之前因為疫情緣故，大家多咗留喺屋企防疫，唔少人開始留意網上影音串流平台。再加上早前台灣最大盜版影音網站 ── 楓林網被查封，連帶其他盜版網站如小鴨影音、gimy TV 等紛紛關站。越嚟越多人轉投網上付費影音串流平台嘅懷抱，例如Netflix 、Amazon Prime Video、Youtube Premium等最近幾個月訂閱量急劇上升。
嫌手機屏幕細、睇得唔夠舒服？唔少人會轉用平板或者PC睇，港究專員就話，最好梗係喺屋企電視個大屏幕睇啦！
但如果你唔係用緊可以直接上網嘅Smart TV，又或者用緊型號比較舊嘅款式，影音Apps未必支援，就要左駁右駁HDMI線搞一大輪先睇得！
所以唔同嘅Android TV，電視盒子應運而生，今次港究專員就想推介其中一款 ── Fire TV畀大家。
Table of Contents
Fire TV介紹
Fire TV係Amazon旗下產品，目前有Fire TV Stick Lite、Fire TV Stick、Fire TV Stick 4K、Fire TV Cube幾款。
用法非常簡單，只要將Fire TV Stick或Cube插入電視嘅HDMI Port即可，取電可以插火牛或者插返電視都得。之後就可以喺電視開到Amazon Prime Video、Netflix、Hulu、Disney+ 等影音串流平台，Youtube、Spotify亦同樣支援。
Fire TV Stick係手指設計，相對其他Android TV、盒子體積更細，而且因為Fire TV Stick同遙控用藍芽連接，即使Fire TV Stick插喺電視後面都控制到，所以唔需要特別放多舊嘢喺電視附近。
Fire TV可以設定配對藍芽喇叭或者藍芽耳機，無論你想同屋企人、成班朋友一齊睇，定係夜晚自己一個睇，唔騷擾其他人都得。
Fire TV Stick嘅遙控仲支援Alexa語音控制，Alexa係Amazon推出嘅智能助理，類似Apple嘅Siri。只要一句簡單指令，就可以控制電視音量、開啟程式。例如：“Alexa，open Youtube” 就可以快速進入Youtube畫面。
2020年9月24日更新
Amazon喺2020年9月24日宣佈推出全新Fire TV Stick Lite (USD29.99) 同埋新一代Fire TV Stick (USD39.99)，即日開始可以預訂，並將於2020年9月28日正式發售。
全新Fire TV Stick Lite 比Fire TV Stick平咗USD10，大概HKD234嘅價錢就可以享用大部分Fire TV Stick嘅功能。
今次推出嘅Fire TV Stick Lite同埋新一代Fire TV Stick同樣支援1080p Full HD。而且效能比上一代嘅Fire TV Stick效能提高50%。
而Fire TV Stick亦由支援Dolby Audio升級為支援 Dolby Atmos，即係杜比全景聲，呢種環迴立體聲技術可以呈現比7.1聲道更為細緻嘅效果。全方位嘅3D音效包圍感會令觀眾更投入，有身歷其境嘅聲效體驗。
除咗硬體嘅更新之外，Amazon亦宣佈推出全新User Interface，提升使用者嘅用戶體驗。依家Amazon可以設定6個獨立Profile，根據每個Profile嘅查看歷史記錄、Watch List、設定，提供個性化推薦。同時，只要選擇建立個人Alexa Voice Profile，Fire TV辨認到就會自動轉去嗰個人嘅profile 。
如果屋企有小朋友，亦可以透過Amazon Kids設置Kids Profiles，令小朋友只可以睇老少咸宜嘅內容。
另外，Fire TV stick “Find” 功能，可以按照熱門類別 (例如電影、電視節目、體育節目) 等進行搜索同埋瀏覽。亦可以按類型 (例如喜劇，動作) 進行篩選，更容易搵到自已喜好。同時亦開始支援Live TV，包括：Youtube TV、Sling TV、NBA League Pass、Hulu + Live TV等直播。
Fire TV Stick Lite
Fire TV Stick Lite係Amazon 2020年9月底推出嘅全新產品，比Fire TV Stick平咗USD10 (大約HKD78)，只需HKD234嘅價錢就可以享用大部分Fire TV Stick嘅功能。
