在疫情及社會事件影響下，經濟環境持續低迷。相信好多打工仔同學生哥都plan緊趁依家讀書進修，增強競爭力。除咗傳統線下課程之外，今期港究專員將會為大家介紹五大線上課程平台，希望可以幫助大家逆市進修，裝備好自己。
英文苦手想學英文？請參閱 【Audible教學】港究教你用盡空餘時間學英文、增值自己
本文目錄
了解自身學習目標
1. 想學習邊類領域？
3. 可以接受點樣嘅授課方式？中文教學，英文教學配合中文字幕，定係純英文教學？
4. 需唔需要修畢證書為面試增加籌碼？
5. 預算以及可用嘅時間？
等等……
線上課程平台對比
了解咗自己嘅學習目標之後，係時候選擇適合自己嘅線上課程平台。以下港究專員做咗一份圖表，方便大家比較各個平台。
平台 |  Coursera |  edX |  SkillShare |  Udacity |  Udemy |
課程領域 | 類似大學科目，偏理論，藝術 / 商業 / 資料分析等等 | 類似大學科目，偏理論，藝術 / 商業 / 資訊科技等等 | 主要為藝術相關 課程為主，繪畫 / 設計 / 攝影等等 | 主要為前沿資訊科技課程為主，人工智能 / 機器學習 / 自動駕駛等等 | 主要以實用技能為主，電子商務 / 編程 / 備考證書等等 |
教學資源 | 與多間名校合作 | 與多間名校合作 | 專業人士授課 | Google，FB等公司行業專家授課 | 專業人士授課 |
證書 | 可選擇 | 可選擇 | 無 | 可選擇 | 免費 |
中文教學/字幕 | 大部分熱門課程有中文字幕 | 大部分熱門課程有中文字幕 | 無中文字幕 | 大部分熱門課程有中文字幕 | 大部分無中文字幕，有少量中文導師教學。 |
價錢 | 旁聽免費，證書收費。詳情請看下面詳細介紹 | 大部分課程免費，收費課程USD50 – USD300不等 | 收費課程訂閱制 | 旁聽免費，證書收費。詳情請看下面詳細介紹 | 經常有促銷活動，一個課程最低只需USD9.9 |
Coursera
平台背景
課程領域
費用
Coursera課程本身旁聽係唔需要任何費用嘅，但如果你想好似學生咁樣交功課，修畢之後拎到證書然後加入你Linkedin先需要收費。 Coursera有兩種收費模式，第一種係subscribe課程，有免費7日free trial，每個月收費USD39至79不等，比較彈性。另一種係Coursera plus，一年USD399可以讀晒大部分Coursera嘅課程，如果你有幾個月得閒無嘢做，揀呢個就最啱！
負擔唔起學費？唔緊要，Coursera仲為有需要人士提供financial aid助學金，提供資料畀Coursera審批大概14日就可以，最高可以全免添！
Coursera甚至仲有同大學合作嘅遙距Bachelor同Master選擇，如果想進修學位但無時間，都不失為一個好辦法！
edX
平台背景
edX係一個由麻省理工學院同哈佛大學所創辦嘅大規模開放線上課程平台。提供大學教育水平的線上課程同微碩士學位。兩間大學喺呢個非營利性計劃各資助三千萬美元。
課程領域
大部分edX課程都係免費修讀，並會提供證書俾學生，十分良心。不過都有啲科目需要好似Coursera咁收費獲得證書，價錢USD50 ~ 300不等。edX都有系列課程XSeries，主要就係同各高校合作嘅系列課程，價錢都係幾百USD不等。值得留意嘅係，edX有學分項目MicroMasters，呢啲課程係正規嘅高校Master課程，對於指定院校，係可以用呢啲課程嚟抵學分嘅。不過呢啲科目價錢較貴，同真正大學科目收費差唔多。有心儀科目，自己學校又認可嘅話可以嘗試。
SkillShare
平台背景
SkillShare係一間係2010年創立於美國紐約嘅線上課程平台，主要目的係為咗提供一個平台俾大家分享自己所長畀其他人，目前已有超過27,000嘅收費課程同超過2,000嘅普通課程。
課程領域
SkillShare主要focus喺創意力課程，包括動畫製作，UI設計，平面設計等等。除了為咗增加自己競爭力嘅課程，SkillShare其實仲有好多增加生活情趣嘅課程，譬如手工製作，教你設計你自己嘅房間等等。如果你想令你每一日嘅生活變得更加有”儀式感”嘅話，SkillShare一定係你嘅第一選擇！
費用
SkillShare分為普通用戶以及會員，普通用戶只可以上免費course，而會員費用為月費USD15以及年費USD99。成為會員後就可以觀看所有課程，十分之抵。不過由於都係主要為專業人士授課，無同高校合作，所以並無證書提供。係屬於一個唔功利性嘅選擇。
立即註冊享受14天skillshare會員體驗
Udacity
平台背景
Udacity係由塞巴斯蒂安·特龍, 大衛·史塔文斯注資嘅一個私立教育組織，目標係實現自主學習。而塞巴斯蒂安·特龍係大名鼎鼎嘅Google X實驗室嘅初創成員之一，催生咗Google無人汽車，Google class等產品。
課程領域
Udacity主要同科技公司合作，課程多數為前沿資訊科技，涵蓋無人駕駛，人工智能，機器學習等等。Udacity課程同其他課程相比，非常強調做出嘅成品，譬如如果你報讀數位營銷課程，咁你嘅畢業門檻就係要設立一個自己嘅網站，經營網站內容，設立自己嘅facebook專頁，學識如何使用數位營銷工具，學識如何撰寫文案，並且網站專頁必須經營達到一定觀看人次。喺整個過程中，助教會一直從中幫你修改，提出建議，由此可見Udacity主要目標係幫助就業，非常適合入行以及轉行前學習。見工有份似樣嘅Project，一定事半功倍！
Udemy
平台背景
課程領域
Udemy同SkillShare一樣，都係主要為專業人士授課，但課程內容廣泛得多，主要都係偏實踐類嘅課程，數位營銷，樂器，繪畫各種範疇應有盡有，港究專員當初都曾喺Udemy學習過網頁設計，真係獲益良多。平台有各國嘅講師授課，都有唔少用廣東話或普通話嘅課程，好驚英文嘅朋友可以嘗試吓。不過值得留意嘅係，人人都可以喺Udemy做老師，難免會有課程水平不一嘅現象發生。選取課程最好考慮清楚，多睇下評價先購買。
費用
Udemy係每一個課程收費，根據個人需要嚟選擇課程。價錢並不固定，因為Udemy經常喺節日有優惠活動，最低USD9.9就可以讀，真係十分之抵！而且Udemy支持30天超長時間無條件退款，如果覺得對課程唔滿意，可以隨時退款，彈性十足。Udemy修畢之後都會提供證書，亦可以連接Linkedin，不過因為無同高校合作，可能認受性上輸蝕少少
經港究專屬鏈接註冊可享受最低優惠
英文苦手想學英文？請參閱 【Audible教學】港究教你用盡空餘時間學英文、增值自己
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
如果想分享 / 更快收到各種優惠著數，歡迎加入我哋港究Telegram討論區。仲有唔好漏咗Follow Kong’s Cult嘅Facebook同Instagram專頁啊，你哋嘅支持同意見絕對係我哋港究專員繼續發掘著數嘅動力，下次見！
