Gmarket 係咩嚟？應該喺武漢肺炎由大陸正式傳入香港之前會聽過，除咗經常海鮮價嘅日本亞馬遜，另外一個搶口罩嘅途徑就係嚟自韓國嘅Gmarket，不過喺韓國政府立法禁止口罩出口同埋香港無做嘅封關之後就已經無咗呢隻歌仔唱喇！講返正題先，佢其實就係韓國嘅EBay 公司整出嚟嘅購物平台。亦都係韓國最大嘅綜合購物網站，喺韓國網上零售市場中嘅商品銷售總值方面排名第一，佢只係做一個平台嘅角色，幫唔同嘅商家搵唔同買家，網站當中有唔少韓國當地好大型嘅商戶，現代百貨、Yes24、樂天等等，絕對信得過！
以下落嚟港究專員會好詳細咁教大家關於Gmarket 要注意嘅所有嘢，仲會重點教大家一個獨家嘅慳錢絕招，教你慳盡每一分每一毫。
想知更多網購優惠，歡迎撳入去我哋嘅網購專頁望下！
如果你想知多啲關於唔同嘅網購平台，可以參考吓：
Gmarket 運費點樣計？
Gmarket 係唔會唔洗畀運費，佢有份國內配送費 (韓國國內運送)同埋海外配送費 (EMS / SF 收)。有大半嘅貨品係免國內配送費，當然要視乎你嘅貨品所屬商鋪要求。而海外配送費方面，會按你買嘅重量同埋你所選擇嘅速遞去睇個運費。有時候會有一啲運費優惠，但係咁耐都係最低試過￦10 (HKD0.07)，所以如果你見到有人同你講用Gmarket 係唔洗畀運費運返嚟香港，咁一定係呃你架！
Gmarket 係點玩最抵？
當然係玩優惠券同各項貨品仲有Rebatesme嘅組合！尤其是係你拎到開戶獎賞之後，會有一個新手獎勵，再配合埋港究專員教大家嘅組合同方法，如果想知多啲同埋睇有咩優惠券嘅話就記得留意返港究嘅文章喇！
Gmarket 對新手最難或者最易中伏係咩？
其實Gmarket 會係一個幾易玩嘅網購平台，新手可以放心。如果再加上文章入面嘅介紹，包括點睇用唔用得優惠券同點買先最平就唔會中伏。
喺Gmarket 有啲咩需要注意呢？港究專員幫你解答晒所有隱藏問題
Rebatesme 回贈
個個都買同一樣嘢，唔通每個人都要畀同一樣嘅價錢落同一件貨度？點解港究專員咩Gmarket嘅嘢都唔講，要講呢樣嘢先？
因為真係好重要！！！一蚊一蚊就係你做多一個步驟就可以慳返，完全無難度！
用回贈網站就可以慳返啲！想知點用可以參考吓：
貨物
主頁用關鍵字搵咗大概嘅貨物同埋撳咗入去之後都有好多嘢要留意：
- 貨名
- 價錢
- 會唔會有國際運送
- 運費 (記得要睇晒韓國同埋國際運費)
- 預計每件重量
- 預計幾時會出貨
- 可唔可以用優惠券
以呢個蒜蓉包為例，
- 貨名：牌子同種類都係港究專員食開嗰種
- 價錢
- 會唔會有國際運送：Ship to Hong Kong is available–> 即係可以喺屋企收到
- 運費 (記得要睇晒韓國同埋國際運費)：韓國國內運費 ￦3,000 同埋國際運費，至於點運最抵下一部份就會全部話晒畀大家知
- 預計每件重量：0.7kg
- 預計幾時會出貨：九月四日
- 可唔可以用優惠券：張最底嘅coupon係綠色就用得
Gmarket 最新優惠
優惠券類
Mastercard 信用卡最新優惠
Mastercard 最新推出嘅優惠：買滿￦100,000 用 ￦ 結算 嘅話就可以 減￦10,000
留意返：唔係張張信用卡都可以有依個優惠架！
港究專員實試已知可以用到呢個優惠嘅 Mastercard：
- HSBC Red
- 永亨 World Master
- 中銀 World Master
港究專員實試已知唔可以用到呢個優惠嘅 Mastercard：
- 渣打白金 Master
如果你又想要一張mastercard或者想用一張唔使好多個人資料同極低門檻嘅信用卡可以點做？
可以睇下港究專員其中一個推介：
如果想慳多啲，用埋HSBC Red 咭仲可以有4%網上簽賬回贈，詳情可以去下邊連結睇吓我哋嘅介紹！
如果想快啲收到港究嘅著數介紹就記得訂閱港究 telegram channel，有啲嘢係手快有，手慢無架！
已過期嘅優惠
(已到期)香港、澳門發行嘅 Mastercard 做嘅75折優惠
(去到2021年4月15日)
(已到期)
用銀聯卡畀錢即刻有9折！買滿￦20000再用銀聯卡畀錢就可以有折，上限最多減￦5000，先到先得！完全唔使優惠券！仲唔快啲去落單掃貨？
