港究專員上年都同大家介紹過唔同嘅手提電腦，包括喺唔同大學嘅 Notebook Ownership Programme 同埋疫情期間work from home 喺 Amazon 買手提電腦嘅一啲推介。依家就喺2021年整一個更新版，等大家喺選擇手提電腦嘅時候都可以起碼有啲基本嘅知識，唔好畀人當水魚咁劏！
未有Amazon Prime嘅讀者可以試吓申請做Prime會員，會有唔同嘅特別優惠同埋有一個更加快嘅送貨流程。佢有一個月試用期畀大家，到期之前記得取消返，咁就可以放心唔使怕佢自動扣錢啦。
講關於 Amazon 依個購物平台，好多人都會諗喺外國㗎喎，香港有無得做保養或者RMA㗎？
Table of Contents
通常喺Amazon買嘢，港究專員都會建議大家要喺Sold By Amazon或者喺品牌自身嘅Official Shop度買。其他商舖或者途徑唔係唔好，但通常依啲途徑都會無全球保或者會有其他問題，例如換啲舊零件入去扮新零件依一類事件就經常發生喺一啲大家未聽過嘅不知名舖頭出現，唔少當地人都中過招，咁我哋依啲仲要寄嚟外國就更加唔好冒依個風險。
好似BestBuy咁，香港都無全球保，就算你係買ASUS但Sold By Walmart都係要寄返去購買地維修，唔同公司同品牌都有唔同處理方法。港究專員建議大家搵返可靠銷售商，例如 Amazon US, UK (Sold by Amazon) / Asus Official Website / Dell US 等。
火牛問題
部電腦新嘅寄到自己屋企嗰陣就梗係第一時間開嚟睇吓有無壞啦！新嘅手提電腦大部份第一次開機都係要插住火牛先可以開機。大家可以當係一個小知識，亦可以分辨到自己部notebook 係咪畀其他人用過。咁就衍生出另一個問題，就係見到包裝入面淨係得兩腳嘅插頭，唔係我哋香港所用嘅三腳，咁可以點做？
現今嘅火牛大多數已經係全球通用電壓或者已經變成Type C火牛。如果大家買咗Amazon US嘅電腦，收到嘅火牛應該會係兩腳，咁呢個時候大家可以去一轉深水埗配返個米奇頭嘅英式三腳插頭，之後駁返落去跟機嗰個火牛就OK！而新款Type C嘅一體式火牛，呢度都係會建議返大家用轉插 (即係旅行用嗰啲，灰色嗰啲) 或者係配個夠W數支援PD充電嘅火牛就可以。
系統語言
其他問題係指個系統或者Keyboard嘅格式。例如個系統係英文，想轉做中文嘅話，可以參考返下邊嘅YouTube教學，跟住嚟做就可以變換返語言。
上網買手提電腦有啲咩要缺？要點揀一部最啱自己嘅Notebook？
- 諗清楚自己係咪真係需要一部手提電腦
如果你係鐘意手拎住支筆而唔係用keyboard打字嘅話，你可以考慮iPad、Galaxy Tab 或者一種類似Surface嘅 2-in-1 手提電腦。
- 認清楚你嘅預算係幾多
Budget係幾多真係好重要，手提電腦喺同一個價位會比桌上電腦效能低大概20至40%，如果你嘅預算係掹掹緊，除非你係住hall 都留喺房打機 (呢個可能十分低)，或者經常要拎出街剪片同畫圖，不如買一部枱機 + 一部Tablet個價值同用途會仲好。
- 重量、效能、價格呢3個要素係有固定嘅比例
揀一部啱自己用嘅電腦同之前港究專員上面寫嘅 NOP 一樣，主要喺三方面做平衡。
重量輕、效能高，自然價格一定高，因為要用更多貴嘅物料嚟製造一部電腦；
當重量高、效能低，自然價格一定較低。
- 諗清楚自己有無需要拎出街
如果有需要拎出街嘅話，記得一定要睇吓部電腦嘅重量。一般嚟講，連埋差電嘅話，1.6KG已經係極限，再重嘅話已經會開始覺得有啲吃力。除非你係想買重度遊戲嘅手提電腦就當然另計。
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
- 產品嘅定位
如果一部電腦係定位為旗艦、商務，呢類電腦嘅價格一定會比同一樣配置同牌子嘅普通系列電腦更高。
就以Dell 呢個品牌為例，Latitude係商務定位，
XPS 係旗艦定位，而Inspiron為家用定位。XPS 13 9300 同樣使用 CPU i7-1065G7、8GB RAM DDR4、512 GB TLC SSD ，而 Inspiron 5401 嘅mon 同獨立顯示卡都比 XPS 13 9300 強，但係 Inspiron 比 XPS 貴接近 40%。
不過所謂「一分錢一分貨」，整體嚟講，旗艦同埋商務等級嘅電腦會比普通家用等級電腦耐用。但係依家嘅電子用品都唔多唔少有一定瑕疵或唔同程度嘅工藝誤差。就算你買XPS等等嘅頂級旗艦系列都唔代表保養期內唔會壞或者一過保養就壞。
——————————————————————————————————–
