2021 回贈網站大比較！市面上有咁多回贈網站，應該用邊一個好呢？港究專員今次就會喺各方面幫大家分析唔同回贈網站嘅好同唔好，都係嗰句：無最好嘅嘢，只有最適合你嘅。
回贈網站其實係咩嚟？
回贈網站係可以令你喺網上購物嘅時候可以慳多啲嘅一種手段，透過用特定嘅方法，例如使用專屬嘅連結去買嘢或者使用唔同嘅推廣代碼，就可以有唔同嘅回贈或者優惠。好似之前港究專員介紹過嘅 iHerb 咁，利用港究嘅特定優惠碼，就可以有特定折扣！如果你想知多啲關於唔同嘅網購平台，可以參考吓：
如果你有任何問題想問吓港究專員，歡迎你喺唔同嘅渠道搵我哋架！Telegram 討論區入面會有港究專員分享更多要注意嘅點，包括更多抵買嘅舖頭同其他優惠著數分享添！正所謂贏在起跑線，第一時間收到著數情報先可以快人一步，理想達到！
歡迎入嚟港究Telegram討論區，一齊慳，一齊脫離買同一件貨但係畀貴啲嘅一群。
2021 回贈網站需要睇咩因素？
提示：你一定唔可以用一個有 ad block 或者一啲有阻止第三方 cookies 嘅瀏覽器嚟買嘢，例如可以用之前港究專員之前推介過嘅 Brave Browser，如果想知多啲，可以參考吓 ：
Table of Contents
首次登記回贈
首次登記嘅回贈可能你見會係有錢送好似好著數咁，其實係你未睇清楚，唔同網站有唔同嘅要求，有啲係要你回贈夠某一個金額，可能係10美金，或者係你要消費過某一個數先可以拎首次登記回贈。依點係好重要㗎！
回贈網站 | 經港究鏈結登記所獲得嘅獎勵 |
Rebatesme | USD5 |
Rakuten Reward | USD20 嘅物品 |
Topcashback | 無 |
Quidco | £5 |
BeFrugal | USD10 |
MAXRebates | USD10 |
最高回贈比率
回贈比率每個網站都未必一樣，可能佢哋同商戶所傾嘅合約都不盡相同。咁依個時候可能就要你去搵你想買嘅購物網站喺相應嘅回贈網站有啲咩回贈比率。港究專員都好明白依個係一個好繁複嘅步驟，所以你就可以睇吓下面有關 Cash Back Rate Guarantee 嘅圖片。Befurgal 係有依個條款去確保自己能夠提供最優惠嘅回贈比率畀大家。
回贈商戶數量
回贈網站 | 回贈商戶數量 |
Rebatesme | ~3000 |
Rakuten Reward | ~2500 |
Topcashback | ~2270 |
Quidco | ~4500 |
BeFrugal | ~5000 |
MAXRebates | ~3990 |
商戶嘅數量愈多，就可以確保顧客有更多嘅購物網站選擇。以上嘅表格就初步列咗唔同回贈網站有嘅購物網站數量。不過依個只係一個數量，並唔代表全部網站都啱你嘅需要。可能你好鍾意買電子用品，但係回贈網站入面95%都係有關時裝嘅網站，咁呢個回贈網站就未必好適合你喇！
優惠券回贈同時使用
有無優惠券對用邊一個回贈網站都好重要，講到尾用回贈網站都係想慳返啲，無論係多定少，都要逐啲逐啲咁拎返你應得嘅回贈。所以可唔可以同一時間用埋優惠券就係一個幾重要嘅點，如果可以同時用現金回贈同埋優惠券，你所獲得嘅總折扣就會多啲，你亦都會慳多啲。
不過又係有啲陷阱需要注意嘅，有時回贈比率高但係無優惠券嘅選擇會比回贈比率較低而有優惠券嘅選擇會比較著數。雖然有時就係差嗰少少，不過如果你係用開某一個回贈網站就可能繼續留喺同一個網站 ，例如 Cash Out 方面啲。
如果你購物嘅時候搵唔到一間回贈網站係有你想幫襯嗰間商戶嘅話，你可以試吓去另一個港究專員推介嘅優惠券網站 Honey 睇吓幫唔幫到你。
網站所屬地區
回贈網站 | 網站所屬地區 |
Rebatesme | 美國 |
Rakuten Reward | 美國 |
Topcashback | 英國 |
Quidco | 英國 |
BeFrugal | 美國 |
MAXRebates | 美國 |
網站所屬地區對依刻喺香港嘅你一啲都唔重要，不過對於準備去其他國家居住嘅你嚟講就好重要！如果你係準備去加拿大嘅話就唔好用錯一啲英國嘅回贈網站，因為係無一啲喺美國嘅回贈網站咁方便，你收回贈係需要經PayPal而唔可以經銀行戶口，要用美國嘅回贈網站先會比較方便。調返轉如果你係去英國嘅話就用英國嘅網站去 Cash Out 會比較方便，淨係匯率都有機會差好遠。
有無香港商戶？
回贈網站 | 香港商戶 |