註：經過港究專員實測之後發現係要用雲閃付先有呢個優惠架！
(去到2020年12月31日)
(已到期)
Mastercard 最新推出嘅優惠：買滿￦100,000 用 ￦ 結算 嘅話就可以 減￦10,000
(延長咗去到2021年9月30日)
(去到2021年6月30日)
—————————————————————————————————–
每季嘅 Mega G 減價又喺2020年9月14日嘅 KST 1000 (即係 HKT 0900) 到2020年9月27日嘅2359 KST (即係 HKT 2259) 舉行，今次會有4張唔同嘅優惠券，記得睇埋下面講嘅分開項目落單，好好善用優惠券，慳盡每一蚊！
去到11月29號！！
聖誕節又到喇！當然又會有聖誕節專屬嘅 coupon 啦！
(去到2020年12月20日)
(已到期)
2020年就快完當然有清貨！當然又會有專屬嘅 coupon 啦！
(去到2020年12月31日)
(已過期)新一年有新嘅優惠！
最多8折！不過要注意只限國際訂購。
(去到2021年1月24日)
Mega G Sale 第一個禮拜嘅優惠券
(去到2021年1月31日)
(已過期)
(已到期) 韓國政府轄下嘅 KOTRA 同 Gmarket 一齊推出嘅優惠
(去到2021年11月15日)
又有一次 Mega G Sale！
最多85折！不過要注意只限國際訂購。
(去到2021年2月7日)
Mega G Sale 第二個禮拜嘅優惠券
(去到2021年2月7日)
完咗兩個禮拜嘅 Mega G Sale 當然會有新嘅 After Mega G 優惠券
(優惠去到2021年2月21日)
(已到期)每季嘅 Mega G 減價又嚟喇，今次會有4+1張唔同嘅優惠券，去到2021年4月11日！記得睇埋下面講嘅分開項目落單，好好善用優惠券，慳盡每一蚊！
為咗之後嘅 Mega G 優惠，依家會有一個早鳥優惠可以令你拎到一個更抵嘅優惠券！今次係一張買滿 ￦70,000 減￦15,000 。記得係要 Mega G 開始之前拎先有得喺嗰陣用架！
(已過期)
Mega G Sale 頭三日嘅優惠券
(去到2021年5月12日)
(已過期)
Mega G Sale 第二組嘅優惠券
(去到2021年5月15日)
(已過期)
為咗之後嘅 Mega G 優惠，依家會有一個早鳥優惠可以令你拎到一個更抵嘅優惠券！今次係一張買滿 ￦70,000 減￦15,000 。記得係要 Mega G開始之前 (今次嚟講即係2021年10月31日) 拎先有得喺嗰陣用架！
(已到期)
(已到期)每季嘅 Mega G 減價又嚟喇，今次會有3+1張唔同嘅優惠券，去到2021年11月12日！記得睇埋下面講嘅分開項目落單，好好善用優惠券，慳盡每一蚊！
(已過期)
每季嘅 Mega G 減價又嚟喇，今次會有3+1張唔同嘅優惠券，去到2022年1月25日！記得睇埋下面講嘅分開項目落單，好好善用優惠券，慳盡每一蚊！
慳錢絕招 1 —–利用分開項目落單
其中一個例子：同一款、同一顏色、同一價錢，但係可以分開3個項目嚟買架！
以呢支洗頭水同護髮精華套裝為例，一套係 ￦19,710，如果想買5套分畀親朋好友，就可以配合2020年9月8日嘅優惠適當咁分配用優惠券，分別係一張滿 ￦10,000 就有 7折 (最多可以減 ￦15,000)，同埋一張滿 ￦20,000 就有 5折 (最多可以減 ￦30,000)。要留意返：唔同時間會有唔同嘅優惠券，所以會有唔同嘅折扣，今次呢個優惠只適用於韓國中小風險企業部同 Gmarket 一齊推出嘅優惠 (於2020年9月13日完結)。
用5折優惠券嘅項目所分配嘅套裝數 | 用7折優惠券嘅項目所分配嘅套裝數 | 總數 (￦) | |
第1個配搭 | 3 | 2 | 57,710 |
第2個配搭 | 4 | 1 | 63,530 |
第3個配搭 | 5 | 0 | 69,500 |
經過港究專員嘅計算之後，上面都已經列咗一個表出嚟。發現買5套嘅話係拆開3套同2套會係照計喺同一張單入面，所以你嘅運費係唔會有影響。最終5套你只係需要畀 ￦57,710 嚟買，如果你5套同一個order買，就算你照用一張5折優惠券，你都係要畀 ￦69,500 嚟買5套，相差都有差唔多 HKD90，所以你要慳錢嘅話就記得用我哋港究專員教大家嘅呢招分拆，喺 Gmarket 買嘢嘅話，呢招真係好重要。
