你生活喺香港想買一件貨品有好多方法、好多途徑，依家愈嚟愈多人選擇上網購物，網上購物平台都有好多，點解要用 Amazon 嚟買嘢？以下落嚟港究專員會為你講吓一啲 Amazon 攻略包括有點解要用亞馬遜而唔用其他平台同埋佢嘅好處，當然內容唔只咁少啦！最後會話埋畀大家知有啲咩係抵買同埋最近有咩優惠，呢啲私心平時會收收埋埋嘅優惠當然唔會淨係留返畀自己用啦！
有聽過亞馬遜呢間公司嘅話都知道佢係一間來自美國嘅科技公司，有同時推出一啲人工智能相關嘅電器同埋電視盒，例如AI 嘅 Alexa ，電視盒嘅 Fire tv ，亞馬遜都係全球頭50 大嘅公司，完全唔洗驚佢會呃你，絕對信得過！
港究專員會喺我哋嘅 Telegram 討論區同大家直撃 Black Friday 同 Cyber Monday 有啲咩抵買，會同大家即時匯報，要加入我哋Telegram 討論區就包你冇走雞！
喺 Black Friday 同 Cyber Monday 之後都繼續會同大家每星期話畀大家知有咩荀貨！所以大家記得加入我哋嘅討論區一齊討論，著數齊齊搵！
唔知你有冇試過喺網上配眼鏡呢？依家疫情咁嚴重都未必想出街，想知點配嘅話可以參考吓 【SmartBuyGlasses眼鏡篇】PRADA HKD1,000 / 55折Acuvue系列！教埋你揀鏡架鏡片！
除咗Amazon 外，我哋港究仲有介紹其他抵用網購平台，好似全球最大天然商品購物網站iHerb，Keep住留意我哋嘅文章啦！
我哋仲有詳文評測各間熱門VPN，透過港究專員獨家教學可享全網最低折扣。有興趣可以去睇吓
Amazon 攻略
Table of Contents
價錢
要數買一樣嘢嘅其中一個要考慮嘅點就係價錢。由於香港地少人多，又多山，平地好少。再加上種種透過炒賣而提高嘅地價同埋政府嘅原因導致物業價格持續高企。自然做生意買賣商品嘅商家租鋪成本會一路上升，咁你梗係要轉嫁一啲租金成本畀消費者你先有機會有錢賺。用一個比喻會令大家更容易明：當你係個做生意嘅人，買咗一堆貨返嚟賣，一件嘅成本價係100蚊，你鋪租要1000蚊，仲有其他燈油火蠟同人工等等嘅支出，你應該都唔會想自己承擔晒所有租金成本掛，仲要留意返你嘅競爭對手會降低售價嚟打擊你，自然你租金佔一件物品嘅售價唔會淨係得一少部份，一定會多過10％。
重點嚟喇！其中一個用亞馬遜嚟買嘅原因就係因為佢平過喺香港買。至於原因係咩？其中兩個就係以人工智能 alexa 管理唔同嘅訂單同埋佢唔洗畀鋪租，有中央倉庫儲存大量貨品。
可以比較吓唔同物品喺香港買嘅價錢同喺 Amazon.com 買嘅價錢，就以電腦用嘅 SSD 嚟做例子，今次用咗幾多人用嘅 Samsung 970 EVO Plus NVMe SSD 嚟做比較。
Amazon.com (2020年11月19號)
price.com.hk (2020年11月19號)
上面個表話畀我地知如果想買2TB 容量嘅話，用 Amazon.com 會比起喺香港買同一容量、完全一樣嘅 970 evo plus 平接近50％，係一半嘅價錢！就算你用唔著咁大嘅容量，喺亞馬遜買 500GB 同 1TB 都會比起喺香港買平11％至15％，即係差唔多9折，呢個價錢仲未計有 promotion 或者其他信用卡優惠嚟買。只不過如果你淨係普通文書用途，唔需要用到咁大容量嘅硬碟，港究專員就提議你買其他款嘅 SSD，唔需要去到咁高效能，搵返其他比較低速度同價錢再抵啲嘅。
售後服務
保養條款
見到上面個價錢係咪好吸引呢？可能你會問喺外國買嘢會唔會喺香港無保養？
就好似之前港究專員都推介過由台灣華碩官方放上 Amazon.com 賣嘅手提電腦係可以有全球保養，即係話喺美國買嘅手提電腦係可以喺香港進行保養。又或者有啲電器係可以畀你寄去當地做保養。
如果有興趣睇吓之前推介嘅華碩手提電腦，可以睇返【港究 Amazon 2020 攻略】買電腦心大心細？又想一分錢十分貨？ – WFH 文書 / Gaming Laptop 最新介紹
之前港究專員曾經買過手提電腦記憶體同埋另外一條抵買嘅SSD WD SN750，呢兩個牌子嘅貨品如果係由 Amazon.com 賣同埋寄出都係有全球保養嘅，另外有啲仲係會有永久保用添。當然每件貨品都未必一樣啦！
至於你話一啲易碎品例如好㩒用嘅 Le Creuset 煲或者花樽，就算好抵買又靚，你都唔會想承擔寄嚟之後碎晒嘅風險掛。
每件貨品保養條款會有所不同，購買前請留意各貨品嘅條款及細則。
RMA