Rebatesme | Adidas HK |
Rakuten Reward | 無 |
Topcashback | 無 |
Quidco | 無 |
BeFrugal | 無 |
MAXRebates | Crazy Domains HK |
你喺邊個國家用當然好重要，如果你係喺香港嘅話當然要睇返有無香港嘅商戶啦。
領取回贈嘅方法
回贈網站 | 香港用戶領取回贈嘅方法 |
Rebatesme | 1. PayPal 2. 信用卡 |
Rakuten Reward | PayPal |
Topcashback | 1. PayPal 2. Amazon UK Gift Card |
Quidco | PayPal |
BeFrugal | 1. PayPal 2. Amazon US Gift Card |
MAXRebates | PayPal |
要注意回贈網站有無容許其他國家嘅用家都可以用到晒佢嘅全部功能，有啲回贈網站係美國或者加拿大綠卡嘅持有人先可以使用同埋拎到佢嘅迎新獎賞，就正如上面嘅條款及細則一樣，唔喺美國或者加拿大居住都可以拎到由 Maxrebates 畀嘅迎新同埋平時嘅回贈。
港究專員上面所介紹嘅所有回贈網站都可以拎到購物嘅現金回贈架！
領取回贈嘅時間
回贈網站 | 網站提出嘅最快回贈時間 |
Rebatesme | 7日內 |
Rakuten Reward | 每年指定4日 |
Topcashback | 大概7日 |
Quidco | 3個月至9個月 |
BeFrugal | 7日內 |
MAXRebates | 大多數時間為90日 |
大多數拎到回贈嘅時間都要一個月，港究專員試過喺 Nike HK 經 Rebatesme 買，都要大概一個月先有回贈入到我嘅賬戶度。所以都要預大概一至兩個月先可以拎所有回贈，有啲 VPN 公司都要半年先可以有回贈到手，所以淨係可以等，就算你搵客戶服務都無用，佢會答你係對家公司未批。
顧客服務
有問題嗰陣顧客服務嘅反應都好重要，之前港究專員有問題透過電郵問 Rebatesme 嘅客戶服務，都可以喺一個工作天內收到答覆。遇到問題唔知可以搵邊個幫手嘅時候都覺得好無助，有時有啲網站搵客戶服務個掣又唔知喺邊。依個問題港究專員都經歷過，所以有時都會選擇喺最低限度上減少少回贈比例，而有一個更好嘅客戶服務體驗嚟避免有上面嘅情況發生。
網站嘅背景
一個網站嘅背景都好影響你會唔會選用佢嘅，例如佢背後有無一個強大嘅財團做後盾，或者個背後財團係一個同你嘅理念相違背嘅，你就可能未必會使用。就好似 Rakuten 係日本樂天轄下嘅一個回贈網站，而佢都係一個國際知名嘅財團，相對走數嘅機會就會比較低一啲，資訊安全都有機會更加重視。
另外，你可以喺 MaxRebates 透過減低自己嘅分紅，將收益轉送消費者，即係大家手上。就好似大富翁一樣，一個啱啱投入行業嘅年輕公司點可以同一間有五、六年嘅同類型公司競爭呢？年輕嘅群體係需要唔同嘅用家去支持先至可以對抗唔同嘅霸權。
優點 | 缺點 | |
Rebatesme | 1. 有香港商戶 | 首次註冊回贈較少 |
Rakuten | 1. 首次註冊回贈高 | 計劃經常有變動 |
Topcashback | 主要係英國商戶 | 無首次註冊回贈計劃 |
Quidco | 1. 英國商戶最多 2. £5首次登記回贈 | 較少商戶選擇 |
BeFrugal | 1. 有 Best Cashback Guarantee | 較少商戶選擇 |
Maxrebates | 1. 年輕 2. 高回贈比率 | 美國、加拿大境外用家只可以用 PayPal 拎返回贈 |
睇完咁多個唔同嘅選擇因素，希望大家可以根據自己需要選擇。無最好嘅回贈網站，只有最適合你嘅。所以港究專員都一路介紹唔同嘅回贈網站同其他優惠畀大家，一定可以畀大家搵到心目中嘅正選！
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
如果想分享 / 更快收到各種優惠著數，歡迎加入我哋港究Telegram討論區。最新消息，我哋最近仲新增咗多個Kong’s Cult 最新文章Telegram Channel，只要Join Channel，每逢有新文章出爐就會同步收到，勁方便！！唔好漏咗Follow Kong’s Cult嘅Facebook同Instagram專頁啊！你哋嘅支持同意見絕對係我哋港究專員繼續發掘著數嘅動力，下次見！