如果你有啲唔明想港究專員幫吓手睇吓，歡迎你加入我哋嘅 Telegram 群組 或者喺下面留言問吓港究專員㗎！
Gmarket 點寄返香港？
Gmarket會由貨品嘅供應商運送去Gmarket自己位於仁川嘅中央物流倉，之後會好似集運咁，會幫你由幾個細箱包裝為一個大箱再幫你寄返嚟香港。
而去到仁川嘅中央物流倉就有兩個方法運返嚟香港，分別係順豐同埋EMS。相信大家都好熟悉呢兩間嘅分別，簡單嚟講就係EMS會比順豐快不過會較貴。不過武漢肺炎之後，全世界嘅空運秩序被打亂晒，港究專員試過上Gmarket上面買嘢，然後分單做兩張一模一樣嘅單，個結果係EMS 會比順豐快兩個鐘到港究專員嘅屋企。咁當然可能港究專員呢一次嘅經歷未必可以作準，但係正如上面講到空運受到好大程度嘅影響，EMS 仲值唔值得畀貴咁多就可以自己決定。
所有運費資料都以 Gmarket 官方網站運費 作準。
當你睇完港究專員幫你做嘅比較之後，都會得出兩個結論：
- 用EMS 點都會貴過用順豐
- EMS 係重量愈重，平均每公斤運費愈平
- 順豐最平係運9.5kg
無論你用邊間公司，港究專員都有幾個貼士畀大家。
- 適當咁拆單同分賬戶
- 有機會要後補運費或者退運費落Smile Cash
- 可以禮拜頭留意吓嗰陣會唔會有運費優惠
(2020年7月中曾經做過頭3kg 運返香港嘅運費都係收￦10，即係大概HKD0.07)
Gmarket 最新運費優惠
空運優惠
船運優惠
不過要留意船運會無空運咁快，再加上依家嘅海路運輸有一個大延誤，所以大家記得做好心理準備先好用船運嘅優惠。
已過期運費優惠
由2020年9月14日嘅 KST 1000 (即係 HKT 0900) 到2020年9月27日嘅2359 KST (即係 HKT 2259) 會有一個運費嘅優惠，平時就咁0.5kg 都要￦8000幾，今次仲有個額外運費折扣去到￦3280添！
(已過期)
2020年7月中曾經做過頭3kg 運返香港嘅運費都係收￦10，即係大概HKD0.07 (已過期)
最新運費優惠去到11月29號，最低兩折！！(已過期)
運費優惠去到11月12號，最低一三折！！(已過期)
(已到期)
最新運費優惠去到12月31號，最低兩折！！
又有最新嘅優惠！如果喺澳門嘅大家就有一個接近0嘅運費！淨係畀￦10就得！即係大概HKD0.07！
不過如果你係喺香港嘅話，都有一個唔錯嘅優惠，大概每公斤￦2000 (大概HKD14)。
又有最新嘅優惠！
寄返嚟香港嘅話，都有一個唔錯嘅優惠，大概每公斤￦2500- ￦3000 (大概HKD17.5-21)。(已過期)
Mega G Sale 所帶嚟嘅運費優惠
(去到2021年5月18日)
(已過期)
(已到期)
Mega G 船運優惠
所有運費資料都以 Gmarket 官方網站運費 作準。
除咗直接送到你香港嘅屋企或者順豐站，你仲可以透過集運將你買嘅嘢運返嚟香港。以下抽咗兩間集運公司做入韓國地址嘅示範，分別係最多香港人用嘅 Buyandship (左邊)，另外一間係少啲人用嘅 4px (右邊) (即係大陸嘅遞四方，佢哋係同一間公司)
*另外4px由2020年7月3日因為武漢肺炎令到全球空運減少而暫停韓國到香港嘅路線直至另行通知
Buyandship
要注意嘅係入 Enter your remained address 嗰度：1035 之後要入返自己嘅會員號碼
詳細可以登入返 Buyandship 自己嘅account睇
4px遞四方
要注意嘅係入 Enter your remained address 嗰度：Warehouse 之後要入返自己嘅會員號碼
詳細可以登入返去自己嘅 4px 賬戶睇
會籍
Gmarket 就係行會員制，即係你一定要係會員先可以喺 Gmarket 入面購物。咁做會員其實都唔係好難，只要你有一個email 就可以開到一個會員賬戶，唔會好似其他韓國嘅購物網站咁要用韓國國內嘅手提電話號碼做身份認證。
