唔少投資新手啱啱開始投資嘅時候，未必會直接投入股票市場，而係會選擇由ETF、債券、基金嘅產品開始著手。
因為投資新手資金比較少，投資時就更加要留意成本同埋開支，否則入場嘅資金喺七除八扣之後，隨時唔見一部份，變相收入亦會減少。所以選擇一個符合自己需求嘅投資戶口嘅時候要非常謹慎，例如條款入面有無認購費、交易費、贖回費、平台月費、行政及管理費等費用，或者其他隱藏式收費。資金比較少嘅朋友亦要特別留意戶口有無最低投資額。
有啲投資者覺得銀行手續費比較貴，轉而選擇市面上唔少低手續費、甚至免佣金嘅證券公司，例如：富途證券、uSMART盈立證券、華盛證券等等，呢一類嘅證券公司交易介面都好用，不過投資前就要做多一個步驟，由銀行轉賬過數去相關戶口。
其實2020年開始，陸續有本地銀行開始提供低收費基金投資服務，例如：恒生SimplyFund、滙豐FlexInvest、即將喺2021年推出嘅Citi Plus戶口等等。因為收費低、方便 (可以直接喺本身用緊嘅銀行戶口扣賬)、門檻低，非常適合資金比較少又怕麻煩嘅投資新手！
基金 VS 股票
基金透過集合一群投資者嘅資金購入多元資產，令到一般投資者可以用較少資金透過基金持有一籃子股票、債券或股票債券混合嘅資產。
因為基金一般會投資一籃子唔同國家、唔同行業嘅股票、債券或資產，所以相對直接購入單一或數隻股票、債券，會更有效分散風險。
基金一般由基金經理人管理，分析同埋選擇具潛力嘅股票及資產，並會因應市場走勢同埋經濟狀況轉換持股或追蹤特定市場指數。相反，如果投資者直接投資股票、債券等資產，對於投資者自己嘅投資知識就會要求比較高，但係就可以專注喺單一、或數隻股票、債券、資產，如果眼光準確，就有機會得到比市場平均回報較高嘅利潤，不過風險亦會相應提高唔少。
投資種類
籠統啲嚟講，基金可以分為股票基金、債券基金及股債混合基金。
基金分類，一般會根據股票債券嘅比例；根據行業分類：例如醫療、科技、房地產等行業；根據國家、地區分類，例如大中華市場、歐美等比較成熟嘅市場，又或者新興市場如印度、越南、印尼等等。
投資者亦可以選擇一次性投資或者月供基金。
如何選擇基金？
1. 了解個人可承受風險
一般開設投資戶口嗰陣，銀行都會要求你做一份風險評估，畀你了解自己可承受嘅風險程度。一般嚟講，想要高回報，自然要承受較高風險，只想要低風險，自然要犧牲部分潛在回報。所以，了解自己係保守型定進取型嘅投資者，就容易幫你搵到份合適嘅基金。
1. 了解基金資產配置
籠統啲嚟講，基金可以分為股票基金、債券基金及股票債券混合基金。基金嘅股票、債券比例，投資喺唔同國家、唔同行業嘅比例都會影響基金嘅回報。
比較穩健嘅投資者可能就會選擇投資一啲比較成熟嘅市場，例如大中華、歐美呢類國家；而比較高風險嘅投資者就可能選擇投資新興市場，例如：印度、越南、印尼等國家。
而另一方面，比較保守嘅投資者可能會選擇投資一啲傳統啲、俗稱「舊經濟」嘅行業，例如：醫療、房地產；而比較進取嘅投資者就會可能選擇新興行業，例如：科技、生物科技等等…。
當然，投資者亦都要考慮市場嘅經濟環境同埋股票表現，如果經濟比較差嘅時候選擇一啲傳統嘅市場或者保守啲嘅行業，或者債券為主嘅基金，咁就會有更好嘅避險作用；而如果經濟比較好嘅時候，選擇新興行業、新興市場或者股票為主嘅基金就有機會有更高嘅升值潛力。
3. 了解基金過去表現
雖然過去表現好並唔保證將來亦會有類似嘅表現，但係亦可以用嚟參考隻基金喺唔同市況下嘅表現，又或者可以用嚟同同類型基金比較做參考。
4. 了解基金收費
頭先，我哋都提過收費多少絕對會影響投資回報，所以投資前要參考基金嘅詳細基金收費項目同埋收費比例，包括認購費、管理費、贖回費、平台月費、行政及管理費等等。因為呢一類費用唔係喺結算戶口扣除，而係喺持倉市值上反映，有部分投資者可能唔了解收費項目，而投資咗高收費基金。就算基金投資表現相約，投資高收費基金就自然會白白減少投資回報。
恒生銀行 SimplyFund
基金管理費：
收費視乎個別基金而定
平台收費：
(根據當月平均投資組合價值)
HKD5,000或以下：月費全免 (HKD0)
HKD5,000至HKD100,000：月費HKD20
HKD100,000以上：月費0.6% (年率)
最低投資額：
HKD1
最新優惠：
【2021-10-09更新】
(一)
由2021年10月1日起至2021年12月31日 ，透過恒生個人流動理財服務應用程式內SimplyFund戶口，用優惠碼「HAPPYINV」成功完成首次基金買入達HKD3,000以上，就可以獲得HKD100現金獎賞。
