Honey 係一款可以幫你喺買嘢嘅時候慳返唔少嘅瀏覽器插件同埋 App，佢可以喺你網購嗰陣自動幫你搵減到最多嘅coupons同埋比較唔同網站價格，就好似上次港究專員介紹專門為 Amazon 紀錄價錢嘅工具 camelcamelcamel 一樣，又係一款購物慳錢神器。
你可以想像吓，你喺一個網站買一件衫或者裙，但係又想以一個比其他人平嘅價格去買。通常呢個時候你會搵吓有無任何 Discount Code 或者好似 Gmarket 嘅 Coupon ，但係唔知你有無發覺你去慢慢搵一啲優惠券或者優惠代碼，其實係一個好浪費時間？
可能倒頭來用咗 15 至 20 分鐘都未必搵到優惠券或者仲要你計嚟計去邊個優惠券嘅配搭先係最慳錢嗰個，最慘嘅情況係搵咗好耐嘅優惠券點知去到埋單嗰陣發現係唔用得嘅。今次港究專員推介畀大家嘅慳錢神器就可以完美解決以上三個問題，希望可以幫大家慳返啲來來回回嘅時間同心機。
Honey係瀏覽器插件，支持所有主流瀏覽器:
- Chromium (包括 Chrome、Brave)
- Safari
- Firefox
- Opera
- Microsoft Edge
你可能會問港究專員點解唔用App版，明明App Store 係有Honey嘅App版。
畀一個溫馨提示大家: Honey app係可以話完全無用，功能同網頁版差好遠。
如果你有任何問題想問吓港究專員，歡迎你喺唔同嘅渠道搵我哋架！Telegram 討論區入面會有港究專員分享更加多要注意嘅點，包括更多抵買嘅舖頭同其他優惠著數分享！正所謂贏在起跑線，第一時間收到著數情報先可以快人一步，理想達到！
歡迎入嚟港究Telegram討論區，一齊慳，一齊脫離買同一件貨但係畀貴啲嘅一群。
呢個慳錢神器有好多唔同嘅功能，而最方便嘅兩個包括自動搵優惠券同Price Tracker嘅功能。港究專員跟住落嚟會示範晒兩個功能畀大家參考返。
首先自動搵優惠券嘅功能會以喺 Saks Off 5th作為示範，佢係一間賣唔同designer brand嘅美國公司，如果你未聽過嘅話，我會比喻佢係尖沙咀海港城嘅 Lane Crawford 。
想慳到盡，就梗係要用埋回贈網站啦！咁啱 Rebatesme 有做 8% 現金回贈，就正好幫自己再做個 92 折，脫離買同一件貨但係畀貴啲嘅一群。
提提大家：Coupon 係可以同回贈網站嘅 Cash Back 一齊用架！
大家唔好錯過一個咁筍嘅優惠。想慳到盡，就梗係要用埋回贈網站啦！
最重要嘅步驟：喺我哋放晒所有想買嘅嘢落購物車之後，就會去到埋單嘅頁面。
就要留意之前講過右上角嘅 h 字瀏覽器插件有無開到，一定要開咗先會見到同港究專員一樣，彈出一個顯示有優惠券可用嘅畫面。
最底就有計晒所有折扣後嘅價錢。就可以畀錢、安排送貨等等嘅程序。
要留意返：如果你用 Rebatesme 等等嘅回贈網站係唔會喺呢到顯示回贈架！
不過港究專員都係建議大家用返之前介紹過嘅 camelcamelcamel 或者 keepa 去搵 Amazon 嘅最低價格，佢地兩個係最貼近現價同埋最專注。如果唔想開咁多個賬戶都可以繼續使用今次所介紹嘅慳錢神器，都係會大概有5分鐘嘅延遲，未必有好大嘅分別。
如果你仲未知咩係 camelcamelcamel，你可以參考吓
希望大家都可以同港究專員一樣搵到啱自己心水又啱價錢嘅禮物啦！
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
如果想分享 / 更快收到各種優惠著數，歡迎加入我哋港究Telegram討論區。最新消息，我哋最近仲新增咗多個Kong’s Cult 最新文章Telegram Channel，只要Join Channel，每逢有新文章出爐就會同步收到，勁方便！！依家我哋仲登陸埋MeWe平台，唔好漏咗Follow Kong’s Cult嘅MeWe、Facebook同Instagram專頁啊！你哋嘅支持同意見絕對係我哋港究專員繼續發掘著數嘅動力，下次見！