Fire TV Stick Lite比起Fire TV Stick搖控少咗音量控制同埋靜音嘅實體制，不過因為Fire TV Stick Lite支援Alexa Voice Remote Lite控制，所以呢點唔係特別重要嘅考慮因素。
Fire TV Stick Lite同樣支援1080 Full HD畫質，但係音質就只支援HDMI Pass Through for Dolby Atmos Audio，所以相對Fire TV Stick略為遜色。
Fire TV Stick
Fire TV Stick售價USD39.99，大約HKD312。新一代Fire TV Stick使用1.7GHz四核處理器，比上一代產品功能強大50％，另外耗電量亦會減低50%。
喺圖片都見到Fire TV Stick 比Fire TV Stick Lite 多咗2粒實體制，就係控制音量大小同埋靜音制。
Fire TV Stick畫質同樣支援1080p Full HD、HDR、HDR10、HDR10+、HLG。音質方面就支援Dolby Atmos，即係杜比全景聲，呢種環迴立體聲技術可以呈現比7.1聲道更為細緻嘅效果。全方位嘅3D音效包圍感會令觀眾更投入，有身歷其境嘅聲效體驗。
Fire TV Stick支援Alexa Voice Remote。
Fire TV Stick 4K
Amazon2018年亦推出Fire TV Stick 4K，今次2020年9月24日未有宣佈推出新版本。
Fire TV Stick本身最高畫質係1080p (HD)，而Fire TV Stick 4K就支援 4K Ultra HD、HDR、HDR10+、HLG同埋Dolby Vision，畫質就更加好喇！
另外，Fire TV Stick 4K音質同樣支援Dolby Atmos。
Dolby Atmos即係杜比全景聲，呢種環迴立體聲技術可以呈現比7.1聲道更為細緻嘅效果。全方位嘅3D音效包圍感會令觀眾更投入，有身歷其境嘅聲效體驗。
Fire TV Cube
Amazon Fire TV Cube同樣支援 4K Ultra HD、HDR、HDR10+、HLG同埋Dolby Vision，亦採用Dolby Atmos 杜比全景聲。
同Fire TV Stick 4K最大分別就係，Fire TV Cube支援免提Alexa語音控制。
因為Fire TV Cube內置喇叭，就算電視熄咗，用家仍然可以繼續透過Alexa落指令，例如查詢天氣、熄燈等等。
今次2020年9月24日雖然無推出新版本嘅Fire TV Cube，但係就宣佈將會有Video Calling功能，只要將Fire TV Cube連接Logitech USB Webcam就可以進行Video Call，甚至將會支援Zoom，不過細節尚未公佈。
Fire TV 產品比較
產品 | Alexa 語言控制 | 最高畫質 | 音質 | 處理器 | 容量 | USD正價 | |
Fire TV Stick Lite | ✓ Alexa Voice Remote Lite | 1080p ( HD ) | Dolby Audios | 四核心 | 8GB | 29.99 | |
Fire TV Stick | ✓ | 1080p ( HD ) | Dolby Atmos | 四核心 | 8GB | 39.99 | |
Fire TV Stick 4K | ✓ | 4K Ultra HD | Dolby Atmos | 四核心 | 8GB | 49.99 | |
Fire TV Cube | ✓ | 4K Ultra HD | Dolby Atmos | 六核心 | 16GB | 119.99 |
港究專員會推薦大家有興趣嘅話可以買2020年全新Fire TV Stick，因為佢效能比過去嘅版本更高，而且耗電量亦減低咗一半。比起Fire TV Stick Lite貴USD10，但係支援埋Dolby Atmos同full Alexa Voice Remote，性價比相當高。
當然，如果你屋企用緊4K TV，非常重視畫質嘅話，就可以買Fire TV Stick 4K玩吓，同普通版價錢相差唔遠，但係睇片嘅影音效果都更加出色。如果Budget更多，就梗係買Fire TV Cube喇！
不過提提大家，Amazon Fire TV 產品唔可以直接送香港，一定要用集運先得架！
例如比較多人用嘅Buyandship，美國集運最平HKD22/磅起。
坊間仲有好多唔同集運可以選擇，大家搵集運時記得要睇清楚集運有無禁運清單、同埋收費用實重計算定用體積重計算。
