0+3實施後，訂好機票酒店，就要諗吓唱定外幣，依家去旅行基本上唔駛帶成手外幣去㗎喇！因為只要有Citibank萬事達卡扣賬卡，呢張提款卡配合埋Citibank Global Wallet，例如去日本嘅話，喺當地嘅Citibank ATM或7-11提款機撳日圓完全免收手續費，去到當地就可以用幾多撳幾多，唔駛吓吓袋住幾十萬 (Yen) 現金！從現金提款到簽賬只要有 Citibank 萬事達卡扣賬卡在手，一卡通行即可享受安全支付隨時獲取現金更兼享各種生活禮遇！
Citibank Global wallet有咩咁好？
Citibank Global wallet嘅功能，有12種貨幣種類，港究專員嚟緊去日本，依家隨時見到Yen價低水，就可以用網上銀行手機app喺Global wallet度唱定錢，當到咗日本後，就可以喺日本嘅Citibank或任何一部7-11提款機免手續費撳錢，Yen會直接喺Global wallet戶口度扣。但要留意返您Global Wallet戶口有Yen先會抵，如果你本身無YEN喺戶口就撳錢，佢就會即時用Mastercard個rate加埋手續費同你兌換。
除咗撳錢，如果你Global Wallet有日圓喺入面，於當地實體店或網上用Citibank Mastercard扣賬卡同Global Wallet簽賬，仲可以慳埋1.95%外幣交易手續費，例如你去食飯或Shopping連現金都唔駛帶，用Citibank Mastercard扣賬卡碌卡直接喺外幣戶口度扣錢。(溫馨提示：消費時記得揀用外幣結算，同確保係Citibank Global Wallet支援嘅外幣，咁交易就可以直接扣外幣戶口啦！）
除咗日元，Global Wallet另外支援11種外幣包括澳元、美元、歐元、英鎊、人民幣、泰銖等，同樣道理，你去澳洲、美國、歐洲等地旅行都係可以預先換定當地貨幣喺Global Wallet，到達當地可免手續費喺全球Mastercard / Cirrus網絡提款機或Citi櫃員機撳錢。就算唔係去旅行，平時如果會用外國網站網購，例如Amazon，都可以用Citibank Mastercard扣賬卡同Global Wallet簽賬直接喺戶口扣除外幣，並且慳1.95%外幣交易手續費。
如何設定Citibank Global Wallet
- 預備好你嘅「Citibank萬事達卡扣賬卡」(Citibank外幣扣賬卡)
- 於Citibank app「設定」內選擇「管理卡、戶口和Global Wallet」
- 選擇戶口及Global Wallet，管理Citi Global Wallet
- 啟動Citi Global Wallet
- 記得要啟動「海外自動櫃員機提款服務」
Citibank Global Wallet提取實質外幣方法
雖然一卡在手，但去旅行當然都要有幾個錢傍身，以下係3個領取實質外幣嘅方法。
1.到分行領取：需要提早一日預約，另外要留意不支援部分外幣 (泰銖、人民幣、瑞郎)
2.ATM機：外幣提款機全日提供澳元、歐元、日圓及美元提款服務
3.外地領取：直接於海外用提款卡於ATM機領取外幣，Citibank櫃員機$0提款手續費，但當地銀行會收取手續費
最近Citibank Global Wallet更推出全港首創嘅「自動外幣增值」功能，客戶身處外地旅遊或於網上購物時，不但可以用Citibank Global Wallet預先兌換好嘅外幣進行簽賬或提款，當外幣結餘不足時，會自動按銀行嘅現行滙率兌換餘額結賬，毋須暫停該交易直至兌換足夠外幣再重新交易，可以享受更流暢方便嘅簽賬、提款體驗！不過點都係唱定外幣喺戶口最抵！希望今次文章幫到大家去旅行時玩得更順利！
鍾意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！ 如果想分享 / 更快收到各種優惠著數，歡迎加入我哋港究Telegram討論區。
最新消息，我哋最近仲新增咗多個Kong’s Cult 最新文章Telegram Channel，只要Join Channel，每逢有新文章出爐就會同步收到，勁方便！！唔好漏咗Follow Kong’s Cult嘅 Facebook同Instagram專頁啊！你哋嘅支持同意見絕對係我哋港究專員繼續發掘著數嘅動力，下次見！
