HKD10,000 點拎最好同最抵呢？個個3粒星都可以同一時間收到政府嘅HKD10,000，咁點先至可以攞到最多著數呢？港究專員下面會幫你睇晒市面咁多方法，實有一個方法啱你！
政府喺六月八日公布，HKD10,000 現金發放計劃將會喺 2020年6月21日，即係父親節當日起接受登記。2021年3月31日或之前年滿18歲嘅香港永久性居民，可以經電子或書面登記領取 HKD10,000。登記期至2021年12月31日。
市民可以選擇經21間參與計劃嘅銀行登記，透過個人帳戶過數；如果想收取支票嘅市民，可以經香港郵政登記，然後親身到郵政局領取。銀行會喺六月二十一日上午七點正開始接受電子登記。
想知更多唔同種類嘅優惠，歡迎撳入去我哋港究 Kong’s Cult嘅專頁望下！
想經銀行進行電子登記拎HKD10,000？港究專員一早幫你準備好，引導你去到銀行相關嘅頁面進行電子登記，撳依到就可以比其他人更快拎到HKD10,000，唔洗再轉一大個圈！
想直接睇到自己用開嘅銀行推出咩優惠？撳吓下面嘅捷徑直接去啦！
眾安銀行—大抽獎頭獎獨贏HKD120,000
眾安銀行第二波拎HKD10,000優惠好吸引！大抽獎頭獎獨贏HKD120,000！你冇睇錯呀，係有4個零，係十二萬呀！
你只要成功透過 ZA Bank App 登記同埋拎政府嘅HKD10,000，就可參與抽獎。大抽獎頭獎獨贏HKD120,000 現金獎！另外 5 位幸運兒都可以各自獲得 HKD 10,000 現金獎，大抽獎總值 HKD 170,000 現金等你抽。除咗大抽獎之外，仲會有定存加息券，幫你增加被動收入。
你以為我哋嘅港究專員淨係會介紹優惠？港究專員仲會教埋你點用眾安銀行拎政府嘅HKD10,000添，全程5分鐘搞掂！
首先就開咗ZA Bank 嘅 app，如果大家係眾安銀行嘅新用戶，就可以睇下我哋嘅眾安銀行介紹同埋申請教學先，之後就可以繼續呢一頁嘅步驟，申請都唔係要好耐，起碼唔洗好似其他銀行咁，要預約再要喺分行等開戶。
登入之後，撳入申請HKD10,000 之後就會見到左邊嘅依個畫面，輸入聯絡電話號碼，銀行帳戶號碼已經一早幫你輸入咗，之後撳「立即登記」去下一步。
第二步就係要睇同明白登記人聲明及承諾，睇晒同明白之後就剔空格同埋撳下面嘅「我已閱讀並同意」去下一步。
第三步確認資料
核實冇錯就可以撳「確認」去下一步。
最後會見到右邊呢個畫面，即係代表你已經完成登記，最快2020年7月8號就會收到錢，你可以記低參考編號作記錄，或者可以撳「保存到相簿」儲存做記錄。
應該成個程序5分鐘內會完成，之後就等政府「派」錢啦！
如果你想檢查你嘅申請狀況，你可以喺撳入去之後檢查，就好似港究專員申請之後見到右邊嘅畫面，當去到「款項處理中」就即係HKD10,000 就離你唔遠喇！
推薦朋友就有多HKD1,000(已額滿)
新用戶可用每日下午3點發放名額有限嘅優惠碼 WANT11K 開戶名額，再透過眾安銀行登記領取政府HKD10,000現金發放
咁樣政府派 HKD10,000 你就可以攞到 HKD11,000！眾安銀行係今次唯一一間虛擬銀行支持政府現金發放計劃。
詳情請參閱眾安銀行的條款及細則。
富邦銀行—最高可以有HKD250現金回贈
全新客戶
透過富邦銀行成功登記政府HKD10,000現金發放計劃，並符合有關條件要求，可享高達HKD250現金奬賞
現有客戶
透過富邦銀行成功登記政府HKD10,000現金發放計劃，可以有HKD50現金回贈
所有客戶：3.8%特息定期存款
客戶於推廣期內透過富邦銀行任何渠道成功登記現金發放計劃，並喺指定期限內以全新資金定額HKD100,000 開立指定定期存款戶口及符合有關存款要求，可享3.8%特惠年利率。
詳情請參閱富邦銀行的條款及細則。
Citibank—新、舊客戶最少都有得回贈HKD68
所有客戶 (包括新、舊客戶) 喺6/21起，只要用Citibank網上理財登記攞政府HKD10,000，你就可以有多HKD68回贈，仲可以自動參加大抽獎，隨時再贏多HKD100,000！
詳情請參閱花旗銀行的條款及細則。
工商銀行 (亞洲) —申請最少可以有HKD50現金回贈
透過工商銀行 (亞洲) 嘅個人手機銀行或者個人網上銀行成功登記政府HKD10,000 現金發放計劃，而且喺2020年10月31日或之前成功領取發放計劃嘅款項，可以有HKD50現金回贈。
