動森將於 2021年11月5日 (五) 發佈免費更新 2.0版本，今次更新係最後一次免費同埋最大型嘅更新，之前大家引頸以待嘅內容都喺今次更新中滿足晒大家，仲有，當日會同時宣布將發售付費 DLC《集合啦！動物森友會 快樂家樂園》嘅內容，希望今次《動物森友會 2.0》會召喚到之前棄島嘅朋友仔番嚟一齊玩啦~
動物森友會更新一覽：
動森更新：主要升級13項 | 動森更新：新增12項內容 |
1. 鴿子老闆的咖啡店開幕！ | 1. 新增橋樑、斜坡建設 |
2. 和航平前往新的島嶼 | 2. 倉庫收納空間擴大 |
3. amiibo 動森新島民 | 3. 新增房屋外觀 |
4. 巴獵島廣場擴大 | 4. 新增髮型 |
5. 新加入舊版 NPC | 5. 新增表情動作 |
6. 新增島嶼條例 | 6. 新增柵欄款式 |
7. 料理烹飪 | 7. 新增 梯子 DIY 方程式 |
8. 當個農夫！可以種菜了！ | 8. 新增 Nook 哩數家具 |
9. 佈置天花板！可以買吊燈了！ | 9. 狸貓商店新增家具 |
10. 發現大量陶俑 | 10. 新增儲物櫃與戶外提款機 ATM |
11. 可以分別設計牆面圖案 | 11. KK新增 12 首唱片 |
12. 相機功能提升！新增拍攝角度 | 12. 半格的空間可以自由通過 |
13. 隨時邀請島民到自己家裡玩 |
1、解憂的鴿子老闆的咖啡店回歸！
位於博物館內的鴿子老闆咖啡廳終於開幕了！可以邀請島民一起來喝杯咖啡享受下午茶，每杯Handmade Coffee 盛惠200元。
2、和航平前往新的島嶼
NPC航平會帶玩家前往新的島嶼，在島嶼有機會發現新的植物呢！一趟要 1000 哩數！記得出發前清空背包啦！
3、amiibo卡 動森新島民
大型更新一定會推出新島民， amiibo卡 即將推出第五彈，共 48 張卡片。這次的最大亮點就是兔子「Shasa」登場，好可愛呀！
4、巴獵島廣場擴大
原先，巴獵島只有攝影棚同埋每年六月來放閃拍婚紗照的羊駝夫婦。今次動森更新終於將巴獵島擴大，預留位置給想要來巴獵島開店的 NPC (薛革、狐利、駱嵐)，下次去巴獵島就可以集中買晒所有嘢啦。
5、新加入舊版 NPC
舊版有很多經典 NPC 都是玩家們希望佢哋再次回歸嘅，今次揀選了髮型店的刀麗茹、每日占卜運程的星薇同埋烏龜鎮長也會回來陪伴玩家！
6、新增島嶼條例
次次番到屋企玩動森都見到舖頭閂晒門，又真係令人好掃興。今次動森幫島主一大忙，就係可以替島嶼制定不同的條例，看是要讓島民提早起床開始一天活動，還是讓島民一和島主一齊夜訓，由你話事。
7、料理烹飪
之前儲了一大堆廚房用品，估唔到真係可以用嚟煮嘢食，透過購買料理方程式 DIY，島主可以煮出各種美食，將美食擺出來影張相吧！
8、當個農夫！可以種菜了！
任天堂為咗令大家同動森有更多嘅互動，增設咗種菜功能。島主可以透過種植得到紅蘿蔔、小麥、甘蔗、番茄、薯仔等等原材料製作料理。
9、佈置天花板，可以買吊燈了
天花板而家都可以裝潢了，有各種各樣的吊燈可以購買，讓房間更有氣氛。
10、發現大量陶俑
喺手機版動森入面，成日都會見到地上有陶俑需要收集嚟做家具。今次Switch版動森都加入了陶俑，只要看到地上有星星圖案，用鏟子挖一下就會掘出陶俑或者陶俑碎片，如果將陶俑碎片埋回土壤中澆水，之後挖出來就會獲得一個完整的陶俑了。收集陶俑後當然可以用DIY將佢哋改頭換面，當成家裡獨一無二的裝飾品。
11、可以分別設計牆面圖案
原本換牆紙就係四面都係同一花樣，這次動森更新就容許四面牆都能有不同的設計，可以好似自己屋企咁有一幅特色牆了。
12、相機功能提升！新增拍攝角度
手機嘅照相機功能提升了！可以切換至手持照相機和三腳架相機模式，有更多拍攝的視角調整角度。
13、隨時邀請島民到家裡玩
辛辛苦苦設計完四間房，島主都好想邀請最愛的島民嚟參觀一下，今次動森更新，就可以同島民嘅互動更加親密了。只要感情好嘅島民可能會突然說想要去你家玩，或者邀請你去佢哋屋企玩㗎！
今次港究專員同大家分享咗13項主要更新，下篇再同大家分享另外12項新增內容。
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
如果想分享 / 更快收到各種優惠著數，歡迎加入我哋港究Telegram討論區。最新消息，我哋最近仲新增咗多個Kong’s Cult 最新文章 Telegram Channel，只要Join Channel，每逢有新文章出爐就會同步收到，勁方便！！唔好漏咗Follow Kong’s Cult嘅Facebook同Instagram專頁啊！你哋嘅支持同意見絕對係我哋港究專員繼續發掘著數嘅動力，下次見！
