早前大眾書局宣佈全線結業，本港大型連鎖書店就只剩下商務印書館、三聯書店、中華書局同埋台灣誠品書店。
唔知各位書迷會唔會覺得買書少咗選擇呢？港究專員自己就比以前多咗上網訂書，所以今次想同大家分享吓網上買書嘅心得。
一直以嚟喺香港買外語書都比較貴，部分非熱門英文書甚至喺香港搵唔到，好多時港究專員就會喺Amazon、Book Depository呢類平台搵，免除人工、租金等成本，網站定價自然比較低。而想買繁體字書，就去台灣嘅博客來、金石堂搵。
依家除咗可以網上訂實體書之外，越嚟越多人選擇購買電子書，就咁拎部手機出嚟已經睇到，充分利用上班、上學嘅交通時間閱讀。另外，Audiobook (有聲書) 嘅出現，令到讀者可以聽Narrator演繹內容，順便畀對眼休息，唔使望住本書或者手機螢幕，咁就可以同時做家務或者其他事，更加無藉口唔睇書喇！
想直接睇網上訂書平台介紹？撳下面嘅捷徑直接去喇！
網上購買實體書
買書大部分都有兩種選擇，Hardback (精裝版) 同 Paperback (平裝版)。兩者雖然內容一樣，但印刷、紙張的品質甚至字體大小都會唔同。Hardback包裝精美，通常都有硬封面，內頁字體較大、行距較寬，容易閱讀。而Paperback雖然字體較小、行距比較窄，但係會更加平，重量亦比較輕，方便出外閱讀。國外新書通常會先出 Hardback，大概過半年至一年後先會出版Paperback。
想買外語書，最多人使用嘅應該係Amazon同Book Depository呢兩個平台；想買台灣繁體字書，比較多人使用嘅就係台灣博客來、金石堂呢兩個平台。
AMAZON
Amazon 喺全球數一數二嘅跨國電子商務企業，本身有唔同國家嘅網頁，例如Amazon US 、Amazon UK 、Amazon Canada等等。唔同國家直送到香港嘅運費都唔同，一般貨品加入購物車之前已經可以見到預計運費。
有時直送運費比書本身仲要貴，或者賣家唔接受送香港，就要考慮用轉運平台喇！
首先Amazon入面選擇送到當地集運倉，再集運到香港。例如一般比較多人用嘅集運平台Buyandship，美國轉運費最平係每磅HKD22。
例子入面美國直送到香港嘅運費大概喺書本身嘅2倍之多！唔急住睇嘅話，都係用轉運最划算！
BOOK DEPOSITORY
Book Depository係一間英國網絡書店，呢個網最大特點就係全球免運費，而且無購物金額限制，只買一本都可以唔使運費送到香港。
但因為呢個平台買書係用平郵寄出，由英國寄到香港最快大概兩個星期左右先收到。
【突發！】由今日去到2021年1月17日，香港嘅朋友喺Books Depository買書時入埋 coupon code「hk10」 code 嘅話仲有9折!
分享多個方法畀大家，如果你透過rebatesme呢個回贈網站去Book Depository買書，仲有最多5% Cashback，要記得先清空咗Book Depository嘅購物車，再用Rebatesme嘅link入Book Depository買書先可以得到Cashback嫁！詳細可參考返Rebatesme當時嘅條款。
Rebatesme本身係個好多人用嘅回贈網站，除咗Book Depository之外，透過Rebatesme喺Adidas、Nike、Sephora、Lookfantastic等網站購物買嘢都有唔同程度嘅Cashback，想知道點用Rebatesme慳錢就唔好錯過我地Rebatesme教學喇！
博客來
博客來係一間台灣網絡書店，所以台灣出版嘅繁體書大部分都可以搵到。因為呢個平台買書可以用順豐寄出，所以可以選擇順豐站、智能櫃、7-11便利店等自提方法，而且順豐亦設有追蹤服務。
但博客來直送香港，每筆訂單限購最多8本書，運費由NTD210至 NTD470不等
(即大約HKD56起)。
所以亦有部分香港讀者會選擇經台灣的集運平台轉運到香港。
金石堂
金石堂同樣係一間台灣網絡書店，所以台灣出版嘅繁體書大部分都可以搵到。直送至香港運費由NTD331起。
另外，金石堂同香港OK便利店合作，有庫存嘅書最快只需4日就可以喺OK便利店攞書。運費由NTD210 起 (即大約HKD56起)。但由於便利店限制，每張訂單限制在 NTD3,000內。
網上購買電子書
如果你唔一定要拎住實體書閱讀嘅話，可以考慮網上購買電子書。一般平板電腦或者手機已經可以下載嚟睇。
轉用電子書環保之餘，又可以節省收納空間，而且因為平板電腦或者手機方便携帶，你仲可以充分利用上班、上學嘅交通時間閱讀。
KINDLE
Kindle 係 Amazon 旗下電子書閱讀器，支援 IOS、Android、Mac同埋PC。除咗外語書，Kindle亦設有繁體中文電子書店，目前大約有40,000本繁體中文書。