(二)
由2021年10月1日起至2021年12月31日 ，開立全新嘅SimplyFund戶口仲可以參加大抽獎，30名幸運兒有機會贏取 HKD5,000 Apple Store禮品卡 。
成功完成指定產品認購或相關服務，可各獲一次抽獎機會，最多共十一次抽獎機會。
指定項目包括：
- 開立SimplyFund戶口
- 透過SimplyFund戶口認購基金 HKD1或以上
- 開立基金投資戶口
- 透過基金投資戶口認購基金 HKD5,000或以上
- 認購「更特息」投資存款 HKD5,000或以上
- 認購保本投資存款 HKD5,000或以上
- 認購FX2 – 外匯及貴金屬買賣服務 HKD5,000或以上
- 認購股票掛鈎結構性產品HKD80,000或以上
- 完成／更新風險評估問卷
- 完成／更新投資者保障評估
- 登記收取基金投資戶口之電子結單 / 電子通知書
詳細資料請參閱：恒生SimplyFund
(一)
由2021年7月1日起至2021年9月30日 ，透過恒生個人流動理財服務應用程式內SimplyFund戶口，用優惠碼「HAPPYINV」成功完成首次基金買入達HKD3,000以上，就可以獲得HKD100現金獎賞。
(二)
由2021年7月1日起至2021年9月30日 ，開立全新嘅SimplyFund戶口仲可以參加大抽獎，30名幸運兒有機會贏取 HKD5,000 Apple Store禮品卡 。
(一)
由2021年4月1日起至2021年6月30日 ，透過恒生個人流動理財服務應用程式內SimplyFund戶口，用優惠碼「HAPPYINV」成功完成首次基金買入，就可以獲得相等於認購金額嘅現金獎賞，最高金額HKD50。
(二)
由2021年4月1日起至2021年6月30日 ，開立全新嘅SimplyFund戶口仲可以參加大抽獎，有機會贏取以下豐富獎品：
Apple Store禮品卡 (HKD10,000)：1名
香港美利酒店「美利度假樂」Signature Suite住宿連餐飲體驗 (HKD4,521)：5名
Deliveroo 電子禮券 (HKD1,200)：10名
匯豐銀行 FlexInvest
投資產品：
9種指數基金及1種貨幣市場基金
基金管理費：
收費視乎個別基金而定
平台收費：
(根據平均結餘)
HKD10,000或以下：月費全免 (HKD0)
HKD10,000至HKD200,000：月費HKD28
HKD200,000以上：月費0.8% (年率)
最低投資額：
HKD100
最新優惠：
由即日至2021年12月31日，首次透過「FlexInvest 靈活智投」投資HKD5,000元或以上，可享HKD100回贈及HKD0平台服務費優惠。
詳細資料請參閱：滙豐FlexInvest
當然，如果你係比較進階嘅投資者，咁呢一類嘅簡易版投資戶口就未必啱你喇！你可以選擇返一般嘅投資戶口，一般會有更多唔同種類嘅投資基金可以選擇。
2020年下半年，美國嘅股票、ETF、基金表現都唔錯，唔少投資者亦開始參與美國嘅市場，除咗本地嘅銀行同埋證券商之外，你亦可以睇吓我地介紹證券商嘅文章。
【美股新手教學】想投資美股去邊開戶口好？3分鐘話你知邊個券商最啱你
【離岸股票戶口】Firstrade – 0佣金 0平台費！3分鐘簡易開戶教學！
匯款去海外股票戶口，用Citi Priority或者Citi Gold可以免手續。
【Citi Priority/Gold】匯款至美國免收手續費教學
想發掘更多投資機會，你亦可以留意以下幾篇加密貨幣嘅文章。
【Bitcoin都可以收息？】最大交易所幣安Binance註冊教學及旗下收息平台幣安寶介紹
Celsius Network—每個禮拜派息嘅加密貨幣收息平台
投資涉及風險，記得要做好風險管理！
優惠受條款及細則約束。
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
如果想分享 / 更快收到各種優惠著數，歡迎加入我哋港究Telegram討論區。最新消息，我哋最近仲新增咗多個Kong’s Cult 最新文章Telegram Channel，只要Join Channel，每逢有新文章出爐就會同步收到，勁方便！！唔好漏咗Follow Kong’s Cult嘅Facebook同埋Instagram專頁啊！你哋嘅支持同意見絕對係我哋港究專員繼續發掘著數嘅動力，下次見！
