SmartBuyGlasses
港究專員上一次介紹過SmartBuyGlasses嘅度數眼鏡同隱形眼鏡，由於實在非常之抵，所以今次就分享埋太陽眼鏡啦！想了解更多關於度數眼鏡同隱形眼鏡可以睇呢度。
SmartBuyGlasses除咗賣嘅太陽眼鏡品牌眾多、折扣仲多，時裝品牌有DIOR、TOM FORD、PRADA、GUCCI、Victoria Beckham等，而眼鏡品牌有CHARMANT Z、Ray-Ban等多到無辦法喺度一一列出嚟，大家一齊入去睇啦！部分讀者本身有度數又唔鐘意戴隱形眼鏡，去旅行嘅時候又想Chill吓，可以點做？港究專員曾經都有呢個問題，今次會分享埋度數太陽眼鏡，仲有抵用優惠碼，希望幫到大家。
價錢平部分實體店一截
作為網購專員首先當然又係比較價錢啦，呢點港究專員已經做過實地考察，將SmartBuyGlasses嘅價錢同部分實體店比較，無論眼鏡、太陽眼鏡定隱形眼鏡，未計折扣優惠已經平一截！
鏡片資訊
相信即使戴開眼鏡嘅讀者都未必配過度數太陽眼鏡，其實並唔係新嘅產品亦唔難理解，只要大家想像成平時嘅透明鏡片，染上太陽眼鏡片嘅顏色，就係咁簡單！下面會介紹3大類太陽眼鏡鏡片：
- 染色鏡
染色鏡係比較常見嘅太陽眼鏡鏡片。比較特別嘅係，大家選配度數染色鏡片嘅時候，可以隨喜好選擇鏡片顏色。例如一副太陽眼鏡本身係茶色鏡片，但又喜歡灰色鏡片或者漸變色，都可以做度數嘅時候做埋，消費者可以按喜好 / 需要自由配搭。
- 透明度
透明度選擇方面，一般遮擋65%-80%的陽光都適合日間駕駛用。除此之外，駕駛人士不妨可揀漸變色鏡片，深色部分可遮由上射入的光線，向下望可望清錶板。
順帶一提，港究專員憑經驗而言，揀太陽眼鏡都係偏好灰色鏡片，因為睇出嚟嘅影像較自然、色差較細，即使水銀鏡面 (即鏡面)，亦有分底色，如灰色底 / 茶色底。
- 偏光鏡 (Polarized Lens)
第二款鏡片係「偏光鏡」，係功能性鏡片之一。據SmartBuyGlasses所述，偏光鏡可消除眩光，改善視覺舒適度，減少眼睛疲勞等。適用於水上運動，喺路上同戶外活動。而價錢方面，單計鏡片亦比普通染色鏡貴HKD400以上 (實體店普遍超過HKD1,000)。
講到咁多功能，咁係咪有偏光=好、無就無咁好呢？非也，好多介紹都只係講佢嘅好處，但係未必考慮到消費者嘅實際需要。
- 無錯，偏光鏡可消除眩光，改善視覺舒適度；但係一般而言比較有用係水面 / 路面嘅眩光等。
- 減低路面上同車窗反射嘅眩光，駕駛人士可以考慮。
- 減低水面上嘅眩光，經常進行水上活動 / 釣魚人士可以考慮。
- 如果係去旅行用吓 / 平時遮光用，咁就應該考慮吓係咪需要呢個功能啦！港究專員就係呢一類，所以普通染色鏡已經非常夠用。
- 鏡面 (水銀鏡)
其實簡單理解鏡面嘅原理，就係染色鏡上加一層水銀渡膜 (即鏡嘅渡膜，所以亦可稱為鏡面)，而底色可参考上述嘅染色鏡。
起初水銀鏡只有銀色鏡面，而港究專員所知係Ray-Ban喺2012年將紅藍綠3隻色嘅水銀鏡帶入RB3025 Aviator呢個經典款式，就掀起一陣水銀鏡嘅熱潮，多年嚟各大品牌嘅太陽眼鏡都設計出唔同顏色嘅水銀鏡滿足市場。
咁其實水銀鏡面有無特別功用呢？
都有一個字，「型」囉！但能唔能夠Carry就睇個人啦！
如果我都係鐘意原裝嗰隻色應該點簡？
呢點SmartBuyGlasses又係非常貼心，有一項選擇係「顏色匹配」，即係照跟原裝鏡片做色 (不包括鏡面 / 偏光 / 變色)，用超薄鏡做都係HKD229，唔洗頭痕！
至於更多關於光學鏡片嘅貼士可以睇埋下面「其他眼鏡資訊」或者睇返我地港究Kong’s Cult嘅眼鏡篇。
其他眼鏡資訊 (鼻托、尺寸)
鼻托篇
最後亦都同大家重溫一吓選擇眼鏡時其中兩項眼鏡嘅元素 – 鼻托同鏡架尺寸。
鼻托方面，部分膠框鏡架係有出亞洲版，亞洲版鏡架嘅鼻托會高啲，較適合一般亞洲人，戴起上嚟無咁容易跣，而金屬框或金屬鼻托款則無此問題。關於呢點SmartBuyGlasses亦幫顧客做埋分類，各位只需要喺「分類」點擊「亞洲版」便可，非常貼心。下圖將各鼻托款進行對比：
