網購喺呢個時代好方便，但係面對龐大嘅需求，尤其是喺疫情嘅「幫助」之下，大大加速咗一啲關於網購嘅唔同服務同埋軟件發展。就咁睇全世界嘅股票市場就會知道，關於在家工作、生活嘅股票喺呢一年嘅疫情升咗幾倍。再加上加密貨幣龍頭嘅 Bitcoin BTC 比特幣，喺2020年尾至到2021年頭呢4-5個月升咗5倍，而另一龍頭 ETH 以太幣，又升咗9倍，兼再加上以太幣係可以以平時日常生活使用嘅顯示卡用嚟掘礦 (即係用嚟計算當中喺區塊鏈嘅加密算式)，仲有唔同嘅因素令到呢幾個月嘅電腦零件變得有價有市，好多仲缺貨添！咁依個時候就需要 Hotstock 幫手！
Table of Contents
如果你有任何問題想問吓港究專員，歡迎你喺唔同嘅渠道搵我哋架！Telegram 討論區入面會有港究專員分享更加多要注意嘅點，包括更多抵買嘅舖頭同其他優惠著數分享！正所謂贏在起跑線，第一時間收到著數情報先可以快人一步，理想達到！
歡迎入嚟港究Telegram討論區，我哋已經有超過800人喇！一齊慳，一齊脫離買同一件貨但係畀貴啲嘅一群。
見到加密貨幣升咗咁多，想入手但係唔知點入手？港究專員有好多唔同嘅文章畀新手可以有一個好開始，詳情可以參考：
其實 Hotstock 係咩嚟？
佢係一個實時追蹤產品庫存嘅軟件，專門去追蹤一啲最熱門、最快賣晒嘅貨品。就好似正如上面所講因為掘礦潮令到近排唔同嘅顯示卡都畀人搶購晒，效能最高同性價比最高嘅當然係率先畀人搶晒，而無咁高效能同性價比嘅貨品都因為「退而求其次」被搶清光。所以想買到新品嘅途徑就只可以睇實唔同供應商放出嚟嘅新貨。莫非要時時刻刻望實電話，或者坐喺電腦面前係咁 F5 更新版面？
有咗 Hotstock，只要你登記你想要嘅缺貨產品，當有貨嘅時候就會透過唔同途徑通知你，等你早其他人一步買到你想要嘅產品。
要點先可以用到咁正嘅功能？
Hotstock 有瀏覽器插件或者 Apps 版本，支持所有主流瀏覽器同埋電話作業系統。
- Chromium (包括 Chrome、Brave)
- Safari
- Firefox
- Opera
- Microsoft Edge
- iOS (iPhone / iPad) App Store
- Android (Google Play store)
可能你會問港究專員插件係咩嚟，瀏覽器嘅擴充功能係可以改善瀏覽器嘅使用介面、安全性、廣告攔截或者其他功能，令到上網可以更輕鬆愉快。
而今次所用嘅插件就係可以令你更方便咁用到 Hotstock 嘅功能，喺開住唔同嘅購物平台時，隨時彈出提示嘅視窗，而用 Apps 版就會將提示由電腦嘅瀏覽器轉咗落手提電話到。其實係同網頁版個功能一樣，不過網頁版唔使喺兩個頁面之間轉嚟轉去，方便好多！
用嗰陣有咩要注意？
唔同國家唔同網站
網站有英國、美國同加拿大嘅，所以如果你想喺英國嘅 Amazon 度買嘢就記得喺返英國版網頁去登記搵返喇！唔同國家係有唔同嘅版本，不過如果係寄返香港嘅，大家記得計返唔同國家寄返香港嘅運費再去做比較。
英國：按此
美國：按此
加拿大：按此
無論係咩原因，如果你係準備想轉一轉生活環境而考慮緊去英國嘅話，想睇多啲資料可以參考吓：
見到有 Premium 版，洗唔洗 Join？
先同大家講吓佢呢個 Premium 計劃係點運作先。大家都係會收到返貨嘅通知，咁點解仲要買佢呢個計劃呢？分別就在於速度上嘅差異，Premium 當然會比普通無畀錢嘅客戶快啲，不過港究專員就建議大家可以慳返一筆。
原因係Premium計劃只係會將計劃入面嘅用戶放晒喺傳送隊伍嘅最前一批。當你想買嘅貨品有好多貨返嘅時候，你好難會因為差嗰30秒後先收到通知而買唔到貨；另一情況就係相反，喺得好少貨返嘅時候，此時更要講求嘅係你嘅網速同埋你輸入資料嘅速度，講緊嘅係同梗全世界同你一齊想買同一件貨品嘅人，呢個機會率到底有幾大呢？
再加上，影響你收到通知嘅情況仲有好多，例如你所在位置嘅流動網絡或者 WiFi 收得好差，甚至係你嘅手提電話用緊慳電模式幫你熄咗唔同應用程式嘅通知等等。
當然，如果你想一直支持一啲好用心幫大家嘅軟件開發人員，絕對歡迎訂閱 Premium 計劃。
港究專員實測
講咁多佢嘅賣點，即刻講吓點用，始終用落去覺得點最實際。虛有其表嘅就講多無謂啦。
首先當然要註冊用戶，只係需要一個用戶名稱、密碼同一個電郵地址。如果你驚私隱問題可以考慮吓用一個新嘅電郵地址。
想買某件貨但係無貨嘅時候通常都會好失望，不過有咗今次呢個缺貨小幫手就唔洗驚！
如果你想知更多唔同嘅網購慳錢工具，或者最有用嘅回贈網站，可以參考吓：
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
如果想分享 / 更快收到各種優惠著數，歡迎加入我哋港究Telegram討論區。最新消息，我哋最近仲新增咗多個Kong’s Cult 最新文章Telegram Channel，只要Join Channel，每逢有新文章出爐就會同步收到，勁方便！！依家我哋仲登陸埋MeWe平台，唔好漏咗Follow Kong’s Cult嘅MeWe、Facebook同Instagram專頁啊！你哋嘅支持同意見絕對係我哋港究專員繼續發掘著數嘅動力，下次見！
