動森喺2021年11月5日 (五) 發佈免費更新 2.0版本，今次更新係最後一次免費同埋最大型嘅更新，之前大家引頸以待嘅內容都喺今次更新中滿足晒大家，仲有，當日會同時宣布將發售付費 DLC《集合啦！動物森友會 快樂家樂園》嘅內容，希望今次《動物森友會 2.0》會召喚到之前棄島嘅朋友仔番嚟一齊玩。
上星期同大家分享咗13項主要升級更新內容，今次就再同大家介紹另外12項的新增內容啦~
動物森友會新增一覽：
動森更新：主要升級13項 | 動森更新：新增12項內容 |
1. 鴿子老闆的咖啡店開幕！ | 1. 新增橋樑、斜坡建設 |
2. 和航平前往新的島嶼 | 2. 倉庫收納空間擴大 |
3. amiibo 動森新島民 | 3. 新增房屋外觀 |
4. 巴獵島廣場擴大 | 4. 新增髮型 |
5. 新加入舊版 NPC | 5. 新增表情動作 |
6. 新增島嶼條例 | 6. 新增柵欄款式 |
7. 料理烹飪 | 7. 新增 梯子 DIY 方程式 |
8. 當個農夫！可以種菜了！ | 8. 新增 Nook 哩數家具 |
9. 佈置天花板！可以買吊燈了！ | 9. 狸貓商店新增家具 |
10. 發現大量陶俑 | 10. 新增儲物櫃與戶外提款機 ATM |
11. 可以分別設計牆面圖案 | 11. KK新增 12 首唱片 |
12. 相機功能提升！新增拍攝角度 | 12. 半格的空間可以自由通過 |
13. 隨時邀請島民到自己家裡玩 |
更新1、新增橋樑、斜坡建設
島主可以繼續發揮創意美化小島，今次增加小橋及樓梯數量，方便島民向上向外發展，製造不同的場景。
更新2、倉庫收納空間擴大
島主見新家具當然會買唔停手啦，增加收納空間到5,000件就唔洗怕放唔落啦。
更新3、新增房屋外觀及種類
屋入面裝飾得咁靚，外觀設計又點可以是是但但呢？增加幾款房屋外觀咁就可以Match返一致嘅風格。
更新4、新增 11 款髮型
髮型都係多左幾款，不過都係普通嘢，想要多啲新鮮感就要每日去搵刀麗茹，每日一次免費設計髮型，總有一款啱你嘅。
更新5、新增表情動作
表情動作都新增咗幾款，經常同島民傾計就可以收集到。
更新6、新增 9 種柵欄
整靚個島都係依個遊戲嘅重點，開放更多柵欄款式做佈置。
更新7、新增梯 DIY 方程式
之前樓梯數目有限，成日要拎梯出嚟爬好麻煩，而家有咗佢就唔洗每次咁麻煩了~
更新8、新增 Nook 哩數家具
多咗好多好靚嘅家具買，啱晒成日砌島嘅你！
更新9、狸貓商店新增家具
更新10、新增儲物櫃與戶外提款機 ATM
多咗戶外儲物櫃同ATM，都係方便大家唔洗成日要返轉頭拎嘢，最啱無耐性嘅島主。
更新11、新增 KK 12 首單曲
動森設計嘅歌曲都幾好聽，封面設計都唔馬虎，啱晒收藏家儲齊一套。
更新12、半格的空間可以自由通過
偷到半格就剛剛好，依家咁樣擺位就合晒意，滿足晒有輕至重度強迫症嘅島主。
今次港究專員同大家分享咗12項新項目，你哋都快啲買嚟一齊玩啦。
有興趣睇埋有咩其他GAME玩：
Switch「動物森友會」11月5日推出免費大型更新 (13項主要升級一覽)
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
如果想分享 / 更快收到各種優惠著數，歡迎加入我哋港究Telegram討論區。最新消息，我哋最近仲新增咗多個Kong’s Cult 最新文章 Telegram Channel，只要Join Channel，每逢有新文章出爐就會同步收到，勁方便！！唔好漏咗Follow Kong’s Cult嘅Facebook同Instagram專頁啊！你哋嘅支持同意見絕對係我哋港究專員繼續發掘著數嘅動力，下次見！
