有無試過見到心水包包、新款波鞋或家電時，價錢啱心水但又唔捨得一炮過畀錢，猶疑之際心儀好物已經一瞬即逝？最新港究專員發現一個由新加坡初創公司推出嘅「Atome」app，有別一般銀行或信用卡收取服務費嘅「免息分期」計劃，Atome係一個完全零利息、無隱藏費用嘅付款應用程式，簡單步驟就可以將心儀好物嘅價錢「一分為三」，攤分60日免息分期繳付。依家Atome仲有好多優惠券大放送，集齊生活、家電等優惠，分期之餘仲可以優惠價買心頭好，即睇以下介紹同埋開app教學啦！
Atome係乜嚟㗎？
Atome係一個「先購物，後付款」嘅品牌。
Atome於2019年12月推出，發音為“ A-Toe-Me”，代表Available to me 「對我有用」嘅意思。Atome與2,000多家領導市場嘅網絡及實體零售商合作，種類涵蓋時裝、美容、生活風格、餐飲、健身同家居用品。服務覆蓋新加坡、馬來西亞、印尼、香港同大中華區。
香港商戶包括：Zalora、Pricerite實惠、友和YOHO、Zstore士多、6IXTY8IGHT、CityLink領域、 Suchprice優價網、MCM、SkinCeuticals、FX Creations、Casablanca等，仲有其他等你慢慢探索！
Atome係Advance Intelligence Group旗下子公司，並已獲C輪融資。集團總部位於新加坡，近期獲LinkedIn評為2020年新加坡最佳初創企業。
首先可以喺OS或Google Playstore下載Atome APP：
輸入完電話號碼做認證後，就可以撳「身份認證」輸入信用卡資料同埋個人資料開立賬戶，過程基本上唔洗兩分鐘，真心好快又易用。
如何使用Atome付款？
設置好賬戶付款方式同埋個人資料後，於實體商店掃描Atome QR Code，然後輸入返賬單金額，即可透過Atome付款，於網上商店則可以直接選擇Atome為付款方式。
好似以下例子咁，港究專員就係Pricerite用咗Atome嚟畀錢，當時做緊買滿HKD300減HKD100優惠 (依家呢個優惠已完結，轉為滿HKD400減HKD100)，呢張單就等於75折！ 另外，你可以喺個APP度見到付款會自動分3期 (一個月一期)，你可以等到期Atome扣款，或者你可以好似我咁提早完成付款都可以！可以透過App追蹤返付款情況同埋決定會唔會提早付款，呢樣功能真係十分彈性！咁就唔會擔心唔記得找卡數啦！
如何使用優惠券 / 優惠代碼？
掃描完Atome QR Code / 選擇咗Atome為付款方式後，點擊繼續付款，選擇「使用優惠」，就可以選擇使用優惠券 / 輸入優惠代碼。
優惠一覽：
依家Atome新用戶首次使用Atome應用程式付款，即可享95折優惠！
另外有好多優惠券可以用添，例如Pricerite嘅滿HKD400減HKD100優惠、友和嘅滿HKD1,000減HKD150優惠、Citylink嘅滿HKD1,000減HKD120同埋Pinkoi嘅滿HKD100減HKD20！
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
如果想分享 / 更快收到各種優惠著數，歡迎加入我哋港究Telegram討論區。最新消息，我哋最近仲新增咗多個Kong’s Cult 最新文章 Telegram Channel，只要Join Channel，每逢有新文章出爐就會同步收到，勁方便！！唔好漏咗Follow Kong’s Cult嘅Facebook同Instagram專頁啊！你哋嘅支持同意見絕對係我哋港究專員繼續發掘著數嘅動力，下次見！
