如果有由一開始睇我哋港究嘅文章嘅話，首先好多謝你一直以來嘅支持，咁樣應該會知道港究其中一樣推廣嘅就係用盡回贈網站嚟幫自己慳多啲。係唔洗做多好多嘢，就可以比無用回贈網站嘅人用少好多錢去買同一件物件。經過咁多個回贈網站嘅介紹之後，仲有邊個係抵用？今次就係介紹有 Best Cashback Guarantee 嘅 Befrugal。
另外一樣就係關於加密貨幣，如果想知道多啲入門嘅話，歡迎可以睇吓：
見到佢地個 Logo 都知，可以好似自己細細個嘅豬仔錢罌一樣，用唔同嘅方法，逐少逐少咁儲落嚟，去到大個開返錢罌嗰陣，就會好多謝自己有一個儲蓄嘅習慣。而今次呢個網站就有全方位網上購物嘅慳錢大法，包括有優惠券、回贈、減價提示同埋其他突發嘅優惠。
今次港究專員特別推介用 BeFrugal 嚟買 Ivacy VPN。因為佢比我哋之前介紹嗰陣仲回贈得更加多，由30%去到依家嘅43%！
想知多啲咩係Ivacy ，可以參考吓：【VPN介紹】Ivacy VPN，非中資但內地工幹必備嘅VPN
注意：如果你同港究專員一樣係用緊 Brave Browser 或者用緊其他 Ad Block 插件嘅話就會見到呢個提示。正如喺其他嘅回贈網站介紹都講過，係需要熄咗呢個可以截取第三方 Cookies 嘅功能先至可以有有效嘅回贈方案。
佢同其他回贈網站一樣，會有每日精選，係會有特別高嘅回贈比率架！曾經試過有125%添！即係話個網站仲會貼錢畀你買佢嘅商品！當然呢個優惠係有限定數量同時間，如果你想更快知呢類優惠或者想同港究專員一齊討論吓關於加密貨幣或者網購嘅其他攻略，歡迎一齊加入港究 Telegram 討論區一齊分享同討論！
每日精選貨品
港究專員通常隔日都會嚟望吓有無啲啱用又抵買嘅物品，例如之前就見到有行山用嘅水袋做緊兩折。有唔同需要嘅話都可以定時上去睇吓！不過電器類就儘量唔好喺網上買，因為會有電壓或者唔同插頭嘅問題。
BeFrugal 要點 Cash Out？
至於點 Cash Out ，當然會有 Paypal 直接收美金，另外仲會有 Amazon Gift Card。可以留意返，佢畀出嚟嘅係電子版而唔係實體卡版，所以唔喺美國嘅大家都可以輕鬆拎返你應得嘅回贈。地區性嚟講，絕大部份嘅方法正如你睇圖可以見到，如果你唔係喺美國嘅話，淨係得 Paypal、Amazon Gift Card 同 VISA Prepaid Card 可以拎到你嘅回贈。
港究專員就比較推介 PayPal 同 Amazon Gift Card，因為會比 Prepaid Card 易控制好多。
優點 | 缺點 | |
Rebatesme | 1. 有香港商戶 | 首次註冊回贈較少 |
Rakuten | 1. 首次註冊回贈高 | 計劃經常有變動 |
Topcashback | 主要係英國商戶 | 無首次註冊回贈計劃 |
Quidco | 1. 英國商戶最多 2. £5首次登記回贈 | 較少商戶選擇 |
BeFrugal | 1. 有 Best Cashback Guarantee | 較少商戶選擇 |
Maxrebates | 1. 年輕 2. 高回贈比率 | 美國、加拿大境外用家只可以用 PayPal 拎返回贈 |
用邊個回贈網站最主要係睇邊個網站回贈得最多，或者邊個網站可以令你嘅得益最大，有時你經常用同一個網站係可以令你更容易去到一個最低 Cash Out 嘅金額。希望上面嘅介紹同比較可以幫到你慳更多啦！有咩問題都可以從唔同嘅平台搵港究專員架！
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
如果想分享 / 更快收到各種優惠著數，歡迎加入我哋港究Telegram討論區。最新消息，我哋最近仲新增咗多個Kong’s Cult 最新文章Telegram Channel，只要Join Channel，每逢有新文章出爐就會同步收到，勁方便！！依家我哋仲登陸埋MeWe平台，唔好漏咗Follow Kong’s Cult嘅MeWe、Facebook同Instagram專頁啊！你哋嘅支持同意見絕對係我哋港究專員繼續發掘著數嘅動力，下次見！
