今次港究專員會介紹吓去英國生活嘅實用Apps同埋一啲喺香港可以搞定先嘅嘢，提早搞掂去到又煩少樣先嘛。上一篇我哋就介紹咗去英國必用嘅銀行或者轉移資產嘅方法畀大家，未睇我哋Part 1嘅讀者可以撳返呢到睇返：
講下社交嘢先，去到英國生活，除咗銀行戶口同地址重要，有個電話號碼都好重要，無電話號碼去到嗰邊又係乜都做唔到。港究專員呢度就介紹一個英國嘅電話供應商畀大家，佢就係GiffGaff，GiffGaff係用緊O2網絡，同埋同埋最緊要嘅係，你可以預先申請咗佢地張電話卡返嚟香港先，運費全免！張卡寄返嚟香港之後，預先喺網上入錢開咗Plan先，到時一落地即用又得，想申請定之後先用又得。用用吓想轉台亦得，得咗！有關GiffGaff英國電話卡嘅資料，可以參考返我地另一篇有關佢嘅文章～
開戶先送GBP5，即係成本只要GBP5 (約HKD50) 就可以擁有一張寄到嚟你香港地址嘅英國電話卡，平過去深水埗買嗰啲本地電話卡啦～
今次真係唔買都要睇吓！
講開電話，我諗大家平時喺香港都收到唔少有關廣告電話或者呃人嗰啲電話架喇。
呢度港究專員會介紹一個類似香港「小熊來電」嘅廣告攔截APPs比大家，佢個名叫「Should I Answer」立即下載：
佢除咗係免費，兩個版本更提供三種Protection level畀各位選擇。例如Active Protection就會自動幫你block晒廣告或者呃人嘅來電。而Passive Level就唔會幫你自動攔截呢啲電話，但會出現Pop-up提示，畀你知道來電者身份同埋相關資料。
講完電話，就講吓英國天文台啦，嗰邊唔似香港嘅濕凍，但出門都要知天氣架嘛。咁各位港究嘅讀者就可以下載返英國版天文台 – Met Office。
裝咗呢個Apps，想知幾時落雪，或者幾時會落雨都一清二楚啦！
多得科技嘅進步。依家都已經可以用Apps叫外賣或者喺英國嘅餐廳訂枱食飯喇。
各位讀者可以安裝一個叫OpenTable嘅應用程式，就可以即時睇到附近有乜餐廳同咩價位。類似香港嘅OpenRice咁。佢入邊有分訂枱頁面同埋外賣頁面，入邊有晒喺嗰間餐廳食過嘢嘅其他客戶評語。啱晒各位想節省時間又唔想出去買外賣／或者英文唔係咁好嘅讀者！
可能大家去咗英國之後，有啲網站平時喺香港去開，但去到英國又上唔到，其實係因為地區IP問題，即係某網站或者某程式只可以畀特定地區先連到入去。咁呢個時候，VPN就可以幫到大家喇。VPN除咗一般保護私隱，其實仲可以令大家去返唔同地區睇到唔同資訊。例如Netflix轉地區，你可以喺英國睇到香港區嘅Netflix，相反你都可以喺香港，利用VPN方法睇到英國區嘅Netflix咁。
有關我哋VPN嘅介紹，可以參考返我地另一篇比較VPN嘅文章，幫你比較返市面上比較有規模嘅VPN公司介紹：
VPN公司真係多到數都數唔晒，但係是但揀嘅話呢，一中伏又會洩露晒啲個人資料出去，特別生於呢一個時代，都係睇緊啲網絡安全好啲。港究專員為你嚴選左市面最熱門嘅VPN公司同佢地做一個大比較，一個表就睇到晒各間公司嘅優缺點，無論喺香港定英國都用得～
由於實在太多資料喇，生活篇呢到，港究專員會開多一Part 方便大家做分類，下一部份我地會開始講返我地老本行，如何做一個港究 (英國版) 嘅人，發掘英國區優惠畀大家，等大家就算身在英國都可以慳盡一分一毫。敬請留意Part 3！
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
最新消息，我哋最近仲新增咗多個Kong’s Cult 最新文章Telegram Channel，只要Join Channel，每逢有新文章出爐就會同步收到，勁方便！！如果想分享 / 更快收到各種優惠著數，歡迎加入我哋港究Telegram討論區。仲有唔好漏咗Follow Kong’s Cult嘅Facebook同Instagram專頁啊，你哋嘅支持同意見絕對係我哋港究專員繼續發掘著數嘅動力，下次見！
