2020過咗一大半啦！相信好多人都已經習慣咗上網買嘢。上網買嘢唔洗同人逼，加上依家啲物流咁快，真係眨下眼件貨就送到門口！講到上網買嘢，又點可以錯過全球最大電商Amazon 一年一度嘅Prime Day 大減價！Amazon Prime Day 關你乜事？港究專員即刻同你睇清睇楚！
目錄：
Amazon Prime Day 簡介
由2014年起，Amazon每年都會為Amazon Prime 會員舉辦一次感謝活動，除咗Amazon自身電子產品會以低至接近半價嘅價錢售賣之外，其他喺Amazon售賣嘅牌子，包括Apple、Bose、Philips、ghd、Arc’Teryx、Levi’s等等港人熟悉嘅品牌都好大機會同時減價！唔係 Prime 會員嘅你唔洗按上一頁住，繼續睇落去有港究專員教你點樣免費體驗Amazon Prime Day之餘再輕鬆運返香港！
Prime Day時間、免費成為會員方法
今年嘅Prime Day由2020年10月13日下午3點開始到2020年10月15日下午2點59分結束，除咗美國Amazon 會推出優惠之外，其他地區嘅Amazon 同時都會有減價，對個別地區產品有興趣嘅你記得揀返啱地區啊！不過要留意嘅係，會員身份並唔係所有地區共用嘅，用US Amazon 會員去JP Amazon 買嘢係無特別優惠架。
雖然Amazon 嘅membership係收費嘅，但每位Amazon 基本用戶都享有一次30日免貴試用Amazon Prime 嘅機會，之後唔想用可以隨時取消！申請需時，想試吓Amazon Prime Day 嘅你仲唔快啲申請！
筍嘢介紹
上面都有提過，Amazon 品牌嘅電子產品係會減到接近半價。雖然折扣到呢刻仲未出晒，不過已經有唔少抵買產品！上年會做特價嘅今年都好大機會再嚟過！
除咗以下產品，Laptop都有機會做特價，我哋港究都有介紹幾款啱唔同用家嘅機型，詳細可以去睇吓【港究 Amazon Prime Day 2020 攻略】買電腦心大心細？又想一分錢十分貨？ – WFH 文書 / Gaming Laptop 最新介紹
物流操作
要運返嚟香港其實非常簡單﹐兩種方法：官方直運及集運。用戶只要喺US Amazon 買滿USD49即享免費送至香港。記得喺賬戶資料入面打清楚自己地址就OK。如果想修改地址，可以喺呢度修改：
雖然官方有直運至香港，但如果見到部份產品顯示未能直接運嚟香港嗰陣，就係集運出場嘅時候。關於集運操作，可以睇：
至抵付款方式
上網碌卡消費梗係要搵返張高回贈或者易儲里數嘅信用卡啦！目前嚟講，HSBC 嘅Visa Signature 最高可以做到5.6% 回贈，比起其他同級信用卡抵用好多！同樣係HSBC 嘅Red 卡一樣提供唔錯嘅4%回贈，申報門檻亦都唔高，有興趣可以去【2020網購必備】HSBC紅卡 港究帶你賺到盡！睇睇！學生一樣有卡可以用架！【學生信用卡系列】滙豐滙財金卡 港究Kong’s Cult 帶你睇真啲！
另外，Amazon 為左支持受新冠肺炎影響嘅小型電商，只要用戶喺指定商店消費滿USD10，Amazon 就會回贈返USD10畀你喺Prima Day 使用，回贈率係100% 啊！！
號外：Amazon Prime 另類玩法
做咗Prime 會員嘅你，又點會知得Prime Day 可以參加呢？Amazon Prime 會員仲可以用Fire TV Stick 喺電視睇Youtube、Netflix、Amazon Prime Video等串流平台，而Fire TV Stick 又好大機會Prime Day 會平，當優惠價咩都試下都好！
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！ 如果想分享 / 更快收到各種優惠著數，歡迎加入我哋港究Telegram討論區。仲有唔好漏咗Follow Kong’s Cult嘅Facebook專頁同Instagram專頁啊，你哋嘅支持同意見絕對係我哋港究專員繼續發掘著數嘅動力，下次見！