- 晶片生產商嘅語言藝術
依家就出現唔同廠商手提電腦但係規格一樣嘅情況，兩部電腦嘅性能相差大概30%，最大問題係連價錢都差唔多嘅時候，大家會點揀呢？
例如 Intel 嘅11代低電壓CPU有I5-1135G7同I7-1165G7，佢哋嘅核心數量係一樣，但係價錢相差幾百蚊，效能同積熱嘅問題都有所不同。港究專員絕對唔建議大家去買 Intel 嘅10代CPU （即係ix-10xxxU/Gx），但係AMD嘅話就可以考慮吓4字頭嘅CPU（即係Rx-4xxxU/H）
除咗CPU有依種玩法之外，GPU都有類似嘅玩法，同樣都係RTX3060，最大嘅性能差距可以去到40%，喺依方面港究專員就想提意大家喺 Notebook 唔好買RTX3080/RTX3080Ti嘅版本，因為普遍依家手提電腦受到機身大小同埋要控制噪音嘅各種理由都會令到自身嘅散熱唔太夠一啲極高性能嘅GPU去充份發揮。就算你畀貴HKD1,000，但係你淨係提升得1%嘅效能。如果你同港究專員一樣咁諗就可以跳過有RTX3080 GPU嘅手提電腦喇！
港究專員推介
以華碩成個品牌線嚟講，vivobook 算係一個入門，會定位喺家用文書同埋一啲日常影音嘅使用。今次推介嘅依部係用緊11代 i5 intel CPU 同埋 8GB RAM，絕對夠用幾年。佢嘅螢幕同機身有83%嘅比例，唔會好似以前上一代嗰種四邊都粗框嘅電腦咁，以HKD4,700嚟講絕對物超所值。
另一部想喺Amazon推介畀大家嘅係華碩嘅Zenbook，你可能會問港究專員點解唔直接買同代嘅i7，而繼續選擇同家用一樣嘅i5 CPU，如果大家睇真啲嘅話依兩個CPU其實唔差得幾多，但係有一個要畀多HKD800，大家會點取捨呢？
最啱打機
最後一部就係當然以遊戲做取向，可以試吓除咗亞馬遜之外嘅網站，例如成日有特價嘅 Dell US。今次推介畀大家嘅係 Dell G15，不過要留意吓，係港究專員樓下留低嘅網址嗰部先係我哋推介㗎！因為同一個系列有唔同嘅手提電腦，而有啲係伏嚟，性價比會無咁高。
同上面講過嘅一樣，記得要加錢轉Premier 國際保養Plan 先可以喺香港做到保養嘅程序㗎！
唔好唔記得 Dell US 係可以喺各大回贈網站包括港究專員成日推介嘅 Rebatesme 拎到你應得嘅回贈， 你要記住依啲係你應得㗎！
你可能會問點解淨係推介得三部手提電腦嘅？
主要係因為可以做到全球保養嘅牌子唔係好多，只係包括 Gigabyte、Dell、ASUS ，其他牌子嘅手提電腦唔係唔好，而係佢哋通常有兩個致命缺點。第一係無香港保養，如果係唔太熟悉電腦嘅話就可能要寄返去美國或者其他國家做RMA，要畀嘅運費同所用嘅心機同慳返嚟嘅金錢比例絕對唔成正比。
第二係價錢同香港差唔多，同一件貨品價錢差唔多而有一件要喺外國運返嚟同保養嘅條款有機會唔同，咁自然就唔會推介大家咁大風險去買。
2021更新版
經過2020年尾同埋2021年年頭嘅電子晶片短缺，好多唔同嘅電子產品都有一定程度嘅加價。除此之外，唔同嘅手提電腦製造商都有唔同銷售策略同埋唔同程度嘅改名去形容同一件貨品。依家就出現唔同廠商手提電腦但係規格一樣嘅情況，兩部電腦嘅性能相差大概30%，最大問題係連價錢都差唔多嘅時候，大家會點揀呢？
同場加映 : 用Mac都有優惠
上面講完 Windows 嘅用家當然會照顧埋諗住買Mac 嘅各位。除咗本身蘋果官方所推出嘅back to school 優惠之外，唔知大家仲記唔記得之前港究專員都介紹過唔同嘅回贈網站，而其中一個更加可以適用喺香港嘅 Apple store 網店度，佢就係MaxRebates。大家只要喺入面建立一個賬戶，再經由MaxRebates提供嘅指定連結去香港 Apple Store 網站就可以有現金回贈喇！
佢暫時做到嘅現金回贈比率係1.5%，以最抵玩嘅 M1 MacBook Air 256GB SSD + 8GB RAM 版嚟計算，計埋back to school 嘅優惠之後係本身要畀HKD6,999，咁計咗1.5%之後就可以減HKD104，對於學生嚟講都算慳到唔少。
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
如果想分享 / 更快收到各種優惠著數，歡迎加入我哋港究Telegram討論區。最新消息，我哋最近仲新增咗多個Kong’s Cult 最新文章Telegram Channel，只要Join Channel，每逢有新文章出爐就會同步收到，勁方便！！唔好漏咗Follow Kong’s Cult嘅 Facebook 同 Instagram 專頁啊！你哋嘅支持同意見絕對係我哋港究專員繼續發掘著數嘅動力，下次見！