另外，特選客戶可以以工商銀行亞洲嘅信用卡喺成功登記 HKD10,000現金發放計劃之後可以有 2% 嘅現金回贈 (最高可以回贈 HKD200)，仲可以透過抽獎贏取最高 HKD10,000 現金回贈。
詳情請參閱工商銀行(亞洲) 的條款及細則。
恒生銀行—最高有額外HKD10,000回贈
合資格客戶要喺推廣期內透過恒生個人 e-Banking 或者恒生個人流動理財應用程式登記政府推行嘅「現金發放計劃」並成功收取款項存至合資格戶口，恒生將隨機選出共 9,005 名合資格客戶，而每位客戶最多可獲
以下所列之現金獎賞其中一份：
渣打銀行—現金發放計劃大抽獎
喺2020年6月21日至2020年8月15日期間，透過渣打銀行登記政府HKD10,000 現金發放計劃而且成功收取款項，就可以自動參加大抽獎，有機會贏得額外HKD10,000 ，每星期會送出3份現金獎！
詳情請參閱渣打銀行的條款及細則。
匯豐銀行—存款10%p.a之外仲有機會贏HKD10,000、IPhone或者IPad
匯豐客戶只需要2020年8月31日前下載 HSBC HK App 電話應用程式或者啟用網上理財登記政府「現金發放計劃」領取 HKD10,000，即可以參加抽獎
如果你透過香港滙豐流動理財應用程式或者網上理財登記，最高可以享有4倍抽獎機會，獎品包括：
- 港幣10,000元（30份）
- Apple iPad Air 智能數碼裝置（20部）
- Apple iPhone SE 智能數碼裝置（60部）
同埋你拎HKD10,000之後再進行指定網上交易就可以以港幣10,000元本金作儲蓄存款1個月，可享10%年利率優惠，即係大概有HKD80回贈。
詳情請參閱匯豐銀行的條款及細則。
建設銀行 (亞洲) —抽獎可最高贏得額外 HKD10,000 現金或者五星級酒店餐飲禮券
由2020年6月21日至2020年9月30日，客戶只需要成功透過電子登記渠道完成登記 (包括：網上銀行、手機銀行、銀行網站及智慧櫃員機)，並以建行 (亞洲) 賬戶成功收款，就可以自動參加大抽獎，有機會贏得額外 HKD10,000 現金 (名額：3名) 或 HKD800 香格里拉酒店餐飲禮券 (名額：100名)
詳情請參閱建設銀行 (亞洲) 的條款及細則。
東亞銀行—參加大抽獎最高可以贏到額外HKD10,000
所有成功以BEA App / Cyberbanking登記收取HKD10,000嘅客戶可以自動參加大抽獎！
頭獎︰HKD10,000現金獎賞 (名額5位)；
二獎︰HKD5,000現金獎賞 (名額6位)；
三獎︰HKD1,000現金獎賞 (名額20位)
要點先可以有多啲抽獎機會？
透過BEA App / Cyberbanking使用「轉數快」每次使用「轉數快」轉賬就有額外1次抽獎機會！變相用得越多，越大機會1萬變2萬！
詳情請參閱東亞銀行的條款及細則。
南洋商業銀行—拎HKD10,000抽氣炸鍋
透過南洋商業銀行登記領取政府HKD10,000現金發放，客戶就可以自動參加抽獎活動，毋須額外登記。
獎品包括：
- 6名：HKD10,000 (「現金獎賞」)
- 20名：GrandaZ 智能空氣炸鍋 3.0L (「禮品」) (參考零售價：HKD1,980)
詳情請參閱南洋商業銀行的條款及細則。
招商永隆銀行— 領取利是獎賞
喺2020年7月20日或之前成功登記現金發放計劃的合資格客戶，可以喺2020年8月1日至2020年8月31日期間參與「額外港幣10,000元現金抽獎」
另外，於2020年12月31日或之前成功登記現金發放計劃的合資格客戶，
同埋要使用「一點通」
，先可以於指定回贈期間內領取利是獎賞。
- 喺2020年6月21日至2020年12月31日期間: 高達HKD10獎賞
- 喺2020年8月1日至2021年2月28日期間: 高達HKD20獎賞
詳情請參閱招商永隆銀行的條款及細則。
上海商業銀行—大抽獎最高1兩裝千足黃金
透過上海商業銀行嘅下列服務登記政府派發HKD10,000，即可以參加抽獎，而用唔同服務會有唔同次數嘅抽獎機會：
網上理財服務： 3 次抽獎機會
網站： 2 次抽獎機會
遞交書面登記表格： 1 次抽獎機會
大抽獎之豐富禮品包括：
頭獎： 1 兩裝千足黃金 (1 份)
二獎： 加拿大楓葉金幣 0.5 盎司裝 (2 份)