讀者可以直接購買單本書，或者參加月費計劃，無限任睇指定書籍。
依家經我地港究申請Kindle Unlimited，即送你30日免費試用。之後每月只需付USD9.99就可以繼續無限任睇。
如果覺得手機屏幕太細，睇書唔方便嘅話，可以考慮購買Kindle閱讀器。Kindle有唔同型號，有入門版 Kindle、Kindle Paperwhite、Kindle Oasis呢幾個系列採用 E Ink 電子紙顯示技術，能喺最少電源消耗嘅情況下提供類似紙張嘅閱讀體驗。
另一方面，亦有Kindle Fire系列，採用一般平板電腦常用嘅IPS 屏幕，搭配Fire OS系統，可配合 Amazon其他產品使用，例如Prime Music、Prime Video等等。相比 iPad或其他平板電腦更平！
網上購買AUDIOBOOK有聲書
有聲書一般由出版社制作，或由志願者演譯。一般可分為unabridged (未刪減版) 同 abridged (刪減版)。Unabridged版本完整包含整本書的內容。
部分電子書平台同時亦有提供有聲書。
Audible
【2020年11月6日更新】Audible依家有兩種收費，分別係Audible Plus同埋Audio Premium Plus。
Audible Plus每月收費USD7.95 (約HKD63)，而Audible Premium Plus每月收費USD14.95 (約HKD118)，一次過畀足全年費用更只係要USD149.5 (約HKD1180)。兩者都可以任聽Audible Plus目錄入面嘅Audiobooks、Podcasts，Audible Premium Plus嘅會員每月會有多1點數，用嚟兌換1本Premium精選項目。購買額外Premium精選項目更有7折，有時仲會有獨家折扣嫁！
依家經我哋港究申請Amazon Audible Premium Plus Free Trial Membership，即送你2點數，即係換到2本Premium精選Audiobook。
計劃 | Audible Plus | Audible Premium Plus |
費用 | USD 7.95 /月 | USD 14.95/月 |
Audible Plus目錄 | ✓ | ✓ |
點數換Premium精選項目 1點=1本書 | ✘ | ✓ |
- 獨家折扣 | ✘ | ✓ |
立即試用 |
AUDIBLE 簡易使用教學
Step 1:
先試聽，部分熱門書籍可能有多個 Narrator可供選擇。
Step 2:
選擇用Audible Credit或付款購買。例子中直接購買需要USD20.76而每月嘅1 Credit只需USD14.95。所以呢個情況用Credit就更抵喇！
SCRIBD
Scribd 會員採訂閱制，每月只需付USD8.99就可以無限閱聽所有線上藏書。除咗有聲書之外，Scribd 亦有電子書、雜誌、讀書摘要等等。其中《Time》、《Fortune》、《Bloomberg》等雜誌亦可以喺Scribd搵到。
相對其他Audiobook平台，Scribd 藏書量明顯較少。如果取消訂閱，已購買嘅Audiobook不能重溫。
Bill Gates 推薦書單 (2020年夏)
Microsoft 創辦人 Bill Gates 閱讀範圍非常廣泛， 他經常喺個人網站 Gates Notes分享推薦書單，鼓勵更多人接觸知識。 今年夏天，Bill Gates分享咗5本書，希望大家花更多時間在家閱讀，分散注意力。
為咗方便大家，只要你撳書嘅圖片，就會自動連去 Amazon 網站，無論你想買實體書、Kindle 電子書或者Audible有聲書，撳個制就得！
The Choice: Embrace the Possible
Dr. Edith Eva Eger
作者 Edith 16歲時與家人被送往奥斯威辛集中營，當營區終於被解放時，Edith在一堆屍體中被找到，奇蹟生還，之後輾轉成為美國一位心理學家，透過自身經歷幫助有心理創傷的患者。
這本書一部分是回憶錄，一部分是面對創傷的指南。
書中提到「苦難沒有分等級」，如果人們正在為某事而苦苦掙扎，即使那經歷與在集中營的人或遭受嚴重疾病折磨的人相比是微不足道，那也是真實的痛苦。因此勉勵大家正視於危機中的心理狀態。
Each moment is a choice. No matter how frustrating or boring or constraining or painful or oppressive our experience, we can always choose how we respond.