另外一樣關於保養嘅項目就係 RMA，即係Return Merchandise Authorization，退貨授權。呢個係其中一個售後服務，用嚟處理一啲有缺陷嘅產品。唔知你有無試過喺香港買mon 呢？港究專員就試過喺深水埗腦場度買mon，好唔好彩個mon 就有兩粒死點同兩粒光點，正常有缺陷就未必會買啦，應該冇人會想買一個缺陷嘅產品。喺香港嘅鋪頭大多數都係要三粒光點同三粒死點先會畀你換一件產品，如果少過呢個標準嘅話都一律當正常運作嘅產品。
外國嘅 RMA 會比起香港無咁嚴格，大多數都係多過一點光點同死點就當有缺陷嘅產品，自然可以幫你維修或者更換。淨係呢個原因就已經可以轉移你嘅買嘢方法過去亞馬遜啦！
保養
如果你唔好彩嘅話，唔同嘅電子產品有機會喺保養期內有自然損壞。呢個時候要點做？就係聯絡提供保養嘅公司，進行檢查，之後睇下可唔可以進行維修或者做其他跟進。好衰唔衰喺香港提供保養嘅公司都唔係總公司直接派嚟香港，而係由唔同嘅經銷商或者其他分判商提供官方保養。呢個時候如果檢查咗你壞咗嘅產品係無得維修嘅話，經銷商係要換返一件貨畀你。咁經銷商可以賣出去嘅貨品就會少一件，變相佢會賺少咗錢，基於呢個原則，經銷商通常都係會盡量維修，整唔到先會換一件新嘅貨畀你。相反，外國嘅銷售 (包括亞馬遜) 好大機會都係由總公司派出，對自己公司嘅聲譽都好睇重，寧願搵少啲錢都會首先保住自己公司嘅聲譽。自然好願意同你一換一貨品，服務都會好過由經銷商執行嘅售後服務。
再者，有唔少香港嘅經銷商辦公室都係開喺辦公時間，即係星期一至五 0900～1730，有啲就會延長到1930或者星期六開朝頭早。我諗大家都唔會因為一件壞咗嘅貨而專登請半日假去做保養或者維修掛？自然經銷商嘅呢啲各種各樣嘅規限都會令消費者帶嚟唔少嘅麻煩。睇返如果用 Amazon.com 去買嘅話，會有24/7 嘅 Alexa 或者其他顧客服務嚟支援你，無論你係想問關於產品優惠定係其他運輸方面嘅事，佢哋都好樂意幫你。
支援方面仲有另一個好好嘅點，就係30日無條件退貨，唔會問你原因，係咪一個唔會喺香港有嘅服務呢？不過想提醒返就係唔好濫用呢個服務，有啲嘢玩壞咗就會唔再提供架喇。
最新優惠
信用卡優惠
匯豐MasterCard 5% 回贈 (最多HKD600)
如果你係有滙豐MasterCard嘅話，可以喺 Amazon.com 網頁或者 APP 消費滿HKD500或以上，就可以有5%現金回贈。要留意返，Amazon 日本、英國、法國、德國或者其他國家係無呢個優惠架！另外，滙豐卓越萬事達卡信用卡 (即係Premier) 最多有HKD600回贈 ，而其他滙豐MasterCard嘅話就最多有HKD300回贈！
優惠受條款及細則約束
Mox 5% 回贈 (最多有HKD1,000)
呢家去到2021年8月31日，於Mox創始商戶用Mox Card消費，即可賺取5%超級CashBack，回贈高達HKD250。
想知點申請 Mox 或者其他著數？可以參考吓：
網上買嘢記得要用張高回贈嘅信用咭，可以去睇吓以下文章去了解多啲。
Amazon.com 優惠
Amazon產品推介
希望大家都可以透過上面講過嘅亞馬遜攻略搵到大家鐘意嘅貨品啦！
以下係港究專員為大家詳細介紹過嘅Amazon產品，歡迎睇下
【Amazon】Advent Calendar 2020– 兒童聖誕禮物篇
【防疫消遣推介】用Fire TV Stick 喺電視睇Youtube、Netflix、Amazon Prime Video等串流平台
【港究 Amazon 2020 攻略】買電腦心大心細？又想一分錢十分貨？ – WFH 文書 / Gaming Laptop 最新介紹
使用 camelcamelcamel 可以幫你追蹤最近幾年嘅貨品價錢，令你可以判斷想買嗰件貨嘅時機啱唔啱。
記得呀，想睇更多港究專員Amazon單品推介，記得一定要加我哋討論區，參與討論！
喺 Black Friday 同 Cyber Monday 之後都繼續會同大家每星期話畀大家知有咩荀貨！所以大家記得加入我哋嘅討論區一齊討論，著數齊齊搵！
鐘意呢篇分享嘅話希望大家畀Like支持吓我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
如果想分享 / 更快收到各種優惠著數，歡迎加入我哋港究Telegram討論區。最新消息，我哋最近仲新增咗多個Kong’s Cult 最新文章 Telegram Channel，只要Join Channel，每逢有新文章出爐就會同步收到，勁方便！！唔好漏咗Follow Kong’s Cult嘅Facebook同Instagram專頁啊！你哋嘅支持同意見絕對係我哋港究專員繼續發掘著數嘅動力，下次見！
