iHerb買嘢又平又抵，無論零食、營養保健產品、日常用品、護膚品都一應俱存。自從多咗韓國倉同埋香港倉之後，最快2日左右就收到貨，所以港究專員都經常喺上面訂嘢。之前我哋推介紹過唔少iHerb必買產品，詳情可以睇返iHerb分頁。
喺iHerb落單滿HKD158.13即享免運費優惠，加埋Promotion Code「AEP9264」仲有95折添！
唔知大家鍾唔鍾意沖茶飲呢？平日返工忙裏偷閑沖返杯茶，或是夜晚沖返杯無咖啡因茶又或者花茶，都可以令個人無咁緊張、放鬆減吓壓。
今次港究專員同大家分享自己最常回購嘅茶包！
“Yogi“呢個牌子嘅茶包相信好多人都喺iHerb買過，30蚊左右嘅價錢就買到16個茶包，大槪2蚊一個，非常划算。而且Yogi嘅茶包種類非常多，花茶、無咖啡因嘅款式應有盡有，總會搵到一款岩自己口味嘅茶！
“Stress Relief” 係最熱賣嘅款式之一，因為不含咖啡因，所以絕對不會影響睡眠，而南非國寶茶加上蜂蜜薰衣草嘅味道可以令到個人放鬆，非常適合壓力大嗰陣飲用。
而Yogi嘅 “Skin Detox“聲稱含有用於舒緩皮膚嘅玫瑰花瓣和木槿，可以令人容光煥發。Gimmick嘢呢點雖然有少少保留，不過佢嘅味道都唔錯嫁！
另一個最多人買嘅牌子相信係”Pukka“，第一次買又有選擇困難嘅朋友不妨買呢個Selection Box，入面一共精選咗9款味道，一次滿足你9個願望。包括：Three Ginger、Supreme Matcha Green、Turmeric Active、Lemon, Ginger & Manuka Honey、Night Time、Elderberry & Echinacea、Relax、Revitalise、Peppermint & Licorice；當中全部都係有機種植成分。無論你係想放鬆定提神，總有一款適合你當日心情同需求。
另一款推介嘅Pukka茶係 “Love“，玫瑰、洋甘菊同埋薰衣花草令人非常放鬆。
Harney & Sons係美國嘅茶葉品牌，而呢隻 “Paris” 就係佢哋暢銷嘅口味之一，大部分人試過都讚不絕口，呢款係採用三角立體茶包。
三角立體茶包同普通平面茶包相比，由於同水嘅接觸面比較多，亦有更多空間舒展，一般都會放入原整茶葉，比較少碎茶，所以沖泡時間需要3-5分鐘甚至更長。而呢款茶嘅官方建議時間係5分鐘。
港究專員就覺得三角立體茶包沖出嚟口感更好啦！
講返呢隻茶本身，紅茶底嘅基礎再加上雲呢拿、檸檬、佛手柑嘅香氣，非常推薦大家。
Harley & Sons本身參加咗1% for the Planet，即係佢地會將1%收入捐畀同環境保護相關嘅機構，非常有意義。
Harley & Sons 嘅Earl Grey Supreme 同樣推薦大家買嚟試吓。
伯爵茶相信大家都飲過唔少牌子，呢隻比較特別係因為當中混入左銀毫白茶，口感味道會同普通伯爵茶有少少分別。
好老實咁講，港究專員一開始係畀個罐吸引住，係咪見到都少女心出晒嚟先？”Royal Palace Tea” 紅茶加檸檬同葡萄柚嘅香氣令杯茶更refreshing！
呢款”Smooth Move” 比較特別，因為佢有「特別用途」嫁！
入面嘅Senna Leaf算係天然瀉藥，透過刺激腸蠕動，幫助緩解偶發性排便困難。雖然飲完的確會幫助排便，不過就唔建議大家長期依賴飲用呢隻茶去解決便秘問題啦！
注意：價格或會有所更改，一切以iherb網頁當日價格為準。
喺iHerb落單滿HKD158.13即享免運費優惠，加埋Promotion Code「AEP9264」仲有95折添！
優惠受條款及細則約束。借定唔借？還得到先好借！
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
如果想分享 / 更快收到各種優惠著數，歡迎加入我哋港究Telegram討論區。最新消息，我哋最近仲新增咗多個 Kong’s Cult 最新文章Telegram Channel，只要Join Channel，每逢有新文章出爐就會同步收到，勁方便！！仲有唔好漏咗Follow Kong’s Cult嘅 Facebook 同 Instagram 專頁啊！你哋嘅支持同意見絕對係我哋港究專員繼續發掘著數嘅動力，下次見！
