疫情仍未消散，聖誕假期無地方去，又係時候匿喺屋企打機啦！依家有好消息！香港區 Switch 部份遊戲終於開始減價，優惠期由本年12月17日到明年1月初，快啲把握最後機會買平GAME啦！
MOVING OUT (出版日：2020年4月) 折後價 HKD115
《Overcooked》應該大家都玩過，非常講求團隊合作嘅遊戲之一，次次玩成班人都玩到鬼殺咁嘈，更被封為「友情破壞」神作，至今仍然係Party Game 首選。
而《Overcooked》開發團隊喺今年度就開發出另一款新作《Moving Out(胡鬧搬家)》，遊戲主軸就由煮食改為搬屋，繼續要多人合作完成任務，雖然依家好難開到Party，不過兩個人都玩到㗎，百零蚊好值得入手。
Super Bomberman R (出版日：2020年2月) 折後價 HKD99
經典遊戲 – 「炸彈人」今年都有做優惠，折後只係賣HKD99咋。除咗可以1～2 人遊玩模式、共 50 關以上嘅故事模式外，仲支援最多 8 人進行線上及單機連線對戰嘅功能。另外，Switch版入面仲有 3D 繪圖，呈現出全新立體機關，比起其他版本睇落娛樂性更高。
相比起之次次玩Switch都見到Mario，港究專員覺得炸彈人更具代表性，玩落亦比Mario系列遊戲更刺激，而且炸彈人都係兒時回憶之一呀。
Disney Tsum Tsum Festival (出版日: 2019年11月) 折後價 HKD258
Switchl版的Tsum Tsum好得意呀！呢隻遊戲入面有10款mini games，最推薦一定係好似coin dozer嘅推幣game，玩得好過癮。唔好以為呢隻Tsum Tsum無得玩消消樂，只要開返攜帶模式就玩到㗎啦。之前未買嘅朋友仔一定要趁減價買返啦，因為呢隻game就算二手價都要HKD260左右，唔洗煩交收，喺eshop即買就玩到了。
太鼓之達人 (出版日：2018年7月) 折後價 HKD298
又係一隻十分經典而又必玩嘅遊戲，今次折扣版亦有包含到新追加嘅10月歌曲，包括來自《偶像大師 百萬人演唱會！劇場時光》的「BORN ON DREAM! ～HANABI☆NIGHT～」，以及來自《魔法紀錄 魔法少女小圓外傳》的「Gomakashi」等在內的「深夜動畫 Pack Vol.2」等追加下載樂曲現正發佈中。另外，全新線上模式「私人對戰」已經加入遊戲，選擇「私人對戰」後，只要其中一人先喺「建立房間」中自訂六位數房間密碼並分享畀好友，另一人就可以喺「搜尋房間」中輸入密碼進行連線對戰，就算喺屋企都可以透過連線，同親朋好友享受演奏對戰樂趣。
港究專員今次介紹幾款合家歡遊戲畀大家，其實仲有好多唔同種類嘅遊戲有做減價，大家可以去以下網站慢慢選購。
唔好唔記得睇吓用邊張信用卡畀錢有回贈呀，未有申請以下神卡的話可以睇吓以下介紹：
【Citibank 信用卡優惠】靠推薦人哋就有無上限嘅每人HKD500？港究專員教埋你點申請 Citibank 信用卡攞優惠！