尺寸篇
上集提過，鏡架尺寸可以参考返自己戴開副眼鏡，但係嚟到太陽眼鏡篇就唔可以照板煮碗啦，因為大部分太陽眼鏡鏡面通常都係偏大嘅，目的係為咗擋UV同遮光，相信擋UV同遮光亦都係大家買太陽眼鏡嘅主要目的之一。
港究專員認為，太陽眼鏡尺寸並非最重要嘅考慮因素，而且使用時間亦未及眼鏡，所以可以先考慮自身度數、鏡片顏色、功能、鼻托、款式等等。
當然SmartBuyGlasses亦有尺碼指南 (按此) 幫手，不過眼鏡大小好多時都會受個人喜好影響，各位讀者可以照樣参考吓。
優惠碼 (2020-12-31已完結)
| 到期日 | 詳情 | 優惠碼 |
| 20 | ||
2 |
Step-by-Step買眼鏡教學，唔洗對著Sales又怕走唔甩
第一步：選擇好啱嘅款式
如果唔需要配度數可以撳「立即購買」，並直接跳至最後一步付款。
如果需要配度數就撳「加購度數鏡片」，網站就會帶你去下一步選擇鏡片種類。
第二步：選擇鏡片
港究專員就近視嘅所以選擇「遠 / 近視」。
港究專員本身經常配眼鏡，非常清楚自己嘅近視、散光度數、瞳距 (PD) 等資料，所以選擇「手動輸入」度數。各位讀者如果唔清楚都可以搵返自己最近配眼鏡嘅收據，一般都會列出驗配度數嘅資料；或者有處方度數，亦可以選擇「上傳文件」上傳你嘅處方。
輸入度數後，就正式選擇鏡片啦！SmartBuyGlasses嘅鏡片分類都算清晰，點選擇就睇自己需要，如果想了解更多關於光學鏡片嘅貼士可以睇返我地港究Kong’s Cult嘅眼鏡篇。至於太陽眼鏡鏡片選擇就可以参考返上面提供嘅鏡片資訊。
最後一步：付款 – 記得揀啱優惠碼輸入！之後輸入郵寄地址就可以免運費寄到府上。
常見問題
相信唔少讀者都未必試過喺網上買眼鏡，心裡面一定有唔少疑問，所以喺呢度港究專員先解答一啲經常遇到嘅問題，如果有其他或者想分享下你嘅經驗歡迎喺留言區留言畀我哋。
1. Smartbuyglasses買眼鏡安全嗎？眼鏡咁平係唔係真貨？
SmartBuyGlasses成立於2006年，以「最暢銷的品牌，最吸引的價錢」為賣點，加上100%原裝正品、100天退貨保證、最優惠價格保障等購物保障，再免埋運費，SmartBuyGlasses仲開發埋3D虛擬試戴系統，顧客可以喺屋企試啱款式先買，咁就安心又放心啦！
2. 如果買完返嚟唔啱心水點算？
100日退貨條款
退貨產品必須未經使用並且保持從SmartBuyGlasses發出的原包裝
所有度數光學眼鏡，必須在保證全新未經使用的前提下，才能退換
換貨產品必須未經使用並且保持從SmartBuyGlasses發出的原包裝
獨家24個月保養期
如果是產品本身的質量問題，SmartBuyGlasses提供24個月的保養。通常處理問題眼鏡的辦法是免費換貨更換零件。請注意，由於日常佩戴所產生的損壞及磨損不在此保質範圍內。隱形眼鏡的廠家保養期為3個月。
詳細100日退貨條款及獨家24個月保養期條款請按此。
【本文章內容純屬作者分享其購物體驗】
今次集中分享咗太陽眼鏡嘅選擇，其他光學眼鏡同隱形眼鏡嘅資訊請到呢度。下次港究專員會分享更多關於眼鏡嘅資訊，唔好錯過Kong’s Cult嘅最新分享啦！
聖誕節就嚟到，睇埋以下Advent Calendar推介，買定心水禮物啦！
Selfridges獨家限量2020 Advent Calendar 聖誕倒數日曆登場啦！
【ASOS】搶購高CP值 2020 Advent Calendar
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！ 如果想分享 / 更快收到各種優惠著數，歡迎加入我哋港究Telegram討論區。最新消息，我哋最近仲新增咗多個Kong’s Cult 最新文章Telegram Channel，只要Join Channel，每逢有新文章出爐就會同步收到，勁方便！！仲有唔好漏咗Follow Kong’s Cult嘅Facebook專頁同Instagram啊，你哋嘅支持同意見絕對係我哋港究專員繼續發掘著數嘅動力，下次見！
