想做好財富管理同埋分散投資，一定唔少得開返個離岸戶口，奈何香港本地大行開立離岸戶口嘅門檻較高，比如匯豐或者Citibank嘅Citigold，最低門檻都最少要喺香港戶口放100萬，而且仲要經過一輪審查同解釋開戶原因，星展仲會要求客人親身飛去新加坡見證開戶，以上要求確實令好多人對於開立離岸戶口有所卻步。
至於其他美股券商同外國銀行又點呢？原來好多間都要求要有外國passport，而且需要提供當地地址，加上唔係間間都會出提款卡，仲有最低存款要求，又要靠銀行匯款嚟出入，非常麻煩。
今次港究專員就想推介一間叫 Firstrade(第一證券) 嘅離岸證券公司，Firstrade以0佣金，0平台費為賣點，係其中一間可供香港用戶輕易申請嘅離岸股票戶口，非常適合本地小散戶。而且用香港地址＋特區護照就可以申請，又唔洗用外國護照，手續簡單，網上開戶只需3分鐘！
- Firstrade不收交易佣金、平台費、存倉費
- 可交易股票、ETFs、期權、債券及超過11,000種共同基金
- 可以網上開戶，屬於香港人最容易申請嘅離岸投資戶口之一
- 資產獲美國投資者保護公司 (SIPC) 保障，若證券行倒閉，SIPC最高可提供50萬美元賠償
- 無最低存款要求
- 設中英文介面及客戶服務
- 用戶可申請Visa Debit卡，可在全球使用
開戶申請全程喺網上就搞得掂，撳入去下列嘅圖等港究專員Step by Step同你一齊開戶啦！
網上完成申請後大約1-2個工作天就會收到電郵通知戶口已經開通，然後登入賬戶就可以見到匯款去Firstrade嘅銀行戶口資料，再跟指示經網上銀行匯錢過去Firstrade戶口就完成入錢手續啦！因為屬於國際匯款(TT)，所以大約幾個鐘後先會見到資金匯入Firstrade戶口。
記得要係匯款附言欄位填入 Firstrade 賬戶嘅英文全名與 8位數字賬戶號碼呀！
港究專員經過實測，認為Firstrade 開戶真係超快捷方便，開一個咁抵玩嘅離岸投資戶口竟然可以咁快，填資料只需3分鐘左右，審批只需1-2個工作天就完成！
匯款入 Firstrade 戶口注意：
由於 Firstrade 係美國公司，所以不論係存款定提款都好，都屬於跨境匯款，所以每次存取都會有跨境匯款手續費 (要將資金匯去離岸的話，呢個費用係少不免的)。
跨境將美金匯到 Firstrade 喺美國嘅銀行賬戶收費要視乎你選用嘅香港銀行，手續費為 USD20-30 不等，每間銀行匯款收費都唔同，例如Citi Priority，匯款豁免收費，但中轉行就會收USD20！另外出金時，有 2 個環節可能會產生手續費，分別為Firstrade匯出款手續費 USD35，外加中轉行 / 收款銀行嘅手續費 (Citi Priority匯入款同樣豁免收費)。
由於每次匯入匯出款項都有手續費要收，所以港究專員建議如果打算以 Firstrade 作為主要嘅離岸戶口的話，最好就減少款項出入嘅次數，以減少匯款過程所產生嘅手續費啦！
我哋都有介紹Citi Priority入金Firstrade教學，歡迎收睇。
【Citi Priority/Gold】匯款至美國免收手續費教學
Firstrade Debit Card：
Firstrade Visa debit卡
通過Firstrade現金管理賬戶發行嘅Visa debit卡，無論喺國內 / 國際提款， 或喺全球各地貼有VISA標誌嘅商店作簽賬， 都可以直接由美股投資賬戶扣款，方便使用。申請時並唔需要任何年費 / 手續費 / 郵費，不過就最少要有USD25,000 存款要求。
美國境內 | 國際 | |
簽賬手續費 | 0% | 3% (資產達USD25,000或以上，每月首次使用免收手續費) |
每日限購額度 | USD10,000 | USD2,500 |
每天 ATM 提款額度 | USD1,000 | USD1,000 |
睇完以上介紹係咪好吸引呢？快啲撳下面個掣去開戶啦！
優惠受條款及細則約束。
提示：借定唔借？還得到先好借！
除左Firstrade股票戶口，港究 Kong’s cult仲有瑞士離岸戶口Dukascopy Bank介紹！同樣係無最低存款要求，而且開戶仲送EUR5虛擬幣添！如果係持少量資金又講求資金流動性嘅用戶，可以留意下Payoneer賬戶透過港究專屬link註冊可享1.2%手續費優惠，且當你帳戶收到USD1,000後，可得到USD25嘅獎勵。
之前我哋港究專員都介紹咗加密貨幣簽賬卡Wirex卡以及CRO卡，都屬於離岸戶口，歡迎收睇。
嚟緊港究 Kong’s cult會介紹更多離岸戶口，一定要密切留意我哋啦！
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
如果想分享 / 更快收到各種優惠著數，歡迎加入我哋港究Telegram討論區。仲有唔好漏咗Follow Kong’s Cult嘅Facebook專頁啊，你哋嘅支持同意見絕對係我哋港究專員繼續發掘著數嘅動力，下次見！
