又差唔多到咗年尾喇，精明嘅讀者們應該都知每一年年尾Amazon 都會搞一個叫做Black Friday (簡稱BF)同Cyber Monday(簡稱網絡星期一)嘅購物優惠，顧名思義嘅係感恩節大特賣同美國感恩節假期後的一項常年促銷活動。
通常BF比平時價錢都會平50％ or above。而且都會平過香港門市買！
今年疫情關系，大家都好多時候用電腦嚟WFH，或者學生們都要用電腦嚟上堂，打機等等。學生嘅BTS或者各大院校嘅電腦優惠係平嘅，但係要等到年尾同埋又無得太自由咁升級，又得指定款可以購買，變相好似係執人地倉底貨咁。
咁今次港究專員，就同大家睇吓Amazon Black Friday嘅Notebook優惠，希望可以幫到大家。未有Amazon Prime嘅讀者可以喺11月27日之前申請做Prime會員，佢係有一個月試用期畀大家架，到期之前記得取消返，咁就可以放心唔使怕佢自動扣錢啦。除咗Notebook，Black Friday其他產品都會有優惠，想更加優惠咁樣買到心頭好？大家可以去睇吓我哋另一篇文
無書展照睇書！購買Ebook reader 電子書閱讀器你要知 － Kindle，Clara HD，Poke 2性價大比拼！
港究專員會喺我哋嘅 Telegram 討論區同大家直撃 Black Friday 有啲咩抵買，會同大家即時匯報，要加入我哋Telegram 討論區就包你冇走雞！
喺 Black Friday 之後都繼續會同大家每星期話畀大家知有咩荀貨！所以大家記得加入我哋嘅討論區一齊討論，著數齊齊搵！
Table of Contents
Amazon 上網買Notebook保養及配件同其他要注意嘅地方
可能會有讀者問，怕唔怕呀上網買？又要唔係行貨，又無得睇實機，萬一有咩事咁點算好？如果部機用上手之後又唔啱使，咁又點？呢到一一同大家解答！
如果大家要保養嘅話，除咗一般去電腦商場買手提電腦之外，上網買一樣有。不過就要選擇有全球保養嘅公司。例如Asus、Gigabytes同Dell。呢三間都會比較有保障 (個人而言) 所以今次我哋介紹嘅手提電腦都係圍繞住其中兩間公司嘅產品。
咁就詳細講一講先，Amazon 入邊會有好多間Shop都係賣同一款電腦，就好似下邊呢個例子咁
通常Amazon買嘢，港究專員都會喺Sold By Amazon或者喺Official Shop度買。其他唔係唔好，但通常都會無全球保或者係會有其他問題，例如係換啲舊零件入去咁。好似BestBuy咁，香港都無全球保，就算你係買Asus但Sold By BestBuy都係要寄返去購買地維修，唔同公司唔同處理方法。建議大家會搵返可靠銷售商如 Amazon US, UK (Sold by Amazon) / Asus Official Website / Dell US
Dell US 去返佢官網買就得，不過記得要加錢轉Premier 國際保養Plan！
火牛問題，唔熟電腦嘅讀者可能都會擔心呢個問題。
現今嘅火牛大多數已經係全球通用電壓或者已經變成Type C火牛。如果大家買咗Amazon US嘅電腦，收到嘅火牛應該會係兩腳，咁呢個時候大家可以去一轉深水埗配返個米奇頭嘅英式三腳插頭線，之後駁返落去跟機嗰個火牛就OK！而新款Type C嘅一體式火牛，呢度都係會建議返大家用轉插 (即係旅行用嗰啲，灰色嗰啲) 或者係配個夠W數支援PD充電嘅火牛就可以。
其他問題係指個系統或者Keyboard嘅格式。例如個系統係英文，想轉做中文嘅話，可以參考返下邊嘅YouTube教學，跟住嚟做就可以變換返語言。
KeyBoard 問題係指，我地平時係用返英式英文嘅鍵盤格局，如果去咗日本Amazon買Notebook，你收到嘅貨就會成個keyboard都係平假名同片假名。咁呢一點港究都係會建議去返英國或者美國嘅Amazon購買。
廢話唔多講，入正題。
今次我哋會介紹六部電腦，三部唔同價位嘅文書機同三部唔同價位嘅電競級別手提電腦。
WFH 文書電腦推介 (效能要求較低嘅又怕重嘅讀者啱睇)
ASUS VivoBook 15"
第一部係Asus 嘅Vivobook 15吋，比較啱需要大MON做嘢嘅讀者
