講咗兩篇Apps，好似都仲未夠喉咁？唔緊要，港究專員keep住介紹優惠同埋去英國生活必需知道嘅網站畀各位準備去英國嘅讀者知！未睇我哋之前文章嘅讀者，可以撳返下面連結睇返架：
入正題時間，相信各位讀者平時買嘢，都會參考人哋價錢或者人哋對於間公司嘅評價先決定去唔去買。喺香港，我哋都係靠朋友介紹邊一間公司好，邊一間公司服務差 (例如保險公司、電話上網邊間公司邊個地區好啲咁)，但人在外國，又可以點做呢？有見及此，港究專員呢邊介紹三個比較網站，方便大家可以參考返人地對嗰間公司嘅服務或者商品嘅評價。
第一間介紹嘅係一間比較大型嘅歐洲公司，叫做Trustpilot。Trustpilot 每個月都有超過一百萬來自唔同地方嘅人出嘅新reviews。種類包括各行各業，上至公共事務，下至普通食店都會提供晒資料畀大家。唔熟悉嗰間公司都唔洗驚！但大家可能會擔心會唔會有打手呢個問題架？放心，每個review都需要proof of purchase以確保係真實用戶評價，如果未能提供，Trustpilot 係保留delete嗰個review嘅權利架。
有興趣嘅讀者可以參考返我地Giffgaff 文章，拎返張英國電話卡旁吓身，依家全球免運費加上每年只係需要GBP 10（約HKD 100），而用我哋嘅Link 申請仲會先送GBP 5，快啲登記啦！
Transferwise 係一間包括多種貨幣、主打快捷同埋較便宜嘅海外匯款公司。有興趣嘅讀者可以參考左邊呢篇文章。
睇完公司評價，又講吓格價喇。上次我哋收到有讀者意見，想我哋介紹吓比較實用少少嘅格價網，例如係食水公司、煤氣公司呢種比較咁 (因為英國唔止得一間，唔似香港咁，無太多選擇)，港究專員有求必應。今次第二個介紹就係呢類型嘅網站，佢叫MoneySuperMarket。MoneySuperMarket 係一間英國公司，專門提供唔同類型嘅產品價格比較網站。1993年開始營運，除咗MoneySuperMarket 之外，仲有其他兩個網站：MoneySavingExpert同埋TravelSupermarket。
今日我地主要介紹MoneySuperMarket，佢包括嘅範疇有保險 (包括火險、家居同車險)、水電煤嘅公司同埋電話上網公司，除此之外，仲有Credit Score check 服務，類似香港嘅TU咁。
只要選擇返所需嘅類別，之後喺左邊filter設定埋自己嘅要求，咁就可以一眼比較晒，非常簡單易用！
最後港究專員會介紹一個比較冷門嘅比較網站畀大家，佢雖然冷門，但真係要用嗰陣非常幫到忙嘅比較網站！佢就係myBuilder喇，myBuilder係一個英國網站專搵裝修公司嘅網站，你可以入去post你嘅要求，佢就會有適合嘅裝修公司聯絡你報價架喇～除此之外，如果你本身喺香港已經係做緊呢個行業嘅話，只要拎返英國相關認可資格，仲可以係到apply到其他人嘅Job添！即是無論係想搵人裝修，定想幫人裝修搵錢佢都幫到你！
當然啦，英國人工出名係比香港貴，如果大家真係好有需要，先建議用myBuilder服務。港究專員建議小型工程大家可以DIY就盡量DIY啦。
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
最新消息，我哋最近仲新增咗多個Kong’s Cult 最新文章Telegram Channel，只要Join Channel，每逢有新文章出爐就會同步收到，勁方便！！如果想分享 / 更快收到各種優惠著數，歡迎加入我哋港究Telegram討論區。仲有唔好漏咗Follow Kong’s Cult嘅Facebook同Instagram專頁啊，你哋嘅支持同意見絕對係我哋港究專員繼續發掘著數嘅動力，下次見！
