港究專員又有好嘢介紹畀大家，今次係 Rebatesme ，同佢個網頁名一樣，係一個回贈網站。個個都買同一樣嘢，唔通每個人都要畀同一樣嘅價錢落同一件貨度？有無方法可以買得平啲呢？近年嘅科技發展令到網上購物愈嚟愈方便，可以令商戶免卻鋪租同倉租嘅支出，再加上受疫情嘅催化網上購物愈嚟愈普及。跟住落嚟港究專員會教大家一個方法，令到大家唔會成為畀多咗錢嘅一份子。
Table of Contents
回贈網站其實係咩嚟？
回贈網站係可以令你喺網上購物嘅時候可以慳多啲嘅一種手段，透過用特定嘅方法，例如使用專屬嘅鏈結去買嘢或者使用唔同嘅推廣代碼，就可以有唔同嘅回贈或者優惠。就好似之前港究專員介紹過嘅 iherb 咁，利用港究嘅特定優惠碼，就可以有特定嘅折扣！不過補充返：港究專員所推介嘅唔會有賣個人資料嘅可能架。如果你想知多啲關於唔同嘅網購平台，可以參考吓：
如果你有任何問題想問吓港究專員，歡迎你喺唔同嘅渠道搵我哋架！Telegram 討論區入面會有港究專員分享更加多要注意嘅點，包括更多抵買嘅鋪頭同其他優惠著數分享添！正所謂贏在起跑線，第一時間收到著數情報先可以快人一步，理想達到！
歡迎入嚟港究Telegram討論區，一齊慳，一齊脫離買同一件貨但係畀貴啲嘅一群。
港究啱啱開咗 Mewe 專頁喇！會有比喺 Facebook 多好多抵玩嘅資訊，仲唔跟住港究一齊轉場去 Mewe？
小心騙案 (2021-04-12 更新)
唔知你有無收過呢兩個電郵同SMS 話你知 Rebatesme 準備執，之後叫你用佢嘅競爭對手呢？
喺睇官方解釋之前，可以睇吓當中有無咩破綻。
其實睇落去好似好正常，但係細心啲睇可以見到SMS 嗰段字第三行 closed 嘅前後都係唔知點解會多咗格空格。另外電郵又有一條不明來歷嘅link。
順帶一提，不明來歷嘅link 千祈唔好撳入去，廢事有一啲黑客或者有心人士可以有機可乘。
港究專員收到之後即刻向 Rebatesme 官方問返發生咩事，確認上面嘅兩個可疑信息都唔係真嘅，即係佢哋唔係要倒閉。
如果你有咩疑問都可以問返Rebatesme官方或者重新設定自己嘅登入密碼，以策安全。
Rebatesme申請教學
首先你要經過下面嘅連結去到。
每次入去嘅時候都要做呢個動作，為咗要確認你唔係電腦
跟住你可以喺中間嘅部份輸入一個電郵地址同埋設定一個密碼就可以完成註冊嘅程序。
你亦都可以用 Google、Facebook、Apple嘅賬戶嚟做登入。
至於想知有邊間商戶係抵買或者想知點用嘅，就要睇到落最後喇！
點樣用回贈網站？
其實大部份嘅回贈網站都係大同小異，搵返喺回贈平台中想買嘅網站，然後用返 Shop Now 嘅功能就可以。因為呢個網有埋優惠券，所以下面會用 Adidas 香港做第一個情況 (無優惠券) 嘅示範，跟住會用有優惠券嘅 Mountain Steals 嚟做第二個情況 (有優惠券) 嘅示範。
登入之後就可以搵返 Adidas HK 嘅相對頁面
第二個情況 (有優惠券) 示範
遇到第二個有優惠券嘅情況點算？
首先你要登入咗先可以知優惠碼係咩，同埋留意吓回贈可唔可以同優惠碼一齊用，了解清楚之後就可以去返第一個情況咁，撳左手邊綠色嘅 Shop Now開始你嘅購物旅程。
回贈會喺7個工作天後回贈落你嘅賬戶
上面嘅3個步驟係你買完嘢之後可以大概估算吓你可以有幾多回贈。呢個數只供參考，未必同你實際回贈嘅金額一樣㗎！
Rebatesme 有咩咁正要用佢？
今次介紹嘅同之前介紹過嘅回贈網一樣，都係透過網上購物嚟拎回贈，唔同商鋪有唔同嘅回贈比率。
回贈比率係會時不時就會轉，所以以下嘅截圖都係只供參考
提示：你一定唔可以用一個有 ad block 或者一啲有阻止第三方 cookies 嘅瀏覽器嚟買嘢，例如之前港究專員之前推介過嘅 Brave Browser，如果想知多啲，可以參考吓 ：
有香港嘅鋪頭 ，例如有 Adidas HK、Nike HK、Juice HK等等
Ebay
除咗上面講過嘅商舖之外，仲有好多唔同大大小小嘅優惠，可能你會有驚喜呢？
例如有之前港究專員介紹過嘅 VPN 同埋 MountainSteals，尤其VPN呢類虛擬產品，個回贈活動時甚至高達80%！
如果你想知多啲關於 VPN 或者 Mountain Steals 嘅話可以睇吓：
留意點：注意國家
好多唔同嘅商鋪都有喺唔同嘅國家開業同埋有當地嘅網站，要注意你睇中嘅貨係喺邊個國家嘅嗰間商鋪。例如：下面所講嘅 Mountain Warehouse 係有 US、UK、AU三個國家嘅網站。溫馨提示吓大家：同一件貨可能喺唔同國家都有得賣，可以睇晒先落單，可能你有意想不到嘅驚喜呢！
Mountain Warehouse UK
Mountain Warehouse US
如果7個工作天後仲係收唔到回贈咁點算？
你可以去一個位叫做 Missing Cashback 度填form，好似港究專員下面咁樣。首先揀返係邊間商鋪，跟住填返日期同你畀咗嘅金額，之後複製返購物確認嘅 email，最後就撳 Submit 就可以等消息！
提示多次：你一定唔可以用一個有 ad block 或者一啲有阻止第三方 cookies 嘅瀏覽器嚟買嘢，例如之前港究專員之前推介過嘅 Brave Browser
簡單同 Rakuten Reward、Topcashback 比較吓
經港究鏈結登記 | USD5 | USD20 | N/A |
香港商舖有無回贈？ | 有 | 無 | 無 |
幾時可以拎到回贈？ | 7日內 | 每年指定4日 | 大概7日 |
收唔到回贈可以點做？ | 填 form | 辦公時間搵 CS | 辦公時間搵 CS |
希望大家都可以同港究專員一樣搵到自己心水嘅禮物啦！
如果你想知多啲關於唔同嘅網購平台，可以參考吓：
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
如果想分享 / 更快收到各種優惠著數，歡迎加入我哋港究Telegram討論區。最新消息，我哋最近仲新增咗多個Kong’s Cult 最新文章Telegram Channel，只要Join Channel，每逢有新文章出爐就會同步收到，勁方便！！唔好漏咗Follow Kong’s Cult嘅Facebook同Instagram專頁啊！你哋嘅支持同意見絕對係我哋港究專員繼續發掘著數嘅動力，下次見！
