唔知讀者們有時想慶祝特別節日嘅時候，都需要訂一個精美嘅生日蛋糕為重要嘅人慶祝。而好多時候都好難搵到啲心水嘅蛋糕去訂，成日都會擔心中伏，朱古力蛋糕嘅選擇話多唔多話少唔少，但係好多時候都會好易就食到唔好味嘅蛋糕而毀咗慶祝日嘅心情！
而今次專員想為大家介紹5款專員嘅Top5朱古力蛋糕心水之選，希望幫到大家減輕選擇困難症，同時祝大家食得開心！事不宜遲，即刻就睇睇有咩蛋糕啱你，排名不分先後！
1. Cova - Sacher Cake
Cova係一間意大利老字號咖啡店，一向係香港都係行中高檔嘅蛋糕路線，Sacher Cake係Cova最為暢銷嘅蛋糕。
由於係海綿蛋糕關係蛋糕偏向比較厚身，食落口味濃郁且多層次。蛋糕最面層上鋪滿杏果醬加朱古力醬薄層，側邊有朱古力豆包圍主層，夾心層包含忌廉，有朱古力香味並且順帶有榛果香，口感札實。份量十足，亦令到蛋糕整體有不同層次變化，唔會只食到朱古力味。
1磅蛋糕有4-6人份量，可能情侶2人世界就會太多，平時食tea都可以單點一件試試佢！
2. DALLOYAU - Opéra
Opéra蛋糕嘅始祖DALLOYAU，已經有差唔多300年歷史嘅法國殿堂級糕點品牌，市面上嘅歌劇院蛋糕基本上都係模仿緊佢。Opéra蛋糕手工細緻，外型十分吸引，有一種高貴嘅氣質且蛋糕層次分明，由於朱古力大部分採用60-70%黑朱古力味，內含可可的酸同香，口感一流。
而且蛋糕嘅表面有唔同嘅款式，無論喺任何時候都可以買嚟慶祝不同嘅節日！
3. 龍島LUCULLUS
龍島餅店歷史唔算太長，但已經喺香港深深地札根，唔同地區都有分店，方便自己pick up / 送貨上門，有唔同嘅蛋糕嘅款式，主打為朱古力蛋糕，而朱古力蛋糕系列十分有名，好多人都鍾意食佢架！
龍島餅店會用上唔同濃度嘅黑朱古力製作，可以根據返個人口味作出選擇，而專員都覺得龍島嘅價錢會較相宜，口味十分好，無論大人細路都啱！
4. Lady M - 威士忌黑朱古力慕絲蛋糕
Lady M係香港出晒位就大家都知，千層蛋糕係佢哋嘅主打，而佢哋其他款式嘅朱古力蛋糕都同樣咁出色！
而專員都幾喜歡呢隻蛋糕，因為蛋糕主要加入咗帶有麥味威士忌，食入口唔單止有麥芽嘅香甜，仲有小小威士忌獨有嘅泥煤味，仲帶有蜂蜜、柑橘和生薑的風味，每一啖蛋糕都充滿酒香，配合埋朱古力海綿蛋糕，蛋糕食落口味層次豐富。真係諗唔到原來朱古力同威士忌都可以咁夾，推薦畀鍾意飲酒嘅讀者們一試！
5. 文華餅店
文華餅店嘅芝士蛋糕係基本上已經出哂名。但好味之餘，由文華出品嘅朱古力蛋糕都係唔錯嘅選擇，而文華一向都係比人一種實而不華嘅印象，佢哋嘅朱古力蛋糕都保留呢種風格啦！
Opéra、Gianduja Cake同Hazelnut Crunchy Milk Chocolate Cake。三款十分classic嘅蛋糕均為文華嘅主打，佢哋嘅水準都十分高，基本上都係無咩可以雞蛋挑骨頭，朱古力控嘅讀者一試無妨！
關於今次嘅分享暫時到呢度，如果想慳得更多嘅話，可以用埋指定嘅信用卡嚟訂蛋糕，可以慳更多！
Kong’s Cult會繼續搜羅更多優惠。如果想了解更多信用卡資訊歡迎睇睇Kong’s Cult信用卡專頁。
如果想睇吓我哋有關餐飲、美食、Staycation、旅行，仲有其他熱門文章，歡迎撳下邊嘅link睇睇
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！如果想分享 / 更快收到各種優惠著數，歡迎加入我哋港究Telegram討論區。最新消息，我哋最近仲新增咗多個Kong’s Cult 最新文章Telegram Channel，只要Join Channel，每逢有新文章出爐就會同步收到，勁方便！！唔好漏咗Follow Kong’s Cult嘅Facebook同Instagram專頁啊！你哋嘅支持同意見絕對係我哋港究專員繼續發掘著數嘅動力，下次見！
