前排港究專員行過Times Square，無意發現有個新嘅跌錢新場 — ArtPiece，行近正門已經俾一陣香香嘅味道吸引住，原來放喺門口做生招牌嘅就係法國品牌 Maison Berger Paris 家居無火香薰。
Maison Berger Paris 總部及工廠喺法國，以前產品主要為家居無火香薰瓶及香薰精油，經過不斷技術改良，現時產品已由單一消毒香薰增加至藤支香薰、汽車香薰、電香薰機等等不同產品類型。
Maison Berger 香薰含有3%-5%純植物精油，由天然植物提煉出嚟。天然植物本身含有嘅多種功能，可以改善空氣質素、幫助消除異味、驅逐蚊蟲、分解二手煙，另外，仲可以增加空氣含氧量、令人精神愉快、幫助提升免疫力。
埋到counter，已經有熱情嘅Sales介紹佢哋舖頭用緊嘅皇牌香薰及功效，同埋見到好多好靚嘅玻璃香薰瓶。睇價錢又唔貴喎，套裝價由HKD390起，包一個任選嘅小號香薰瓶同一支250ML嘅香薰精油。
至於佢哋嘅皇牌香薰就係尊貴檀香，Sales話呢支檀香可以令人集中精神，心靈合一兼有鎮靜嘅效果。而最令港究專員心動買入嘅主因係，點哩支尊貴檀香可以加強財運添(笑)，唔怪得店舖門口都燒緊呢隻香薰啦。
如果鍾意清淡啲嘅味道呢，就可以揀返佢嘅花香系列，茉莉花、櫻花、薰衣草都係比較清幽嘅，就算鼻敏感人士都啱用。至於比較注重消毒效果嘅香薰，就可以揀有驅蟲功效或者青蘋果香味嘅味道。仲有，唔同味嘅香薰都有佢獨特的功效，記得要放啱喺正確嘅位置，詳見下圖：
功效 | 推介香薰 | 推薦位置 |
舒緩放鬆 | 薰衣草、天竺葵、依蘭 | 睡房 |
專注思緒 | 薄荷、尤加利、迷迭香 | 辦公室、書房 |
振奮活力 | 檸檬、葡萄柚、甜橙 | 客廳、飯廳 |
基本上舖頭入面有超過五十種香味俾你選擇，總有一隻係會啱你。如果大家對呢個香薰品牌有興趣，可以去呢到睇吓：
Maison Berger 網店接受Visa、Mastercard (萬事達卡) 及 American Express (美國運通信用卡) 付款，假如你係用Tap＆Go申請政府消費券的話就可以免找數埋單啦。至於ArtPiece就接受AlipayHK同埋WeChat Pay，總有一款支付方式幫到你。
嚟緊有消費券畀錢你Shopping，快啲嚟睇吓仲有咩著數優惠一次過賺盡啦：
【商場優惠】「信和商場」手機應用程式 ── S⁺ Rewards
【商場優惠】「新地商場」手機應用程式 ── The Point by SHKP
HKD5000電子消費券終極懶人包：登記＋使用方法教學！最快7月4日可申請！(附適用商戶一覽)
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
如果想分享 / 更快收到各種優惠著數，歡迎加入我哋港究Telegram討論區。最新消息，我哋最近仲新增咗多個Kong’s Cult 最新文章Telegram Channel，只要Join Channel，每逢有新文章出爐就會同步收到，勁方便！！唔好漏左Follow Kong’s Cult嘅Facebook同埋Instagram專頁啊！你哋嘅支持同意見絕對係我哋港究專員繼續發掘著數嘅動力，下次見！
