無錯！今次要介紹嘅就係SmartBuyGlasses，香港地地方細細但好多人都要帶眼鏡，而眼鏡亦成為個人形象同日常生活嘅一部分，要揀返副啱心水嘅眼鏡實在唔容易，SmartBuyGlasses成立於2006年，有成180個品牌任君選擇，時裝品牌有DIOR、TOM FORD、PRADA、GUCCI、Ray-Ban等，而眼鏡品牌有CHARMANT Z、Silhouette等等多到無辦法喺度一一列出嚟，亦有齊各大品牌嘅隱形眼鏡，大家一齊入去睇啦！港究專員會喺呢邊教埋你點揀鏡架同鏡片，希望幫到大家了解自己嘅眼鏡。
價錢平部分實體店一截
作為網購專員首先當然係比較價錢啦，呢點港究專員已經做過實地考察，將SmartBuyGlasses嘅價錢同部分實體店比較，無論眼鏡、太陽眼鏡定隱形眼鏡，未計折扣優惠已經平一截！
隱形眼鏡
以Acuvue系列為例，Mosit同Trueye都有6折，再用埋優惠碼，即係Acuvue 55折！12盒Moist總計HKD1,436 (平均每盒HKD120)！唔買真係對唔住自己呀！！
鏡架
以PRADA為例，唔少實體店標價大約HKD2,000，TOM FORD標價更加係HKD2,800以上，而SmartBuyGlasses折後都係千零蚊！眼鏡品牌CHARMANT Z一般實體店標價大約HKD2,200至HKD3,800，呢度折後全部HKD1,628搞掂！升級超薄鏡片亦都只係HKD338！再用埋優惠碼VE5仲有全單額外95折！真係好抵，所以跟住落嚟港究專員就想一步步教大家簡眼鏡囉！
鏡架 – 鼻托篇
港究專員希望大家都更加了解自己每日都用嘅眼鏡，所以分兩部分喺呢度為各位讀者講解吓其中兩項眼鏡嘅元素 – 鼻托同鏡架尺寸。
鼻托方面，部分膠框鏡架係有出亞洲版，亞洲版鏡架嘅鼻托會高啲，較適合一般亞洲人，戴起上嚟無咁容易跣，而金屬框或金屬鼻托款則無此問題。關於呢點SmartBuyGlasses亦幫顧客做埋分類，各位只需要喺「分類」點擊「亞洲版」便可，非常貼心。下圖將各鼻托款進行對比：
鏡架 – 尺寸篇
講完鼻托，接著落嚟就係尺寸，最直接嘅方法當然係参考返自己戴開副眼鏡啦！咁點樣搵到自己鏡架尺寸呢？請睇下圖：
各位讀者可以睇睇自己副眼鏡嘅眼鏡肶，通常會有一堆數字，搵到49-21咁上下排列嘅數字就係鏡架尺寸啦！以港究專員副眼鏡為例，第一組數字「49」即係一隻鏡片闊度 (不包括任何鏡架部分) 係49mm。各位讀者可以用自己副眼鏡嘅尺寸做参考嚟選擇眼鏡。
SmartBuyGlasses亦有尺碼指南 (按此) 幫手，不過眼鏡大小好多時都會受個人喜好影響，各位讀者可以照樣参考吓。
優惠碼 (2020-07-18更新)
到期日 | 詳情 | 優惠碼 |
2020年7月31日 | 全場貨品 (眼鏡, 隱形眼鏡及太陽眼鏡)都可以有額外95折 | VEINT5 |
2020年12月31日 | 全單購物滿HKD1,500減HKD75。(不包括Ray-Ban) | 75HK |
2020年12月31日 | 全單購物滿HKD3,100減HKD200。(不包括Ray-Ban) | 200HK |
2020年12月31日 | 隱形眼鏡滿HKD800即享95折 | HK5CL |
第一步：選擇好啱嘅款式
當你撳「立即購買」網站就會帶你去下一步選擇鏡片種類。
第二步：選擇鏡片
