踏入2021年，呢到先祝各位讀者新年快樂！個個都心想事成先～上年香港經歷咗咁多風風雨雨，發生咗咁多事，大家時間好似停頓咗落嚟。而英國喺上年七月都正式開始放寬BNO持有人移民去英國嘅門檻。
唔少香港人都因為唔同嘅原因而考慮離開香港呢個家園，去英國重新生活。決定咗出發嘅讀者可能呢個時期都已經搵緊去到嗰邊嘅衣食住行資料，做足準備，都起碼煩少樣嘢先。有見及此，港究專員都搵定一部份嘅英國資料，方便大家提早做定功課。唔駛去到先急急腳搞嘛。
今次我哋會介紹錢銀方面先，方便大家可以調動自己嘅資產過去。
正所謂三軍未動，糧草先行。之前都教咗大家點樣將香港嘅資產射去外國，我哋港究專員都有介紹過用Transferwise射錢出去。而Transferwise本身就唔止射去英國嘅，仲可以射去唔同國家添，有興趣嘅朋友可以參考吓我地另一篇有關Transferwise嘅文章，入面有更加詳細解說：（Click圖睇教學）
去到英國，都點要有個戶口，你先可以轉到啲錢過去架嘛，我哋就會介紹一個位於瑞士嘅低門檻離岸戶口，係用香港地址、護照都申請到嘅Dukascopy，畀你將香港啲錢轉過去，到真係去到嗰邊落地，先再慢慢搞當地嘅本地銀行戶口都未遲吖。而且，英國大部份都用contactless嚟做付款方式，有張外國嘅contactless debit card放定英鎊，總比直接用香港信用卡連埋手續費平得多。加上佢可以直接入落Apple Pay／Samsung Pay，咁就唔怕張卡唔見啦～想知多啲就撳下面張圖睇我哋港究專員寫嘅教學文啦：
除咗一般考慮嘅資產轉移方法，讀者可以考慮吓用加密貨幣，買入穩定幣，例如USDC或者USDT，呢兩個例子都係喺加密貨幣入邊叫錨定穩定幣，直接同USD掛勾。USDC係ERC 20標準由美國交易所巨頭Coinbase同高盛集團旗下嘅Circle公司開發，兩間公司都係受美國金融機構監管，而每一個USDC都被保證要求由相對應嘅美元作為抵押，即係1 USDC 掛勾真實 1 美元。USDT則由另一間公司Tether發行，都係同美元完全掛勾，維持同美金1：1嘅兌換率。USDC同USDT都不受市場波動影響，類似法定貨幣嘅避險貨幣，最緊要嘅係，只要撳一個掣，係撳一個掣。你就可以將手頭上嘅錢輕鬆轉出去。有興趣嘅讀者可以參考吓我哋另外兩篇文，有關購買呢兩種穩定幣嘅交易所資料及有關將USDC同USDT轉換成法定貨幣都係用交易所嚟處理架！(Click圖睇相應平台註冊教學)
如果仲未用得著啲美金儲備嘅，可以考慮下用手上嘅USDC或者USDT嚟賺取被動收入！港究專員誠意推薦Celsius Network，佢相當於加密貨幣嘅銀行。Celsius Network 係一個加密貨幣嘅收息及放貸平台 (都可以借錢，不過港究專員無試過，就唔為大家介紹啦)，無論你存入幾多加密貨幣，都可以每個禮拜一收到高達12% p.a 嘅回報，勝在夠穩定。Celsius現時 (2020年12月) 共有24萬會員，平台正管理近USD33億嘅資產。並榮獲《福布斯》評為2018年十大加密貨幣新創公司之一。大家最關心嘅點樣操作同埋安全性問題都一一寫晒喺我哋另一篇文度，想睇就即刻撳入去下面張圖啦！
唔想煩咁多，只想輕輕鬆鬆咁入錢落去，去到外國當普通VISA debit 卡咁用住？或者之後等疫情完咗去旅行，方便周圍用？定係當每個月入少少錢買加密貨幣 / 法定貨幣當儲錢？港究專員建議你不如考慮吓由獲得MasterCard首間認可嘅加密貨幣簽帳入門卡啦！想知多啲？你識做嫁啦～
錢銀上嘅介紹就大致上係咁樣，應該可以滿足大部人嘅要求架喇，想知有關英國比較生活上用到嘅Apps介紹，就要留意我哋嘅英國生活實用App大推介：
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！最新消息，我哋最近仲新增咗多個Kong’s Cult 最新文章Telegram Channel，只要Join Channel，每逢有新文章出爐就會同步收到，勁方便！！如果想分享 / 更快收到各種優惠著數，歡迎加入我哋港究Telegram討論區。仲有唔好漏咗Follow Kong’s Cult嘅Facebook同Instagram專頁啊，你哋嘅支持同意見絕對係我哋港究專員繼續發掘著數嘅動力，下次見！