而Gmarket 嘅會員制係3級制嘅，最初級嘅係 Family，中間等級嘅 VIP，同埋最高級嘅 SVIP。你可能會有個疑問覺得唔同級數對用家有咩好處，咁正如上面嘅圖片咁寫，唔同等級嘅用戶每個月係會有唔同嘅優惠券。例如港究專員依家係 VIP 所以就會有 ￦1000折扣 同埋九折各一張嘅優惠券。
至於點先可以晉升去高一個階級呢？
上面呢幅圖就好清楚，時期全部都計過去嘅12個月，如果有4個或者低於4個 Purchase 就會係 Family 等級，5個至79個就會係 VIP，而超過80就係 SVIP。
咁呢個Purchase或者購物係點計呢？
依個就係取巧 嘅地方，佢唔係計一張單當一個 Purchase，亦都唔係計你買咗幾多件貨物項目，以下有一個組合，可以畀大家估吓呢度計幾多個 Purchase，答案下面會話畀大家知。
答案係 3個 Purchase，佢係計項目而唔係計數量，呢一個概念好重要，所以要講3次，今次係第2次。
咁所以只要夠5次Purchase就可以有多一張九折嘅優惠券，如此類推。
Smile Cash
Smile Cash 呢樣嘢我諗大家都未必有經驗用過，所以就講一講佢嘅用法。其實錢就好易用架姐，最難係搵錢。喺 Smile Cash 嘅情況都一樣，港究專員買咗幾年都係得一次試過好似上面張圖咁退過運費。所有退錢都係會退去 Smile Cash，所以大家會見到有 ￦7150 喺港究專員嘅 Smile Cash 戶口。
至於點用呢個 Smile Cash 就好容易，喺入完送貨地址，但係未入信用卡號碼之前 (即係上面呢一幅圖)，中間有個 Gmarket Extra Discount 會見到 Smile Cash 仲有幾多，入咗今次想用幾多就撳 apply ，之後就會見到上面嘅畫面，右手面會有一個 Smile Cash 減咗你要實畀嘅錢，最後用信用卡或者PayPal 找埋淨低嘅數就可以架喇！
港究專員實試教學
經過上面咁多步嘅選購、付款之後，如果你想檢查吓你件貨去到邊？
首先你畀完錢之後會見到 Prepare for Shipment。依個狀態即係你件貨仲係喺商鋪度，準備寄去 Gmarket 嘅倉度。你見到依個 status ，你可以做嘅都係得一個字 —- 等。
如果你嘅貨品屬於預售貨品，你嘅貨就算去到官方話會寄出嘅日期都未必會當日開始寄出，通常Gmarket 都會比其他遲少少。
如果你想睇你訂嘅嘢嘅詳情嘅話，你可以睇吓 Order Details。入到去你可以知你買嘅貨品同埋其他貨運上嘅資料。喺未去到 Gmarket 嘅倉庫嘅時候，你係唔會知道你需唔需要額外畀多啲運費。因為你之前埋單嗰陣嘅重量只係一個預計嘅重量，係由商戶估計貨品嘅重量而列出嘅數，未必一定準確。
當你件貨嘅 status 由 Prepare for Shipment去到 shipping soon，即係你嘅貨品已經全部到達 Gmarket 嘅貨倉，而且可以準備寄去香港或者你所選擇嘅韓國之外嘅地方。
當你件貨嘅 status 由 Prepare for Shipment 去到 Shipped，即係話你嘅貨品已經由 倉庫運出，會由你選擇嘅運輸公司接手，今次港究專員揀咗順豐，佢係會比EMS 平，不過運輸上嘅體驗有機會會稍遜。
喺shipped 下面會有一個tracking嘅字樣，而你就可以入去之後搵返追蹤編號。如果係使用順豐嘅話就會見到一個 sf 開頭嘅一組數字，其實就係同喺其他網站或者寄件嘅情況一樣，你收到嗰個號碼可以追蹤你嘅貨品，知道佢去到邊或者邊一位送貨員等等嘅資料。
希望大家都可以喺Gmarket搵到適合自己嘅眼光、預算嘅用品啦！下次港究專員會分享更多關於唔同好使好抵好用嘅網購平台同貨品，唔好錯過Kong’s Cult嘅最新分享啦！
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
如果想分享 / 更快收到各種優惠著數，歡迎加入我哋港究Telegram討論區。最新消息，我哋最近仲新增咗多個 Kong’s Cult 最新文章Telegram Channel，只要Join Channel，每逢有新文章出爐就會同步收到，勁方便！！唔好漏咗Follow Kong’s Cult 嘅Facebook同Instagram專頁啊！你哋嘅支持同意見絕對係我哋港究專員繼續發掘著數嘅動力，下次見！
