唔少人喺有足夠本錢做長期投資前，因為本金少，都有進行過一定程度嘅投機先搵到自己嘅第一桶金，即使係投資界傳奇Jesse Livermore都係一樣。另一方面，亦都有唔少交易員為咗令自己喺重大決定上面更有discipline，會額外開設一個small account滿足自己嘅心癮，減少自己大倉冒過大風險嘅機會…無論係咩原因都好，一個高槓桿兼投資產品種類豐富嘅平台對唔少人嚟講都係必需品。以下文章正正就係講解呢類高槓杆平台！
喺介紹以下工具之前，希望大家明白呢類券商嘅風險係相當大。雖然佢哋都受唔同嘅國際機構監管，但普遍嚟講都並不受香港證監會監管。用呢類型平台嘅香港用家絕對唔少，但由於網絡上好少資訊介紹，與其大家唔知頭唔知路揀錯中伏，倒不如港究專員喺度提供返呢類平台嘅基本資料及比較畀大家，等大家知多啲！
IG Group | eToro | |
關於公司 | ||
歷史 | 於1974年成立 英國上市公司(代號：IGG) | 於2007年成立 |
總部 | 倫敦 | 倫敦及利馬索爾(Limasol) |
槓桿 | 200倍 | 400倍 |
可交易商品 | ||
股票 | 可對全球約12,000種股票進行買賣 | 可對全球約1,000種股票進行買賣 |
外匯 | 可交易98貨幣對(Currency pair) | 可交易47貨幣對(Currency pair) |
商品/期貨 | ||
期指 | 32種，包括中、港、美、日、德、法、英等各國主要指數 | 13種，包括中、港、美、日、德、法、英等各國主要指數 |
加密貨幣 | ||
功能 | ||
手機app | 有 | 有 |
實時報價 | 有 | 有 |
教育平台 | 基本交易教育 基本風險管理教育 信號中心 即時新聞 財經日曆 | 基本交易教育 訂單複製教學 部落格及podcast |
訂單複製* | 無 | 有 |
中文界面 | 有 | 有 |
MT4 | 有 | 無 |
收費 | ||
最低入款 | USD300 | USD200 |
佣金 | 有，視乎商品 | 有，視乎商品 |
閒置費用 | 2年內沒有進行交易及後的每月首日收取USD18 | 1年內沒有進行交易及後每月收取USD10 |
取款費用 | 無 | USD5 |
入款方法 | ||
銀行匯款 | 可以 | 可以 |
信用卡 | 可以 | 可以 |
Paypal | 可以 | 可以 |
相關監管機構 | 百慕達金融管理局(BMA) | 英國金融行為監管局(FCA) 澳洲證券投資委員會(ASIC) |
*訂單複製為eToro獨有功能，主要用嚟follow 其他用戶嘅操作，詳情可以喺呢度知多啲
Quick Take：揀邊個好？
如果讀者確定自己需要呢類平台，港究專員認為IG已經可以滿足大部份人嘅需要：交易股票、外匯、期貨、期指嚟講，IG都提供到相當豐富嘅選擇，入款方法簡單快捷，中文界面容易上手，方便易用。
另一方面，如果讀者係對個別加密貨幣交易有興趣，eToro就係另一個選擇。訂單複製係比較新穎嘅玩法，但其實金融市場對傳統基金經理嘅表現做評估都需要起碼十年嘅performance，一個普通人即使有兩三年做得特別順利，都唔代表長期表現好。eToro可以複製訂單嘅star trader平台使用年資都唔係特別高，投資嘅商品類型都比較高風險，用唔用得著呢個服務，就需要讀者自行判斷。有需要嘅讀者可以透過此鏈結立即註冊。
港究專員不厭其煩喺度再次提醒大家，無相當經驗同信心切勿使用過百倍槓桿。正正因為呢類平台入金同借錢相當容易，嬴多輸突都係非常常見，心態一唔平衡，好容易要付出沉重代價。如果係啱啱開始用呢類平台，可以試下用最低槓桿或者平台附送嘅demo account試試先，人無事先做到世界冠軍架嘛！
市面上提供衍生工具交易嘅券商五花八門，以上兩個券商係以安全、穩定同功能3個要素挑選出嚟。做衍生工具交易，除咗利潤要多，平台穩定性係最重要嘅一環－嬴多嬴少都好，拎得返啲錢最緊要！
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！ 如果想分享 / 更快收到各種優惠著數，歡迎加入我哋港究Telegram討論區。仲有唔好漏咗Follow Kong’s Cult嘅Facebook專頁同Instagram專頁啊，你哋嘅支持同意見絕對係我哋港究專員繼續發掘著數嘅動力，下次見！
Risk Claimer:
本文件載列的所有資訊於編製時被視為準確，但概不保證其準確性，亦不會就任何錯誤或遺漏承擔任何責任。投資者應自行核證。所述觀點與策略不一定適合所有投資者。
投資涉及風險，投資者應做好個人風險管理配置。投資者在進行投資前應索取及閱讀有關產品的細節（包括風險因素）。投資者不應僅依賴本頁面作出投資決定。在使用本頁面以前，投資者應該細閱有關產品的銷售文件，包括風險因素。根據個人財務狀況，確定任何投資，證券或策略是否合適閣下，如有需要，投資者應諮詢專業意見。
本頁面所有資訊旨在提供投資知識相關教育，本頁面並不構成買賣任何投資產品的招攬或承諾。
本頁面並未經證監會審閱，如投資者繼續閱讀本頁面，將視作投資者同意以上條款
