上次港究專員介紹完Monzo 呢間英國虛擬銀行之後，今次再介紹另一間都係英國成立嘅虛擬銀行，佢就係Monese 喇。
講少少背景先，Monese 係2015年成立嘅英國虛擬銀行，受英國監管機構FCA監管，現時超過二百萬客戶，喺30個歐洲經濟區 (EEA) 提供銀行服務。
有一點同Monzo 唔同，就係佢無參加英國FSCS嘅存款保障，即係存入去嘅資金唔會有存款保障，如果大家怕嘅話或者需要存款保障，可以參考吓英國另一間虛擬銀行Monzo 嘅文章。呢張卡個人建議只係存入小量存款用作日常開支使用會比較好。
Monese本身對申請人無特別國籍限制，表示無論你係拎BNO或者特區護照都可能申請到，只係其中一個申請條件係要居住喺歐洲經濟區或者係位於英國即可。同埋申請時會用手機定位作驗證，所以港究專員建議大家，真係黎到英國先用Airbnb 地址臨時申請，搵到屋租或者搬先再更改地址會比較好啲。 成功開戶之後會立即有一張虛擬卡畀你即時使用。大家只要將呢張卡加返落自己嘅電子銀包就可以即日存款 / 匯錢入去Monese度用。依家申請收到卡之後，再碌一次就會即時有GBP10送返畀你！
下邊申請link 要用電話先開到架~
Monese Simple : 免月費，但外幣交易每個月只有GBP2,000，ATM提款上限為每個月GBP100，現金存款收取3.5% 手續費。用其他debit 卡top up 收取0.3%手續費。(英國國內銀行轉賬不收任何手續費)
Monese Classic: GBP5.95一個月，外幣交易無上限，ATM提款上限為每個月GBP500，現金存款每個月GBP400免費。用其他debit 卡top up 卡沒有手續費。 (英國國內銀行轉賬不收任何手續費)
Monese Premium： GBP14.95一個月，外幣交易無上限，ATM提款上限每個月GBP1,500，現金存款每個月有GBP1,000免費。用其他debit 卡top up 卡沒有手續費。(英國國內銀行轉賬不收任何手續費)
除左基本功能之外，Monese 有幾個特別既功能可以介紹吓。
第一個係Credit Builder，你可以選擇畀錢嘅情況下，幫你Build up 你嘅Credit Score 同埋Rating，長遠令你將來更容易申請信用卡或者係借錢時拎到更好嘅息口。(無論邊種卡級別都係收GBP7.95一個月。)
第二樣係Insurance，只要你上到去Classic 或以上級別，就會自動包埋你意外，疾病，非自願失業保險。同埋住院嗰度會有返住院現金保障，加上購物保障，詳情下邊會再提及。
第三樣係國際之間轉賬，你可以根據自己嘅需要，睇吓需唔需要呢個功能，可以係轉錢入黎英國，或者轉返出去海外地方咁。(會根據返卡嘅級別收返相對嘅手續費，最高級別係免費)
國際之間如果真係有需要由海外轉入嚟英國嘅話，可以考慮吓我哋另一份文關於呢方面嘅嘢
【轉賬神器】Wise(前稱TransferWise) 比較 – 開戶、轉賬教學 經港究註冊頭HKD5,000轉賬免收服務費
係保險呢方面，港究專員覺得呢個保險暫時係市面上咁多間虛擬銀行之間，算係一個比較全面cover 到真實需要嘅附送保險嚟。
市面上大部份送嘅保險可能只係包theft insurance 或者travel insurance，好少可會包到購物保障，住院，意外同埋疾病保險。
所以呢點大家可以參考返自己個人需要，再做決定會比較好。
下邊申請link 要用電話先開到架~
同埋2018年Avios注資落Monese，令到大家可以喺Monese 戶口Link返自己Avios戶口，方便返大家管理或者係賺取積分。除此之外，大家可以用返Monese嚟連結返自己嘅Paypal戶口，方便保護自己Monese卡資料同埋Paypal內交易詳情。
你可能仲有興趣了解更多英國生活嘅文章：
英國移民生活資訊－初到貴境，點樣先可以增加英國信貸評分？LOQBOX 儲錢服務幫到你
英國移民潮資訊－資產如何安全轉移到外國？港究專員教教你之Part 1
英國移民潮資訊－生活篇：英國購物點搵優惠？慳到最盡又可以食到好嘢？平嘢又係唔係真係無好嘢？港究專員教教你之Part 3
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
如果想分享 / 更快收到各種優惠著數，歡迎加入我哋港究Telegram討論區。最新消息，我哋最近仲新增咗多個Kong’s Cult 最新文章Telegram Channel，只要Join Channel，每逢有新文章出爐就會同步收到，勁方便！！唔好漏左Follow Kong’s Cult嘅Facebook同埋Instagram專頁啊！你哋嘅支持同意見絕對係我哋港究專員繼續發掘著數嘅動力，下次見！
