回贈網喺香港愈黎愈流行，但Topcashback呢個網就唔知點解無乜人提。循例講一講回贈網嘅原理，回贈網作為一個中介平台，每一位客人透過佢俾嘅link去唔同商戶到網購就會有唔同比率嘅現金回贈 同優惠，而商戶就會回佣俾返佢，而當中嘅差價就係回贈網嘅利潤。而 Topcashback係英/美/加嘅網購界入面大行其道，喺入面唔難搵到啲廣為人知嘅牌子，所有搵到嘅牌子都有現金回贈嫁！快啲撳下面個制免費登記賺回贈攞Cashback啦！
撳入去打你email同設立你嘅密碼就可以，千其唔好亂打阿，佢會send email叫你認證個帳戶先會俾你買嘢嫁。一認證完就已經會見到今日最熱門嘅回贈同優惠啦：
而首頁轆到底就會見到唔同分類入面今日回贈最多嘅商戶，而下圖左上角喺Top Coupon Code 呢格最可以見到唔同商戶大減價嘅消息同埋佢作為中介平台提供嘅優惠劵！無錯！有啲仲係除左Topcashback本身嘅回贈，佢自己再提供嘅優惠劵！
好似以下呢種優惠劵就可以不限商鋪，只要期間洗夠USD $10 就可以有USD $3嘅回贈，相當於折上折！
而當你用搜尋嘅功能搵緊你心儀嘅商戶嘅時候，有時候你會見到個別商戶會透過平台派優惠劵，而呢啲優惠大約分為兩種，一種係唔可以連埋回贈一齊用而另一種就可以食哂兩家茶禮嘅優惠劵（以下例子為American Eagle Outfitter及IHerb 喺Topcashback派嘅優惠劵）：
此外，值得一提嘅喺Topcashback分左唔同嘅國家，最多人用就係CN（中國）、US（美國）同埋UK（英國），而港究專員就建議香港用家呢用US地區，因為有嘅優惠offer最多。UK雖然都多但一定要有當地銀行戶口先可以攞返啲回贈（有離岸戶口嘅都可以考慮下），相對地美國就可以用PayPal Cash out返，但會收返匯率差價做手續費（港幣嘅話大約2%）。
除左以上嘅優惠外，當然唔少得網站入面自己嘅優惠，免去舖租嘅成本後，一般實體商品如服裝等等嘅網店售價往往比該牌子嘅實體店平，特別來源地係美國好似啱啱講嘅AEO咁就更加平，再好彩啲撞著牌子促銷就食盡各方嘅優惠啦！
點解咁多例子入面都有AEO？因為佢正正食哂各方面嘅優惠：Topcashback嘅4%回贈、Topcashback自產嘅優惠劵、AEO派俾Topcashback嘅優惠劵、來源地美國嘅平價同埋促銷嘅減價，淨係用Topcashback呢個網已經打左五次折頭俾你，再加埋網購神卡HSBC Red Card 嘅4%回贈（如果有HSBC Visa Signature 仲有外幣結算5.6%回贈！），雖然會收返1.95%手續費，但已經夠我用港幣百零蚊買到實體鋪價值$490-$590不等嘅牛仔短褲，有啲特細或特大（男裝26腰及38、40腰）仲要實體鋪都搵唔到，真係換季嘅好機會啦。
你可能會問：車！我都唔買衫，呢個網對我係咪無用阿？唔買衫姐，你會去旅行掛。Hotel.com、Skyscanner、Expedia全部都有回贈嫁。
買完野之後大約等一個禮拜就會收到Topcashback回贈確認嫁啦，如果無聲氣可以去佢CS問下：
港究專員仲試過買有60%回贈嘅嘢，本身USD $125 嘅VPN三年計劃，經Topcashback嘅link去商戶到買就有USD $75嘅回贈，即係慳左成 $400港紙！而佢個網站每個月都會有唔同優惠嘅更新，大家記得要睇實個mon唔好貶眼呀！快啲登記啦！
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！ 如果想分享 / 更快收到各種優惠著數，歡迎加入我哋港究Telegram討論區。仲有唔好漏咗Follow Kong’s Cult嘅Facebook同Instagram專頁啊，你哋嘅支持同意見絕對係我哋港究專員繼續發掘著數嘅動力，下次見！