Amazon經常有折扣，如果撞正Independence Day、Black Friday呢類大減價，最平半價就可以買到Fire TV Stick或者Fire TV Cube添！
原生網上串流平台
Amazon Prime Video
Amazon Prime Video係Amazon自家網上影音串流平台，每月收費USD5.99 (約HKD47)，可供三部裝置 (需綁定) 同時觀看。
平台主力提供歐美電影同埋電視劇，亦有自創劇集同埋電影。大部分都提供英文字幕。因為Amazon進軍台灣，Prime Video開始有中文介面同埋繁體字幕，但係Fire TV暫時仲未Support到。
NETFLIX
Netflix Plan | Basic | Standard | Premium |
畫質 | 一般畫質 | 高畫質 | 超高畫質 |
同時觀看 | 1 | 2 | 4 |
月費 | HKD63 | HKD78 | HKD93 |
Netflix香港區每月收費由HKD63至HKD93不等。Premium Plan只需HKD93就可以4個螢幕同時收睇唔同節目，兼且可以睇到超高畫質，除返開每部機都係大概HKD23。就算出左街一樣可以用手機繼續睇。
Netflix提供唔同類型嘅劇集同電影，除左歐美作品，亦有台灣、日本、韓國、泰國等東南亞國家嘅作品，非常多選擇。除咗外購作品，Netflix亦一樣有原創作品，質素相當之高！香港區上架嘅劇集同埋電影大部分仲可以揀繁體中文或者英文字幕添。
另外，Netflix喺唔同地區上架嘅劇集同電影都會有分別，例如日本Netflix嘅綜藝節目可能要半年後先喺香港區Netflix上架，如果想早一步睇到，除咗親身飛到當地睇之外，你亦可以用VPN睇其他國家嘅Netflix。不過，有部分VPN IP Address可能被Netflix禁咗，所以要自行判斷，承擔相關風險喇。
港究專員之前曾經同大家分享過幾個VPN，詳情可以睇返呢篇文。有網民分享NordVPN、Ivacy同埋ExpressVPN可以跨區睇到其他地區嘅劇集同電影，不過都係個句：「請自行判斷，承擔相關風險」。
此外，外國Netflix大部份劇集同電影都係英文字幕，未必會有中文字幕提供。
安裝其他程式
如果喺Fire OS搵唔到想要嘅Apps，而你又用緊Android手機或平板，你可以下載Apps2Fire呢個程式。
首先，喺Fire TV Stick嘅開發者選項入面開啟ADB Debugging同埋Apps From Unknown Sources兩個選項，之後先喺手機下載相關Apps，再喺Apps2Fire呢個程式入面輸入Fire TV嘅IP Address。選擇安裝想要嘅App去Fire TV，搞掂就可以喺Fire TV用到其他Apps喇！
例如好多人會經Apps2Fire下載Kodi呢個App去Fire TV，Kodi係開源媒體播放器，方便統一管理電影、電視劇、音樂、圖片等多媒體，亦支援大量外掛，其中中文字幕外掛最多人用。
雖然政府逐漸放寬防疫措施，但希望大家唔好掉以輕心，可以嘅話減少前往人羣聚集嘅地方。留喺屋企同屋企人一齊用Fire TV Stick睇戲集或者電影都係唔錯嘅選擇。
喺Amazon買開Fire TV Stick嘅時候，可以順便睇埋Amazon其他商品。
無書展照睇書！購買Ebook reader 電子書閱讀器你要知 － Kindle，Clara HD，Poke 2性價大比拼！
想閱讀？除咗網上訂書，你仲可以選擇電子書、Audiobook！
想睇更多網購優惠？即刻去睇下更多網購資訊啦！
網上購物用埋張有現金回贈嘅信用卡就更加抵喇！我地港究專員推介你用呢張有4%現金回贈嘅HSBC Red信用卡：
又或者有1.5%現金回贈嘅渣打Simply Cash Visa信用卡：
【最啱新手用既信用卡之一】渣打Simply Cash Visa信用卡－限時迎新HKD1,100現金回贈+日常簽賬1.5%現金回贈
又或者有1%現金回贈嘅Citi Cash Back信用卡：
優惠受條款及細則約束。
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
如果想分享 / 更快收到各種優惠著數，歡迎加入我哋港究Telegram討論區。仲有唔好漏左Follow Kong’s Cult嘅Facebook專頁同埋Instagram啊，你哋嘅支持同意見絕對係我哋港究專員繼續發掘著數嘅動力，下次見！