港究專員就近視嘅所以選擇「遠 / 近視」。順帶一提，即使無度數嘅你想買眼鏡作為保護都需要配平光鏡片 (即無度數鏡片)，因為一般鏡架上嘅DEMO片係無任何保護性嘅膠片，而平光鏡片係有防UV、防反光膜等等去保護眼睛。
港究專員本身經常配眼鏡，非常清楚自己嘅近視、散光度數、瞳距 (PD) 等資料，所以選擇「手動輸入」度數。各位讀者如果唔清楚都可以搵返自己最近配眼鏡嘅收據，一般都會列出驗配度數嘅資料；或者有處方度數，亦可以選擇「上傳文件」上傳你嘅處方。
輸入度數後，就正式選擇鏡片啦！SmartBuyGlasses嘅鏡片分類都算清晰，點選擇就睇自己需要，不過港究專員當然有額外貼士啦！去表：
小貼士1：首先免費嘅基本鏡片無任何保護塗層，所以港究專員就唔考慮啦。
小貼士2：鏡片折射率與鏡片厚薄度
折射率數字愈高鏡片愈薄，而市面上一般分類為1.5 / 1.56 / 1.6 (1.61) / 1.67 / 1.74 / 1.76等，港究專員400度近視通常就選擇1.61鏡片，每升一級厚薄度大約相差20%-30%，所以預算較多可以選擇更薄嘅鏡片。當然成品厚薄度會受度數、散光軸、鏡片形狀影響。
小貼士3：球面鏡片與非球面鏡片
非球面鏡片可減低影像扭曲現象，另外亦會令鏡片更加輕薄，因此高近視、遠視、散光一般會推薦選擇非球面鏡片。
最後可以按需要加其他附加功能
小貼士4：防數碼功能即坊間所講嘅防藍光鏡片。
小貼士5：變色鏡片一般只能於室外變色，而喺車內因為擋風玻璃已經有隔UV功能，所以變色鏡片吸收唔到UV係變唔到色架！
小貼士6：著色、偏光、鏡面一般用於度數太陽眼鏡，港究專員會喺太陽眼鏡篇詳細講解。
最後一步：付款 – 記得簡啱優惠碼輸入！之後輸入郵寄地址就可以免運費寄到府上。
常見問題
相信唔少讀者都未必試過喺網上買眼鏡，心裡面一定有唔少疑問，所以喺呢度港究專員先解答一啲經常遇到嘅問題，如果有其他或者想分享下你嘅經驗歡迎喺留言區留言畀我哋。
Smartbuyglasses買眼鏡安全嗎？眼鏡咁平係唔係真貨？
SmartBuyGlasses成立於2006年，以「最暢銷的品牌，最吸引的價錢」為賣點，加上100%原裝正品、100 天退貨保證、最優惠價格保障等購物保障，再免埋運費，SmartBuyGlasses仲開發左埋3D虛擬試戴系統，顧客可以喺屋企試啱款式先買，咁就安心又放心啦！
100日退貨條款及獨家24個月保養期
100日退貨條款
退貨產品必須未經使用並且保持從SmartBuyGlasses發出的原包裝
所有度數光學眼鏡，必須在保證全新未經使用的前提下，才能退換
換貨產品必須未經使用並且保持從SmartBuyGlasses發出的原包裝
24個月保養政策 (太陽眼鏡 / 眼鏡)
如果是產品本身的質量問題，SmartBuyGlasses提供24個月的保養。通常處理問題眼鏡的辦法是免費換貨更換零件。請注意，由於日常佩戴所產生的損壞及磨損不在此保質範圍內。隱形眼鏡的廠家保養期為3個月。
詳細100日退貨條款及獨家24個月保養期條款請按此。
【本文章內容純屬作者分享其購物體驗】
今集集中分享咗光學眼鏡嘅選擇、下次港究專員會分享埋點樣配太陽眼鏡，啱哂鐘意去旅行同郊遊嘅你，唔好錯過Kong’s Cult嘅最新資訊啦！
所以鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
仲有唔好漏左Follow Kong’s Cult嘅Facebook專頁啊，你哋嘅支持同意見絕對係我哋港究專員繼續發掘著數嘅動力，下次見！
