(申請期已完結)
政府喺2020年6月29日公佈咗對N無人士 (非公屋、非綜援嘅低收入住戶) 喺武漢肺炎同社會事件對生活大受影響下，提供一次過生活津貼項目，希望借此對低收入人士提供一啲援助，平息近日嘅一啲民憤。
關愛基金專責小組公布依個計劃已經預留咗超過11億元推行項目，預計有10萬5千個住戶受惠，呢個計劃可以喺7月2日起分階段遞交申請。
咁你可能會有好多問題想問政府，例如係有咩人先至符合資格，符合資格嘅話可以拎到幾多援助應急？你可以打去政府熱線1083問吓或者我哋嘅港究專員可以畀你一個初步嘅印象，等你唔洗喺咁熱嘅天氣下喺民政署排隊問。
如果你仲未申請政府嘅HKD10,000計劃，又想知一吓拎HKD10,000有啲咩優惠？歡迎撳呢度睇吓唔同銀行有咩優惠，搵盡每一蚊！
有咩資格要符合先有得拎今次嘅津貼？分階段申請係幾時申請？
關愛基金2020資格
如果你係
住宿方面
- 租住緊私樓、工廈或者商廈
- 租住緊由非政府機構營辦嘅社會房屋
- 租住緊民政事務總署轄下嘅「單身人士宿舍計劃」宿位
- 居住於由非政府機構提供予更生人士嘅宿舍的宿位
- 居住於臨時房屋
- 居住於船艇
- 無家者
收入方面
- 過去3個月平均每月住戶入息唔超過以下相應住戶人數嘅指定住戶入息限額：
住戶人數 | 指定住戶入息限額 (元) |
1 人家庭 | HKD15,100 |
2 人家庭 | HKD22,000 |
3 人家庭 | HKD26,800 |
4 人家庭 | HKD33,500 |
5 人家庭 | HKD36,900 |
6 人或以上家庭 | HKD40,800 |
- 如租住私樓、工廈、商廈或社會房屋，過去3個月平均每月租金唔超過以下相應住戶人數嘅指定住戶租金上限：
住戶人數 | 指定住戶租金上限 (元) |
1 人家庭 | HKD7,550 |
2 人家庭 | HKD11,000 |
3 人家庭 | HKD13,400 |
4 人家庭 | HKD16,750 |
5 人家庭 | HKD18,450 |
6 人或以上家庭 | HKD20,400 |
- 無拎綜援
- 申請人及所有住戶成員均無喺本港擁有任何物業 (包括聯名物業)
- 為香港永久性居民，或持有香港居民身份證但不屬於來港目的並非定居，及 / 或在獲入境處簽發有關簽證進入許可前，入境處已信納為有足夠經濟能力維持自己在港生活嘅人士
申請關愛基金2020資格注意事項
有啲嘢我哋港究專員需要提吓你:
- 租住私樓、工廈或商廈，租住的居所不可屬於申請人及 / 或其住戶成員嘅父、母、子、女、夫或妻嘅物業。
- 喺計算住戶成員嘅人數時，申請人及 / 或其住戶成員可把以下非同住人士包括在內：
– 其租住私營安老院舍非資助宿位嘅父母
– 其租住私營殘疾人士院舍非資助宿位嘅住戶成員。 - 大學學生宿舍並沒有納入為2020年項目所涵蓋的居所類別。不過，呢啲學生嘅家庭若符合申請資格，喺提出申請時，可將居於宿舍嘅學生計算喺申請住戶嘅人數內。
有關詳細資格，請參閱關愛基金網站。
申請時間表
合資格嘅申請住戶須按住戶人數，喺2020年7月2日至11月30日期間分階段遞交申請表：
- 1人住戶 2020年7月2日起 開始遞交新申請
- 2人住戶 2020年8月3日起 開始遞交新申請
- 3人住戶 2020年9月1日起 開始遞交新申請
- 所有合資格住戶 2020年10月5日起 開始遞交新申請
- 申請期結束 2020年11月30日
咁去邊度遞交申請表？
| 一般住戶 | 請將申請表交到接受一般申請嘅服務單位 |
| 純長者住戶 (即住戶內所有成員均為60歲或以上) | 請將申請表交到長者服務單位 |
| 純青年住戶 (即住戶內所有成員均為24歲或以下) | 請將申請表交到青少年服務單位 |
| 無家者 | 請將申請表交到接受無家者申請嘅服務單位 |
希望有需要政府幫助嘅各位可以得到政府適當嘅援助，如果有更多問題想知批唔批到，歡迎打去政府熱線1823查詢一吓，希望可以幫到大家！
以上政策和細則均以關愛基金和政府網頁為準。
鐘意呢篇分享嘅話，希望大家喺下面畀 Like 支持下我哋，Subscribe 或者 Bookmark 我哋就可以即時收到更多優惠資訊 / 介紹，有咩問題歡迎留 Comments！ 仲有唔好漏左Follow Kong’s Cult 嘅Facebook 專頁，你哋嘅支持同意見絕對係我哋嘅港究專員繼續發掘著數嘅動力，下次再見！
