比傳統銀行利率更高、更有彈性！
Livi Bank虛擬銀行，開戶即賞你HKD100，請埋你食KFC
另外想知道更多資金離岸資料，可以睇埋離岸戶口專頁。
一般信用卡嘅優惠資訊我哋都有介紹，即時去睇埋信用卡啦！
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！ 如果想分享 / 更快收到各種優惠著數，歡迎加入我哋港究Telegram討論區。仲有唔好漏咗Follow Kong’s Cult嘅Facebook同Instagram專頁啊，你哋嘅支持同意見絕對係我哋港究專員繼續發掘著數嘅動力，下次見！