考慮到文書機嘅價錢限制，考慮埋文書機嘅重量 (大約1.5KG)，加上AMD (AMD YES!) 普通8GB RAM 加上256GB 儲存空間已經能夠滿足大部份讀者文書嘅要求。美金價錢以7.78計算，即係大約HKD3,740左右，呢個價錢係已經包埋Amazon Global Shipping (當然你可以加錢就令佢快啲到手)。
ASUS ZenBook 14"
第二部文書機算係中價嘅文書機，比較啱儲存空間要求比較大嘅讀者。同時都係比較注重可使用時間同埋重量。重量為2.49lb，即係大約1.1KG，方便拎出拎入開會用或者上堂轉堂時用。
價錢大約USD900，大約係HKD7,000多少少咁。
ASUS ZenBook 15"
另一部要介紹嘅文書機係算高階文書機，比較啱打算用幾年嘅，或者想一步登天，唔想之後又要搞咁多嘢嘅讀者。
考慮到用幾年嘅效能，加上大mon，重量大約1.63kg，算係拎出街都唔會話太重，唔會怕再要拎出街或者行黎行去再用嘅重量。CPU今次會用返intel 嘅i7第10代CPU，暫時最新嘅代數CPU。加上有埋獨立顯示卡GTX 1650，令你文書之餘都可以忙裡偷閒打吓機睇吓片，算係一部比較多用途嘅電腦，價錢大約HKD10,000有找。
Gaming Laptop (需要效能較高嘅又唔怕重嘅讀者啱睇)
介紹完文書機之後，當然到電競級別嘅手提電腦，正所謂吊頸都要透吓氣，適當嘅娛樂都好重要！當然價錢會貴D，呢度都會開始介紹貴少少但專員認為超值嘅電腦畀大家做參考。
AORUS 5
第一部要介紹係比較入門嘅電競機，AORUS 係Gigabytes其中一條產品線，係會有全球保養的。雖然Display Card只有1650ti，但都夠玩大部份嘅遊戲，只要唔使要求開到最高效嘅話，部機都可以RUN到，加上144Hz IPS 15.6 INCH mon，基本上全部電競電腦都係會比較重，因為佢係唔會預你周圍拎黎拎去，加上WiFi 6嘅配置，上網打機更穩定，價錢大約係HKD10,200左右。
Gigabyte AERO 17
第二部要介紹嘅電競電腦都係AORUS嘅，效能進一步提升，Mon嘅大細就由15吋上升到17.3吋，內置返RTX 2060，暫時市面上嘅遊戲都可以開到高效都唔會有問題。加埋i7嘅CPU效能，足夠未來幾年嘅Gaming要求，當然到時效能未必會追得上，但都可以開到高效。價錢大約係HKD18,800左右。
AORUS 15G (WB)
最後介紹嘅一部電競電腦，相比第2部嚟比較，係會細啲，即係去返15.6吋。如果你係會駁外置MON，或者15.6吋覺得接受到，港究專員係會建議你買呢部，因為效能勁過RTX 2060，行緊RTX 2070 MAX-Q，加上keyboard 係用上機械keyboard ，會比較適合追求極致嘅讀者，仲要比上一部平多USD300，價錢大約係HKD16,380左右！
各位讀者留意，記得買之前，留意係唔係Sold by Amazon！如果唔係嘅話，你係唔會有任何全球保養架。
全球保養係指一年全球性保障計畫。如果大家購買收貨後，發現咗問題例如壞嘢，爆Mon 或者其他嘢，係可以去Amazon 嗰度搵返CS做RMA架！最後希望大家買得開心 🙂 搵到心頭好
網上買嘢記得要用張高回贈嘅信用咭，可以去睇吓以下文章去了解邊張信用咭最抵用。
【Citibank 信用卡優惠】靠推薦人哋就有HKD4,800？港究專員教埋你點申請 Citibank 信用卡攞優惠！
除咗Amazon 外，我哋港究仲有介紹其他抵用網購平台，好似全球最大天然商品購物網站iHerb，Keep住留意我哋嘅文章啦！
鐘意呢篇分享嘅話希望大家畀Like支持吓我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！ 如果想分享 / 更快收到各種優惠著數，歡迎加入我哋港究Telegram討論區。仲有唔好漏咗Follow Kong’s Cult嘅Facebook同Instagram專頁啊，你哋嘅支持同意見絕對係我哋港究專員繼續發掘著數嘅動力，下次見！
