嚟到英國移民潮資訊嘅Part 3。今次港究專員會介紹返老本行，就係有關優惠同其他生活Apps嘅資訊畀各位讀者。上兩篇我哋有介紹點樣由香港轉錢過去英國同埋有關日常生活會用到嘅Apps，有興趣嘅讀者可以參考返我地之前兩份文章架：
自從2020年疫情開始之後，大家嘅購物模式都由實體店轉去網上商店 (雖然呢個本來都係大趨勢)。有時候為咗某啲優惠而周圍搵優惠碼或者特定優惠時段，買到當然好，但買唔到或者用唔到優惠碼，始終覺得蝕咗咁。今次我哋港究專員都介紹一啲Rebate網比大家，等大家買得放心又慳得開心啦 (唔止香港用到架，連英國都用到！)
我哋今次介紹嘅係Rebatesme同埋Topcashback，Rebatesme同Topcashback都係回贈網站。個個都買同一樣嘢，唔通每個人都要畀同一樣嘅價錢落同一件貨度？有無方法可以買得平啲呢？近年嘅科技發展令到網上購物愈嚟愈方便，可以令商戶免卻舖租同倉租嘅支出，再加上受疫情嘅催化，網上購物愈嚟愈普及。如果大家有興趣，可以去睇吓我地另一篇文章，入邊有詳細介紹點樣用架：
人生路不熟，去到英國又怕唔知點搵路？Google Map怕唔夠用？唔緊要！我地呢度有介紹！大家可以安裝返一個Citymapper嘅App，只要輸入你嘅出發地方同目的地，佢就會計算晒唔同方法教你點去～包括價錢、時間、去邊度轉車同點行都教晒你！有啲似大家去日本旅行嗰陣嘅乘內轉換咁，方便大家唔洗再搵右搵，相當貼心！
順便一提，如果係考慮緊去London嘅讀者，可以參考埋citymapper入邊嘅Mastercard，App入邊會有返唔同Pass畀大家選擇，有啲類似某鐵路公司嘅月票計劃，不過佢就係以星期計，有興趣嘅讀者可以參考吓 (暫時只限London，未知會唔會再增加地方)。
大家平時有留意開嘅Supermarket格價，港究專員都認為出面太多地方已經講咗好多次。呢部份我地就講吓有關唔係食品類嘅嘢，即係電子產品或者其他服飾嘅格價。相信大家都知道英國買電子產品，啲稅真係好貴 (依家英國增值稅係20%)。今次我哋介紹嘅就叫做PriceSpy。佢有分唔同地區，記得選擇返英國地區先搵。比較清楚，睇晒價錢、其他人評價，做足功課先買，咁就萬無一失啦～
之後我哋就介紹吓一個環保食嘢嘅App，正所謂食得唔好浪費，大家都知平時餐廳閂門之後，仲有好多嘢食會剩低。呢個時候就啱晒喇，點解？因為呢個App就係等啲餐廳就嚟收舖之前，畀大家用一個好平嘅價錢去買到啲平時比較貴嘅食物，佢個名就係叫Too Good To Go。呢個App會顯示不同餐廳賣剩嘅食物，餐廳又可以唔造成浪費食物。你仲可以用個App嚟預約，安排自己咩時間先去拎。
最後我哋就介紹一個可以換食物或其他物品嘅App，佢叫OLIO，佢畀人一個渠道可以減少浪費，令雙方可以各取所需。通常交收地方都係分享者嘅屋外。有需要嘅讀者可以下載定，用作不時之需。
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
最新消息，我哋最近仲新增咗多個Kong’s Cult 最新文章Telegram Channel，只要Join Channel，每逢有新文章出爐就會同步收到，勁方便！！如果想分享 / 更快收到各種優惠著數，歡迎加入我哋港究Telegram討論區。仲有唔好漏咗Follow Kong’s Cult嘅Facebook同Instagram專頁啊，你哋嘅支持同意見絕對係我哋港究專員繼續發掘著數嘅動力，下次見！
