借錢聽落並唔係一件好事，其實係無限QE下，存放喺銀行嘅資金只會不停貶值。而且人生中突然需要大量資金嘅情況亦非罕見，只要做好規劃，揀啱貸款機構，借貸絕對唔係魔鬼。喺香港可以貸款嘅渠道好多，而唔同嘅借錢方式都各有利弊，即刻睇點樣揀最精明。
銀行及財務公司
銀行及財務機構 (財仔) 可以提供唔同種類嘅私人貸款，私人貸款可以主要分為有抵押及無抵押貸款：
有抵押貸款：房屋按揭、加按套現、汽車貸款等
- 優點：可借金額高，利息低，可借最高金額取決於抵押物價值
- 缺點：最後如未能償還貸款，會被貸款機構收走抵押物
無抵押貸款：稅貸、結餘轉戶及小額貸款等
- 優點：無需抵押，齊文件好快批
- 缺點：可借金額有限，利息較有抵押貸款高，大多需要入息證明
咩係一線財，二線財？
財務機構，亦即俗稱嘅財仔，有就公司規模同借貸條款劃分為唔同等級。咁一線 / 二線 / 三線財務公司嘅標準係點？坊間大約標準如下：
- 一線財務：多有銀行背景，小額貸款需要住址、入息證明，大額貸款需要過壓力測試，有長還款期選擇
- 例子：邦民、安信、大眾
- 二線財務：貸款利息比一線財仔高，有放債人牌照，對客人及物業成數也會有一定要求，但是無需經過壓力測試或TU評估
- 例子：新鴻基信貸、利星行信貸、太平洋國際信貸
- 三線財務：貸款利息再高過二線財仔 (通常已經10% 起跳)，有放債人牌照，手續費較高
- 例子：長江財務、易還財務、按揭360
信用卡借額外現金
用自己信用卡額度借錢亦係唔少人常用嘅方法。信用卡借錢有兩個途徑：
信用卡現金透支：即直接用信用卡喺自動櫃員機提取現金，金額視乎信用卡嘅信用額而定，全程毋須批核，但每間銀行信用卡年利率可高達約40厘，而且利息是逐日計息，如非一次還清款項，每月都會收取手續費。
信用卡現金套現：借款人需要自行向銀行申請，不需要入息證明，大約1至2個工作天即可確認是否批核，貸款額會因應信用卡所剩嘅信用額及借款人嘅信貸狀況調整。
用信用卡借錢主要視乎信用卡嘅額度，現金透支係就係快，不過利息「利搭利」加得仲快，如每月只償還最低還款額，隨時最後還嘅錢比借嘅錢多之餘，仲要十幾年先還得清。
切勿嘗試高利貸
以上提到財仔有分幾線，咁「大耳窿」高利貸又係咩？如果你收到電話，聲稱唔洗露面，毋須入息證明，只需簡單手續就可以借到錢，呢啲好大機會就係大耳窿。大耳窿有無牌？你唔會知道，但當你借咗錢，還幾多利息條數點計就係佢地決定。所以切勿嘗試高利貸。
親朋戚友
「呀偉，喺度嗎？」
諗起借錢，唔少人都會第一時間諗起親友。的確，問親友借錢理論上最簡易，又唔洗入息審查、又無利息，甚至亦都無還錢限期。不過港究專員認為呢個選項應該放到最後：正正因為問親友借錢無任何限制，有時個人少啲責任感都隨時會拖數甚至走數。正所謂講錢傷感情，如果真係要問親友借錢，都一定要記得「借定唔借？還得到先好借！」。
順帶一提，貸款唔一定因為有財政困難，之前港究專員有同大家介紹過期現套利，其實有舊錢喺手，就可以做到低風險賺回報。但投資始終涉及風險，喺Crypto嘅世界賺錢需要有充足嘅理解同準備，大家可以先重溫我哋寫關於虛擬貨幣嘅文章：
【Bitcoin都可以收息？】最大交易所幣安Binance註冊教學及旗下收息平台幣安寶介紹
【無需任何鎖倉！】穩定幣收息高達12.7%年化率，加密貨幣收息平台YouHodler教學
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！ 如果想分享 / 更快收到各種優惠著數，歡迎加入我哋港究Telegram討論區。
最新消息，我哋最近仲新增咗多個Kong’s Cult 最新文章Telegram Channel，只要Join Channel，每逢有新文章出爐就會同步收到，勁方便！！唔好漏咗Follow Kong’s Cult嘅 Facebook同Instagram專頁啊！你哋嘅支持同意見絕對係我哋港究專員繼續發掘著數嘅動力，下次見！