Cloud Atlas
David Mitchell
這本書涉及6個相距數百年的故事，從19世紀中期太平洋上的一艘帆船，到24世紀的未來世界，彼此相距遙遠卻又互相關聯。
這本書是關於道德抉擇的故事，探究人性的良善與卑劣，探討了人可以何等自我中心及邪惡，也展露了人願意互相扶持的另一面。
The Ride of a Lifetime: Lessons Learned from 15 Years as CEO of the Walt Disney Company
Robert Iger
這本書是即將卸任 Walt Disney CEO 的 Robert Iger 的經歷分享。
他於2005年接任迪士尼執行長職位，上任之前迪士尼票房一直令人失望。十五年間，他一步步收購最成功的動畫公司 Pixar、Lucasfilm、Marvel、21st Century Fox 等製作公司，強化迪士尼的競爭優勢，彌補短處。迪士尼資產達 Robert Iger 接手前五倍之多。
The Great Influenza: The Story of the Deadliest Pandemic in History
John M. Barry
這本書講述了1918年一戰期間爆發西班牙流感的故事，當時西班牙流感在全球蔓延，奪走上千萬條性命。那是人類史上首次傳染病大流行，當時並未成功研發出有效藥物。
雖然1918年與現在整體環境上截然不同，但仍十分適合作借鏡。
Good Economics for Hard Times
Abhijit V. Banerjee & Esther Duflo
這本書兩位作者是俗稱「諾貝爾經濟學獎」2019年得主（獎項實際名字為瑞典中央銀行紀念阿爾弗雷德·諾貝爾經濟學獎，並不屬於諾貝爾遺囑中所提到的5大獎項，但一般人視兩者地位相同）。
這本書着眼於美國等富裕國家的社會政治議題，包括移民、失業、成長、自由貿易、政治分裂、福利政策等等，兩位作者嘗試解釋那些潛藏於當下認知的錯誤經濟學預設，例如：
- 為什麼移民沒有遵循供給與需求的原則
- 為什麼自由貿易會造成失業率上升但薪資下降
- 為什麼宏觀經濟學傾向曲解數據來符合經濟學模型
- 為什麼沒有人能夠真正解釋成長究竟如何與在什麼時後發生
- 為什麼經濟學家預設人們不會改變他們的決定，這個假設讓世界的分化更嚴重
議題同日常生活息息相關，即使沒有經濟學知識都可以輕鬆閱讀。
空餘時間可以用Audible聽書當娛樂之外，仲可以利用佢改善英文水平。
正所謂「工欲善其事，必先利其器」，想更好咁睇電子書，梗係要配搭一部好用、護眼嘅閱讀器！即刻去睇下我地推薦嘅幾部最多人用嘅閱讀器。
無書展照睇書！購買Ebook reader 電子書閱讀器你要知 － Kindle，Clara HD，Poke 2性價大比拼！
喺Amazon買開實體書、電子書、Audiobook嘅時候，可以順便睇埋Amazon其他商品。
【防疫消遣推介】用Fire TV Stick 喺電視睇Youtube、Netflix、Amazon Prime Video等串流平台
想空餘時間增值自己，仲可以睇埋我地介紹嘅Coursera、edX、SkillShare、Udacity、Udemy平台。
想睇更多網購優惠？即刻去睇下更多網購資訊啦！
優惠受條款及細則約束。借定唔借？還得到先好借！
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
如果想分享 / 更快收到各種優惠著數，歡迎加入我哋港究Telegram討論區。最新消息，我哋最近仲新增咗多個Kong’s Cult 最新文章Telegram Channel，只要Join Channel，每逢有新文章出爐就會同步收到，勁方便！！仲有唔好漏左Follow Kong’s Cult嘅Facebook專頁同埋Instagram啊，你哋嘅支持同意見絕對係我哋港究專員繼續發掘著數嘅動力，下次見！
