可能你會問港究專員平時一啲網購優惠或者特價係喺邊度搵返嚟，有無一啲方法係可以比港究專員更加快收到風呢？專員喺依方面一啲都唔會收收埋埋，會儘量令大家可以知多啲最新嘅優惠。其中一個港究專員會用嘅網站就係 Slickdeals。
佢係一個可以畀唔同嘅用家分享自己所見到嘅唔同優惠收集嘅一個地方，佢都好強調依個網站係一個以社團為一個整體嚟運作嘅網站，係好靠唔同人士嘅幫助嚟運作。你可以當佢係一個討論區，一路收集唔同網友嘅優惠情報，再將佢哋分享畀大家！
咁究竟係點用呢？
喺每一個項目嗰度最頂會有顯示邊一位網友寫出嚟，中間當然係一啲優惠嘅相同埋一啲簡介啦！下半部份就會有最重要嘅價錢同埋一啲關於運費嘅事項。
另一個對於喺香港嘅我哋嚟講，邊間鋪頭賣出件產品係好重要。因為唔係間間鋪頭都會送嚟香港，好大部份鋪頭例如Bestbuy、EBay等等嘅鋪頭係唔會送嚟香港，甚至集運嘅地址都唔會寄去。所以依個情況就你想買嘅貨係1蚊都無用，你係唔會買到嘅，要打醒十二分精神，廢事倒頭來係一場空歡喜。
除咗喺首頁度搵吓有啲咩著數之外，你仲可以指定喺某一個類別度搵你想要嘅優惠。例如上面依個例子就係港究專員想搵一啲人氣之選，多人留言嘅優惠，通常依啲都係會比較上抵啲嘅。
港究專員就以 Nike 依對鞋做例子，有位網友留低依個優惠就可以睇返究竟係咪真係啱我自己用。
首先見到佢係美國 Nike 官方網站賣出嘅，咁即係唔會直送香港，要靠轉運先至會送到嚟香港嘅屋企。
第二就係你會唔會買到，個價錢同款，仲有碼數係啱自己心水之後就可以試吓畀唔畀到錢。正如上面港究專員講過，唔係間間鋪頭都可以畀香港發出嘅信用卡過到數嘅。跟據港究專員嘅經驗，美國Nike係可以用香港嘅信用卡，咁就即係無問題！
見到有心水嘅產品同價錢撳落去之後，就可以睇清楚由其他網友所話畀大家知嘅優惠，睇啱就可以去馬喇！
如果想知更多網購慳錢嘅方法，可以試吓用以下唔同嘅回贈網站，用過包你會嚇一跳！想知更多可以睇吓：
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
如果想分享 / 更快收到各種優惠著數，歡迎加入我哋港究Telegram討論區。最新消息，我哋最近仲新增咗多個Kong’s Cult 最新文章Telegram Channel，只要Join Channel，每逢有新文章出爐就會同步收到，勁方便！！唔好漏咗Follow Kong’s Cult嘅Facebook同Instagram專頁啊！你哋嘅支持同意見絕對係我哋港究專員繼續發掘著數嘅動力，下次見！