三獎： 澳洲鴻運金幣 0.05 盎司裝 (5 份)
安慰獎： 亞洲國際餐飲集團餐飲禮券價值港元 $100 (200 份)
詳情請參閱上海商業銀行的條款及細則。
中銀香港—可享年利率4.3%定期優惠
全新中銀香港客戶以電話應用程式開戶並開立定期存款，可享高達HKD1,000 利息 (以 HKD100,000 開3個月定期存款，年利率以4.3%計算)
另外以中銀信用卡簽賬，可享高達HKD1,500 回贈，詳情會喺7 月中公佈。
詳情請參閱中銀香港的條款及細則。
中信銀行 (國際)—中大獎合共攞HKD20,000走
於2020年6月21日至8月31日期間，透過信銀國際網上理財服務登記政府一萬元現金發放計劃，就可以自動參加大抽獎，有機會贏得HKD10,000 (3個名額) 或HKD50 (1,000個名額) 現金獎賞。
於推廣期內經「inMotion動感銀行服務」流動應用程式進行「轉數快」交易更可賺取額外抽獎機會，如果你喺「inMotion動感銀行服務」流動應用程式進行「轉數快」交易愈多，中獎機會就愈大。
詳情請參閱中信銀行(國際)的條款及細則。
華僑永亨銀行—拎HKD10,000攞HKD50超級市場現金卷
2020年6月21號或之後，親身去華僑永亨銀行分行登記政府HKD10,000 計劃，同埋即場申請個人電子理財，登記終止郵寄結單可以賺取HKD50超級市場現金卷，最新客戶先有架！
詳情請參閱華僑永亨銀行的條款及細則。
星展銀行—拎HKD10,000之外仲可以幫助有需要嘅人
透過星展銀行登記領取政府HKD10,000現金發放，你可以賺取現金獎賞，同時星展銀行會向膳心連基金捐助食品包，出一分力，幫助有需要家庭！
詳情請參閱星展銀行的條款及細則。
FAQ：如果無個人網上銀行可以點攞HKD10000？
你亦都可以向有關銀行遞交書面登記表格，但款項過戶日期將會按書面登記程序分批處理。想領取抬頭支票嘅話，可以向香港郵政遞交書面登記表格，或者透過佢嘅網站（hongkongpost.hk）遞交電子登記表格。市民亦可以郵寄書面登記表格去香港郵政信箱182020號。如果喺本地寄出，就無需貼上郵票。我哋嘅港究專員都為你搵咗HKD10,000 計劃嘅登記表格，無論你有冇戶口，只要你係三粒星，你都可以拎呢HKD10,000！
現金發放計劃登記表格
現金發放計劃登記表格 (以銀行轉帳收款) [表格1]
登記方法: 請將填妥及已簽署的表格
- 投進指定收款銀行轄下設有表格收集箱任何一間分行 (2020年10月15日後請直接交予收款銀行分行職員)；或
- 郵寄到香港郵政總局郵政信箱182020號 (請在信封上註明指定收款的銀行名稱，以方便處理；如在本地寄出，信封上無須貼上郵票) 。
現金發放計劃登記表格 (以支票收款) [表格2]
登記方法: 請將填妥及已簽署的表格
- 投進任何一間郵政局 (流動郵政局除外) 內的表格收集箱；或
- 郵寄到香港郵政總局郵政信箱182020號(如在本地寄出，信封上無需貼上郵票)。
現金發放計劃登記表格 (精神上無行為能力登記人專用) [表格5]
由於遞交本登記表格時須附上多份証明文件，下載及填寫本表格前，請先按此參閱常見問題，了解本登記表格是否適合登記人的具體情況和需要。
現金發放計劃登記表格 (行動不便登記人專用) [表格6A]
由於遞交本登記表格時須附上多份証明文件，下載及填寫本表格前，請先按此參閱常見問題，了解本登記表格是否適合登記人的具體情況和需要。
登記方法: 請於辦公時間內 (星期一至五上午9時至下午6時(公眾假期除外)) 聯絡「現金發放計劃秘書處」安排遞交表格及辦理登記手續 (電話號碼: 3106 0740)。
現金發放計劃登記表格 (持有豁免登記證明書登記人專用) [表格6B]
登記方法: 請將填妥及已簽署的表格郵寄至「現金發放計劃秘書處 香港郵政總局郵政信箱 180000 號」。如在本地投寄，信封上無須貼上郵票。
詳情請參閱政府現金發放計劃網站
以上優惠均受條款及細則約束。
鐘意呢篇分享嘅話，希望大家喺下面畀 Like 支持下我哋，Subscribe 或者 Bookmark 我哋就可以即時收到更多優惠資訊 / 介紹，有咩問題歡迎留 Comments！ 仲有唔好漏左Follow Kong’s Cult 嘅Facebook 專頁，你哋嘅支持同意見絕對係我哋嘅港究專員繼續發掘著數嘅動力，下次再見！
