回贈網站其實係咩嚟？
回贈網站係可以令你喺網上購物嘅時候可以慳多啲嘅一種手段，透過用特定嘅方法，例如使用專屬嘅連結去買嘢或者使用唔同嘅推廣代碼，就可以有唔同嘅回贈或者優惠。就好似之前港究專員介紹過嘅 iherb 咁，利用港究嘅特定優惠碼，就可以有特定嘅折扣！不過補充返：港究專員所推介嘅唔會有賣個人資料嘅可能架。如果你想知多啲關於唔同嘅網購平台，可以參考吓：
今次介紹嘅同之前介紹過嘅回贈網一樣，都係透過網上購物嚟拎回贈，唔同商鋪有唔同嘅回贈比率。
回贈比率係會時不時就會轉，所以以下嘅截圖都係只供參考
提示：你一定唔可以用一個有 ad block 或者一啲有阻止第三方 cookies 嘅瀏覽器嚟買嘢，例如之前港究專員之前推介過嘅 Brave Browser，如果想知多啲，可以參考吓 ：
Maxrebates 同其他回贈網站有咩分別呢？
回贈網站最重要都係個網站嘅整體回贈比率，當然係愈高愈好啦！個個網站都話自己有最好嘅比率嘅時候，咁邊間先係最好？用一個用嚟形容其他事嘅比喻，當你玩緊一盤大富翁，當然係愈多錢就會愈大機會贏依個遊戲。如果你係啱啱加入一場已經開始咗二十年嘅大富翁，你要點先有大啲嘅獲勝機會？可能你可以用一個薄利多銷嘅策略，將你自己嘅收入降低去換取一個多啲次數嘅交易，即係租金可以收少啲去令其他玩家寧願交你兩次租金都唔去交其他玩家一次租金。依間公司都有啲咁嘅意味，佢寧願你繼續用佢嘅回贈網站多一次都唔用佢嘅競爭者一次。咁佢點去吸引唔同嘅新用家呢？就係由大家最關注嘅回贈比例著手，透過減低自己嘅分紅，將收益轉送消費者，即係大家手上。就好似大富翁嘅例子一樣，一個啱啱投入行業嘅年輕公司點可以同一間有五、六年嘅同類型公司競爭呢？年輕嘅群體係需要唔同嘅用家去支持先至可以對抗唔同嘅霸權。
就好似上面依個常用嘅例子嚟講，Adidas 喺大家最常見到嘅 Rebatesme 有10.2%回贈，不過喺 MaxRebates 係有12%嘅回贈。
佢仲有一個賣點就係佢可以容許其他國家嘅用家都可以用到晒佢嘅全部功能，有啲其他回贈網站係只可以係美國或者加拿大綠卡嘅持有人先可以使用同埋拎到佢嘅迎新獎賞，就正如上面嘅條款及細則一樣，唔係喺美國或者加拿大居住都可以拎到由 Maxrebates 畀嘅迎新同埋平時嘅回贈。
優點 | 缺點 | |
Rebatesme | 1. 有香港商戶 | 首次註冊回贈較少 |
Rakuten | 1. 首次註冊回贈高 | 計劃經常有變動 |
Topcashback | 主要係英國商戶 | 無首次註冊回贈計劃 |
Quidco | 1. 英國商戶最多 2. £5首次登記回贈 | 較少商戶選擇 |
BeFrugal | 1. 有 Best Cashback Guarantee | 較少商戶選擇 |
Maxrebates | 1. 年輕 2. 高回贈比率 | 美國、加拿大境外用家只可以用 PayPal 拎返回贈 |
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
如果想分享 / 更快收到各種優惠著數，歡迎加入我哋港究Telegram討論區。最新消息，我哋最近仲新增咗多個Kong’s Cult 最新文章Telegram Channel，只要Join Channel，每逢有新文章出爐就會同步收到，勁方便！！唔好漏咗Follow Kong’s Cult嘅 Facebook 同 Instagram 專頁啊！你哋嘅支持同意見絕對係我哋港究專員繼續發掘著數嘅動力，下次見！
